|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
Rajavaggo ---- ghatikarasuttam [403] Evamme sutam ekam samayam bhagava kosalesu carikam carati mahata bhikkhusanghena saddhim . atha kho bhagava magga okkamma annatarasmim padese sitam patvakasi . atha kho ayasmato anandassa etadahosi ko nu kho hetu ko paccayo bhagavato sitassa patukammaya na akaranena tathagata sitam patukarontiti . atha kho ayasma anando ekamsam uttarasangam 1- karitva yena bhagava tenanjalimpanametva bhagavantam etadavoca ko nu kho bhante hetu ko paccayo bhagavato sitassa patukammaya na akaranena tathagata sitam patukarontiti. [404] Bhutapubbam ananda imasmim padese vebhaligam 2- nama nigamo 3- ahosi iddho ceva phito ca bahujano akinnamanusso . Vebhaligam kho ananda nigamam kassapo bhagava araham sammasambuddho upanissaya vihasi . idha sudam ananda kassapassa bhagavato arahato sammasambuddhassa aramo ahosi . idha sudam ananda kassapo bhagava araham sammasambuddho nisinno bhikkhusangham ovadatiti. @Footnote: 1 Si. Yu. civaram. 2 Si. Ma. vebhalingam. 3 Yu. gamanigamo.--------------------------------------------------------------------------------------------- page375.
[405] Atha kho ayasma anando catugunam sanghatim pannapetva bhagavantam etadavoca tenahi bhante bhagava nisidatu evayam bhumippadeso dvihi arahantehi sammasambuddhehi paribhutto bhavissatiti . nisidi bhagava pannatte asane . nisajja kho bhagava ayasmantam anandam amantesi bhutapubbam ananda imasmim padese vebhaligam nama nigamo ahosi iddho ceva phito ca bahujano akinnamanusso . vebhaligam kho ananda nigamam kassapo bhagava araham sammasambuddho upanissaya vihasi . idha sudam ananda kassapassa bhagavato arahato sammasambuddhassa aramo ahosi . Idha sudam ananda kassapo bhagava araham sammasambuddho nisinno 1- bhikkhusangham ovadati. {405.1} Vebhalige 2- kho ananda nigame ghatikaro nama kumbhakaro kassapassa bhagavato arahato sammasambuddhassa upatthako ahosi aggupatthako . ghatikarassa kho ananda kumbhakarassa jotipalo nama manavo sahayo ahosi piyasahayo . atha kho ananda ghatikaro kumbhakaro jotipalam manavam anantesi ayama samma jotipala kassapam bhagavantam arahantam sammasambuddham dassanaya upasankamissama sadhusammatanhi me tassa bhagavato dassanam arahato sammasambuddhassati. [406] Evam vutte ananda jotipalo manavo ghatikaram kumbhakaram etadavoca alam samma ghatikara kim pana tena mundakena @Footnote: 1 Yu. nisinnako. 2 Yu. vebhalinge.--------------------------------------------------------------------------------------------- page376.
Samanakena ditthenati . dutiyampi kho ananda .pe. tatiyampi kho ananda ghatikaro kumbhakaro jotipalam manavam etadavoca ayama samma jotipala kassapam bhagavantam arahantam sammasambuddham dassanaya upasankamissama sadhusammatanhi me tassa bhagavato dassanam arahato sammasambuddhassati . tatiyampi kho ananda jotipalo manavo ghatikaram kumbhakaram etadavoca alam samma ghatikara kim pana tena mundakena samanakena ditthenati . Tenahi samma jotipala sottisinanam 1- adaya nadim gamissama sinayitunti . evam sammati kho ananda jotipalo manavo ghatikarassa kumbhakarassa paccassosi. [407] Atha kho ananda ghatikaro ca kumbhakaro jotipalo ca manavo sottisinanam adaya nadim agamamsu sinayitum . atha kho ananda ghatikaro kumbhakaro jotipalam manavam amantesi ayam samma jotipala kassapassa bhagavato arahato sammasambuddhassa avidure aramo ayama samma jotipala kassapam bhagavantam arahantam sammasambuddham dassanaya upasankamissama sadhusammatanhi me tassa bhagavato dassanam arahato sammasambuddhassati. [408] Evam vutte ananda jotipalo manavo ghatikaram kumbhakaram etadavoca alam samma ghatikara kim pana tena mundakena @Footnote: 1 Si. Yu. sottim sinanim.--------------------------------------------------------------------------------------------- page377.
Samanakena ditthenati . dutiyampi kho ananda .pe. tatiyampi kho ananda ghatikaro kumbhakaro jotipalam manavam etadavoca ayam samma jotipala kassapassa bhagavato arahato sammasambuddhassa avidure aramo ayama samma jotipala kassapam bhagavantam arahantam sammasambuddham dassanaya upasankamissama sadhusammatanhi me tassa bhagavato dassanam arahato sammasambuddhassati . tatiyampi kho ananda jotipalo manavo ghatikaram kumbhakaram etadavoca alam samma ghatikara kim pana tena mundakena samanakena ditthenati. [409] Atha kho ananda ghatikaro kumbhakaro jotipalam manavam ovattikaya paramasitva etadavoca ayam samma jotipala kassapassa bhagavato arahato sammasambuddhassa avidure aramo ayama samma jotipala kassapam bhagavantam arahantam sammasambuddham dassanaya upasankamissama sadhusammatanhi me tassa bhagavato dassanam arahato sammasambuddhassati . atha kho ananda jotipalo manavo ovattikam vinivethetva ghatikaram kumbhakaram etadavoca alam samma ghatikara kim pana tena mundakena samanakena ditthenati . Atha kho ananda ghatikaro kumbhakaro jotipalam manavam sisanhatam kesesu paramasitva etadavoca ayam samma jotipala kassapassa bhagavato arahato sammasambuddhassa avidure aramo ayama samma jotipala kassapam bhagavantam arahantam sammasambuddham dassanaya--------------------------------------------------------------------------------------------- page378.
Upasankamissama sadhusammatanhi me tassa bhagavato dassanam arahato sammasambuddhassati . atha kho ananda jotipalassa manavassa etadahosi acchariyam vata bho abbhutam vata bho yatra hi namayam ghatikaro kumbhakaro ittarajacco samano amhakam sisanhatanam kesesu paramasitva 1- mannissati na vatidam orakam manne bhavissatiti . ghatikaram kumbhakaram etadavoca yavetadohipi samma ghatikarati . yavetadohipi samma jotipala tatha hi pana me sadhu samma tam tassa bhagavato dassanam arahato sammasambuddhassati . Tenahi samma ghatikara munca gamissamati. [410] Atha kho ananda ghatikaro ca kumbhakaro jotipalo ca manavo yena kassapo bhagava araham sammasambuddho tenupasankamimsu upasankamitva ghatikaro kumbhakaro kassapam bhagavantam arahantam sammasambuddham abhivadetva ekamantam nisidi . jotipalo pana manavo kassapena bhagavata arahata sammasambuddhena saddhim sammodi sammodaniyam katham saraniyam vitisaretva ekamantam nisidi . Ekamantam nisinno kho 2- ghatikaro kumbhakaro kassapam bhagavantam arahantam sammasambuddham etadavoca ayam me bhante jotipalo manavo sahayo piyasahayo imassa bhagava dhammam desetuti. [411] Atha kho ananda kassapo bhagava araham sammasambuddho @Footnote: 1 Yu. paramasitabbam. 2 Yu. etthantare anandati alapanam dissati.--------------------------------------------------------------------------------------------- page379.
Ghatikaranca kumbhakaram jotipalanca manavam dhammiya kathaya sandassesi samadapesi samuttejesi sampahamsesi . atha kho ananda ghatikaro ca kumbhakaro jotipalo ca manavo kassapena bhagavata arahata sammasambuddhena dhammiya kathaya sandassita samadapita samuttejita sampahamsita kassapassa bhagavato arahato sammasambuddhassa bhasitam abhinanditva anumoditva utthayasana kassapam bhagavantam arahantam sammasambuddham abhivadetva padakkhinam katva pakkamimsu. [412] Atha kho ananda jotipalo manavo ghatikaram kumbhakaram etadavoca imam nu tvam samma ghatikara dhammam sunanto atha ca pana 1- agarasma anagariyam pabbajasiti . nanu ca mam samma jotipala janasi andhe jinne matapitaro posemiti . tenahi samma ghatikara aham agarasma anagariyam pabbajissamiti. [413] Atha kho ananda ghatikaro ca kumbhakaro jotipalo ca manavo yena kassapo bhagava araham sammasambuddho tenupasankamimsu upasankamitva kassapam bhagavantam arahantam sammasambuddham abhivadetva ekamantam nisidimsu . ekamantam nisinno kho ananda ghatikaro kumbhakaro kassapam bhagavantam arahantam sammasambuddham etadavoca ayam me bhante jotipalo manavo sahayo piyasahayo imam bhagava pabbajetuti . alattha kho ananda jotipalo @Footnote: 1 Yu. etthantare nasaddo dissati.--------------------------------------------------------------------------------------------- page380.
Manavo kassapassa bhagavato arahato sammasambuddhassa santike pabbajjam alattha upasampadam . atha kho ananda kassapo bhagava araham sammasambuddho acirupasampanne jotipale manave addhamasupasampanne vebhalige yathabhirantam viharitva yena baranasi tena carikam pakkami anupubbena carikancaramano yena baranasi tadavasari. [414] Tatra sudam ananda kassapo bhagava araham sammasambuddho baranasiyam viharati isipatane migadaye . assosi kho ananda kiki 1- kasiraja kassapo kira bhagava araham sammasambuddho baranasim anuppatto baranasiyam viharati isipatane migadayeti . atha kho ananda kiki kasiraja bhadrani bhadrani yanani yojapetva bhadram yanam abhiruhitva bhadrehi bhadrehi yanehi baranasiya niyyasi mahaccarajanubhavena 2- kassapam bhagavantam arahantam sammasambuddham dassanaya yavatika yanassa bhumi yanena gantva yana paccorohitva pattikova yena kassapo bhagava araham sammasambuddho tenupasankami upasankamitva kassapam bhagavantam arahantam sammasambuddham abhivadetva ekamantam nisidi. [415] Ekamantam nisinnam kho ananda kikim kasirajanam kassapo bhagava araham sammasambuddho dhammiya kathaya sandassesi samadapesi samuttejesi sampahamsesi . atha kho ananda kiki kasiraja @Footnote: 1 Yu. kiki. 2 Yu. mahata rajanubhavena.--------------------------------------------------------------------------------------------- page381.
Kassapena bhagavata arahata sammasambuddhena dhammiya kathaya sandassito samadapito samuttejito sampahamsito kassapam bhagavantam arahantam sammasambuddham etadavoca adhivasetu me bhante bhagava svatanaya bhattam saddhim bhikkhusanghenati . adhivasesi kho ananda kassapo bhagava araham sammasambuddho tunhibhavena . atha kho ananda kiki kasiraja kassapassa bhagavato arahato sammasambuddhassa adhivasanam viditva utthayasana kassapam bhagavantam arahantam sammasambuddham abhivadetva padakkhinam katva pakkami . Atha kho ananda kiki kasiraja tassa rattiya accayena sake nivesane panitam khadaniyam bhojaniyam patiyadapetva pandumudikassa 1- salino vicitakalakam anekasupam anekabyanjanam kassapassa bhagavato arahato sammasambuddhassa kalam arocapesi kalo bhante nitthitam bhattanti. [416] Atha kho ananda kassapo bhagava araham sammasambuddho pubbanhasamayam nivasetva pattacivaramadaya yena kikissa kasiranno nivesanam tenupasankami upasankamitva pannatte asane nisidi saddhim bhikkhusanghena . atha kho ananda kiki kasiraja buddhappamukham bhikkhusangham panitena khadaniyena bhojaniyena sahattha santappesi sampavaresi . atha kho ananda kiki kasiraja kassapam @Footnote: 1 Si. Yu. pandumutikassa.--------------------------------------------------------------------------------------------- page382.
Bhagavantam arahantam sammasambuddham bhuttavim onitapattapanim annataram nicam asanam gahetva ekamantam nisidi . ekamantam nisinno kho ananda kiki kasiraja kassapam bhagavantam arahantam sammasambuddham etadavoca adhivasetu me bhante bhagava baranasiyam vassavasam evarupam sanghassa upatthanam bhavissatiti . alam maharaja adhivuttho me vassavasoti . dutiyampi kho ananda .pe. tatiyampi kho ananda kiki kasiraja kassapam bhagavantam arahantam sammasambuddham etadavoca adhivasetu me 1- bhagava baranasiyam vassavasam evarupam sanghassa upatthanam bhavissatiti . alam maharaja adhivuttho me vassavasoti . atha kho ananda kikissa kasiranno na me kassapo bhagava araham sammasambuddho adhivasesi baranasiyam vassavasanti ahudeva annathattam ahu domanassam . atha kho ananda kiki kasiraja kassapam bhagavantam arahantam sammasambuddham etadavoca atthi nu kho bhante anno koci maya upatthakataroti. [417] Atthi maharaja vebhaligam nama nigamo tattha ghatikaro nama kumbhakaro so me upatthako aggupatthako tuyham kho pana maharaja na me kassapo bhagava araham sammasambuddho adhivasesi 2- baranasiyam vassavasanti attheva 3- annathattam atthi domanassam tayidam ghatikare kumbhakare natthi na ca bhavissati ghatikaro kho maharaja kumbhakaro buddham saranam gato dhammam @Footnote: 1 Yu. etthantare bhanteti dissati . 2 Yu. adhivaseti . 3 Yu. atthi.--------------------------------------------------------------------------------------------- page383.
Saranam gato sangham saranam gato {417.1} ghatikaro kho maharaja kumbhakaro panatipata pativirato adinnadana pativirato kamesumicchacara pativirato musavada pativirato suramerayamajjapamadatthana pativirato ghatikaro kho maharaja kumbhakaro buddhe aveccappasadena samannagato dhamme aveccappasadena samannagato sanghe aveccappasadena samannagato ariyakantehi silehi samannagato ghatikaro kho maharaja kumbhakaro dukkhe nikkankho dukkhasamudaye nikkankho dukkhanirodhe nikkankho dukkhanirodhagaminiya patipadaya nikkankho ghatikaro kho maharaja kumbhakaro ekabhattiko brahmacari silava kalyanadhammo ghatikaro kho maharaja kumbhakaro nikkhittamanisuvanno apetajataruparajato ghatikaro kho maharaja kumbhakaro na musalena na sahattha pathavinca 1- khanati yam hoti kulapaluggam 2- va musikukkuro va tam kajena 3- aharitva bhajanam karitva evamaha ettha yo icchati tandulapatibhastani va muggapatibhastani 4- va kalayapatibhastani 4- va nikkhipitva yam icchati tam haratuti ghatikaro kho maharaja kumbhakaro andhe jinne matapitaro poseti ghatikaro kho maharaja kumbhakaro pancannam orambhagiyanam sannojananam parikkhaya opapatiko tatthaparinibbayi anavattidhammo tasma loka. @Footnote: 1 Yu. casaddo natthi. 2 Ma. kullapalugganti dissati. 3 Si. Yu. kamena. @4 Yu. ...pabhivattani.--------------------------------------------------------------------------------------------- page384.
[418] Ekamidaham maharaja samayam vebhalige nama nigame viharami . atha khvaham maharaja pubbanhasamayam nivasetva pattacivaramadaya yena ghatikarassa kumbhakarassa matapitaro tenupasankamim upasankamitva ghatikarassa kumbhakarassa matapitaro etadavocam handa ko nu kho ayam bhagavo 1- gatoti . nikkhanto kho te bhante upatthako ato kumbhiya odanam gahetva pariyoga supam gahetva paribhunjati . atha khvaham maharaja kumbhiya odanam gahetva pariyoga supam gahetva paribhunjitva utthayasana pakkamim . atha kho maharaja ghatikaro kumbhakaro yena matapitaro tenupasankami upasankamitva matapitaro etadavoca ko kumbhiya odanam gahetva pariyoga supam gahetva paribhunjitva utthayasana pakkantoti . kassapo tata bhagava araham sammasambuddho kumbhiya odanam gahetva pariyoga supam gahetva paribhunjitva utthayasana pakkantoti . atha kho maharaja ghatikarassa kumbhakarassa etadahosi labha vata me suladdham vata me yassa me kassapo bhagava araham sammasambuddho evam abhivissatthoti . atha kho maharaja ghatikaram kumbhakaram addhamasam pitisukham na vijahi sattaham matapitunam. [419] Ekamidaham maharaja samayam tattheva vebhalige nama nigame viharami . atha khavaham maharaja pubbanhasamayam nivasetva @Footnote: 1 Yu. bhaggavo.--------------------------------------------------------------------------------------------- page385.
Pattacivaramadaya yena ghatikarassa kumbhakarassa matapitaro tenupasankamim upasankamitva ghatikarassa kumbhakarassa matapitaro etadavocam handa ko nu kho ayam bhagavo 1- gatoti . nikkhanto kho te bhante upatthako ato kalopiya kummasam gahetva pariyoga supam gahetva paribhunjati . atha khvaham maharaja kalopiya kummasam gahetva pariyoga supam gahetva paribhunjitva utthayasana pakkamim . atha kho maharaja ghatikaro kumbhakaro yena matapitaro tenupasankami upasankamitva matapitaro etadavoca ko kalopiya kummasam gahetva pariyoga supam gahetva paribhunjitva utthayasana pakkantoti . kassapo tata bhagava araham sammasambuddho kalopiya kummasam gahetva pariyoga supam gahetva paribhunjitva utthayasana pakkantoti . atha kho maharaja ghatikarassa kumbhakarassa etadahosi labha vata me suladdham vata me yassa me kassapo bhagava araham sammasambuddho evam abhivissatthoti . atha kho maharaja ghatikaram kumbhakaram addhamasam pitisukham na vijahi sattaham matapitunam. [420] Ekamidaham maharaja samayam tattheva vebhalige 2- nama nigame viharami . tena kho pana samayena kuti ovassati . atha khvaham maharaja bhikkhu amantesim gacchatha bhikkhave ghatikarassa kumbhakarassa nivesane tinam janathati . evam vutte maharaja @Footnote: 1 Yu. bhaggavo . 2 Yu. vebhalinge.--------------------------------------------------------------------------------------------- page386.
Te bhikkhu mam etadavocum natthi kho bhante ghatikarassa kumbhakarassa nivesane tinam atthi ca khvassa avesanam tinacchadananti . Gacchatha bhikkhave ghatikarassa kumbhakarassa avesanam uttinam karothati . atha kho te maharaja bhikkhu ghatikarassa kumbhakarassa avesanam uttinamakamsu . atha kho maharaja ghatikarassa kumbhakarassa matapitaro te bhikkhu etadavocum ke avesanam uttinam karontiti . bhikkhu bhagini kassapassa bhagavato arahato sammasambuddhassa kuti ovassatiti. Haratha bhante haratha bhadramukhati. {420.1} Atha kho maharaja ghatikaro kumbhakaro yena matapitaro tenupasankami upasankamitva matapitaro etadavoca ke avesanam uttinamakamsuti . bhikkhu tata kassapassa kira bhagavato arahato sammasambuddhassa kuti ovassatiti . atha kho maharaja ghatikarassa kumbhakarassa etadahosi labha vata me suladdham vata me yassa me kassapo bhagava araham sammasambuddho evam abhivissatthoti . atha kho maharaja ghatikaram kumbhakaram addhamasam pitisukham na vijahi sattaham matapitunam . atha kho tam maharaja avesanam sabbam temasam akasacchadanam atthasi na cativassi evarupo ca maharaja ghatikaro kumbhakaroti . labha bhante ghatikarassa kumbhakarassa suladdham bhante ghatikarassa kumbhakarassa yassa bhagava evam abhivissatthoti.--------------------------------------------------------------------------------------------- page387.
[421] Atha kho ananda kiki kasiraja ghatikarassa kumbhakarassa pancamattani tandulavahasatani pahesi pandumudikassa salino tadupiyanca supeyyam . atha kho te ananda rajapurisa ghatikaram kumbhakaram upasankamitva etadavocum imani vo 1- bhante pancamattani tandulavahasatani kikina kasirajena pahitani pandumudikassa salino tadupiyanca supeyyam tani bhante patigganhatuti . Raja kho bahukicco bahukaraniyo alamme rannova hotuti. [422] Siya kho pana te ananda evamassa anno nuna tena samayena jotipalo manavo ahositi . na kho panetam ananda evam datthabbam aham tena samayena jotipalo manavo ahosinti. Idamavoca bhagava attamano ayasma anando bhagavato bhasitam abhinanditi. Ghatikarasuttam nitthitam pathamam. ----------- @Footnote: 1 Yu. te.The Pali Tipitaka in Roman Character Volume 13 page 374-387. https://84000.org/tipitaka/read/roman_read.php?B=13&A=7683&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=7683&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=403&items=20 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=31 Study Atthakatha :- https://84000.org/tipitaka/attha/attha.php?b=13&i=403 The Pali Atthakatha in Thai :- https://84000.org/tipitaka/atthapali/read_th.php?B=9&A=5108 The Pali Atthakatha in Roman :- https://84000.org/tipitaka/atthapali/read_rm.php?B=9&A=5108 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]