PaliRoman Vol.14

Mahasunnatasuttam [343] Evamme sutam ekam samayam bhagava sakkesu viharati kapilavatthusmim nigrodharame . atha kho bhagava pubbanhasamayam nivasetva pattacivaramadaya kapilavatthum pindaya pavisi . Kapilavatthusmim pindaya caritva pacchabhattam pindapatapatikkanto yena kalakhemakassa sakkassa viharo tenupasankami divaviharaya . tena kho pana samayena kalakhemakassa sakkassa vihare sambahulani senasanani pannattani honti . addasa kho bhagava kalakhemakassa sakkassa vihare sambahulani senasanani pannattani . disvana bhagavato etadahosi sambahulani kho kalakhemakassa sakkassa vihare senasanani pannattani sambahula nu kho idha bhikkhu viharantiti. [344] Tena kho pana samayena ayasma anando sambahulehi bhikkhuhi saddhim ghatayasakkassa vihare civarakammam karoti . atha kho bhagava sayanhasamayam patisallana vutthito yena ghatayasakkassa viharo tenupasankami upasankamitva pannatte asane nisidi . Nisajja kho bhagava ayasmantam anandam amantesi sambahulani kho ananda kalakhemakassa sakkassa vihare senasanani pannattani sambahula ^[1]- ettha bhikkhu viharantiti . sambahulani bhante @Footnote: ¹ Ma. Yu. etthantare nu khoti atthi. Kalakhemakassa sakkassa vihare senasanani pannattani sambahula bhikkhu ettha viharanti civarakalasamayo no bhante vattatiti. [345] Na kho ananda bhikkhu sobhati sanganikaramo sanganikarato sanganikaramatam anuyutto ganaramo ganarato ganasammudito so vatananda bhikkhu sanganikaramo sanganikarato sanganikaramatam anuyutto ganaramo ganarato ganasammudito yantam nekkhammasukham pavivekasukham upasamasukham sambodhisukham ^1- tassa sukhassa nikamalabhi bhavissati akicchalabhi akasiralabhiti netam thanam vijjati . yo ca kho so ananda bhikkhu eko ganasma vupakattho viharati tassetam bhikkhuno patikankham yantam nekkhammasukham pavivekasukham upasamasukham sambodhisukham tassa sukhassa nikamalabhi bhavissati akicchalabhi akasiralabhiti thanametam vijjati. {345.1} So vatananda bhikkhu sanganikaramo sanganikarato sanganikaramatam anuyutto ganaramo ganarato ganasammudito samayikam va kantam cetovimuttim upasampajja viharissati asamayikam va akuppanti netam thanam vijjati . yo ca kho so ananda bhikkhu eko ganasma vupakattho viharati tassetam bhikkhuno patikankham samayikam va kantam cetovimuttim upasampajja viharissati asamayikam va akuppanti thanametam vijjati . naham ananda ekam rupampi samanupassami yattha rattassa yathabhirattassa rupassa viparinamannathabhava na uppajjeyyum sokaparidevadukkhadomanassupayasa. @Footnote: ¹ Po. Yu. sambodhasukham. [346] Ayam kho panananda viharo tattha tathagatena abhisambuddho yadidam sabbanimittanam amanasikara ajjhattam sunnatam upasampajja viharati . tattha ce ananda tathagatam imina viharena viharantam bhagavantam upasankamitaro bhikkhu bhikkhuniyo upasaka upasikayo rajano rajamahamatta titthiya titthiyasavaka tatrananda tathagato vivekaninneva cittena vivekaponena vivekapabbharena vupakatthena nekkhammabhiratena byantibhutena sabbaso asavatthaniyehi dhammehi annadatthum uyyojanikapatisamyuttamyeva ^1- katham katta hoti . Tasmatihananda bhikkhu cepi akankheyya ajjhattam sunnatam upasampajja vihareyyanti tenananda bhikkhuna ajjhattameva cittam santhapetabbam sannisadetabbam ekodikatabbam samadahatabbam. [347] Kathancananda bhikkhu ajjhattameva cittam santhapeti sannisadeti ekodikaroti samadahati . idhananda bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam ... dutiyam jhanam ... tatiyam jhanam ... catuttham jhanam upasampajja viharati . evam kho ananda bhikkhu ajjhattameva cittam santhapeti sannisadeti ekodikaroti samadahati . so ajjhattam sunnatam manasikaroti . tassa ajjhattam sunnatam manasikaroto ajjhattam sunnataya cittam na pakkhandati na pasidati na santitthati nadhimuccati ^2- . evam santametam ananda bhikkhu evam pajanati @Footnote: ¹ Yu. uyyojiyapatisamyuttamyeva . ² Ma. Yu. na vimuccati. Ajjhattam sunnatam kho me manasikaroto ajjhattam sunnataya cittam na pakkhandati na pasidati na santitthati nadhimuccatiti . Itiha tattha sampajano hoti . so bahiddha sunnatam manasikaroti . So ajjhattabahiddha sunnatam manasikaroti . so anenjam manasikaroti . tassa anenjam manasikaroto anenjaya cittam na pakkhandati na pasidati na santitthati nadhimuccati . evam santametam ananda bhikkhu evam pajanati anenjam kho ^[1]- manasikaroto anenjaya cittam na pakkhandati na pasidati na santitthati nadhimuccatiti. Itiha tattha sampajano hoti. {347.1} Tenananda bhikkhuna tasmimyeva purimasmim samadhinimitte ajjhattameva cittam santhapetabbam sannisadetabbam ekodikatabbam samadahatabbam . so ajjhattam sunnatam manasikaroti . tassa ajjhattam sunnatam manasikaroto ajjhattam sunnataya cittam pakkhandati pasidati santitthati vimuccati . evam santametam ananda bhikkhu evam pajanati ajjhattam sunnatam kho me manasikaroto ajjhattam sunnataya cittam pakkhandati pasidati santitthati vimuccatiti . itiha tattha sampajano hoti. So bahiddha sunnatam manasikaroti . so ajjhattabahiddha sunnatam manasikaroti . so anenjam manasikaroti . tassa anenjam manasikaroto anenjaya ^2- cittam pakkhandati pasidati santitthati vimuccati . Evam santametam ananda bhikkhu evam pajanati anenjam kho @Footnote: ¹ Ma. Yu. etthantare meti atthi. @² Yu. ananjeti dissati. ito param idisameva. Me manasikaroto anenjaya cittam pakkhandati pasidati santitthati vimuccatiti. Itiha tattha sampajano hoti. [348] Tassa ce ananda bhikkhuno imina viharena viharato cankamaya cittam namati . so cankamati evam mam cankamantam nabhijjhadomanassa papaka akusala dhamma anvassavissantiti . Itiha tattha sampajano hoti . tassa ce ananda bhikkhuno imina viharena viharato thanaya cittam namati . so titthati evam mam thitam nabhijjhadomanassa papaka akusala dhamma anvassavissantiti. Itiha tattha sampajano hoti. {348.1} Tassa ce ananda bhikkhuno imina viharena viharato nisajjaya cittam namati . so nisidati evam mam nisinnam nabhijjhadomanassa papaka akusala dhamma anvassavissantiti. Itiha tattha sampajano hoti. {348.2} Tassa ce ananda bhikkhuno imina viharena viharato sayanaya cittam namati . so sayati evam mam sayantam nabhijjhadomanassa papaka akusala dhamma anvassavissantiti . itiha tattha sampajano hoti . tassa ce ananda bhikkhuno imina viharena viharato bhasaya cittam namati . so yayam katha hina gamma pothujjanika anariya anatthasanhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati seyyathidam rajakatha corakatha mahamattakatha senakatha bhayakatha Yuddhakatha annakatha panakatha vatthakatha sayanakatha malakatha gandhakatha natikatha yanakatha gamakatha nigamakatha nagarakatha janapadakatha itthikatha surakatha visikhakatha kumbhatthanakatha pubbapetakatha nanattakatha lokakkhayika samuddakkhayika itibhavabhavakatha iti va evarupam ^1- katham na kathessamiti . itiha tattha sampajano hoti . ya ca ayam ananda katha abhisallekhika cetovicaranasappaya ekantanibbidaya viragaya nirodhaya upasamaya abhinnaya sambodhaya nibbanaya samvattati seyyathidam appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha iti evarupam katham kathessamiti . Itiha tattha sampajano hoti. {348.3} Tassa ce ananda bhikkhuno imina viharena viharato vitakkaya cittam namati . so yeme vitakka hina gamma pothujjanika anariya anatthasanhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattanti seyyathidam kamavitakko byapadavitakko vihimsavitakko iti evarupe vitakke na vitakkessamiti. Itiha tattha sampajano hoti. Ye ca kho ^[2]- ananda vitakka ariya niyyanika niyyanti takkarassa samma dukkhakkhayaya seyyathidam nekkhammavitakko abyapadavitakko avihimsavitakko . iti evarupe vitakke vitakkessamiti. Itiha tattha sampajano hoti. @Footnote: ¹ Ma. Yu. iti evarupim . ² Ma. Yu. etthantare imeti dissati. [349] Panca kho ime ananda kamaguna katame panca cakkhuvinneyya rupa ittha kanta manapa piyarupa kamupasanhita rajaniya sotavinneyya sadda ... ghanavinneyya gandha ... Jivhavinneyya rasa ... kayavinneyya photthabba ittha kanta manapa piyarupa kamupasanhita rajaniya ime kho ananda panca kamaguna . Yattha bhikkhuna abhikkhanam sakam cittam paccavekkhitabbam atthi nu kho me imesu pancasu kamagunesu annatarasmim va annatarasmim va ayatane uppajjati cetaso samudacaroti . sace ananda bhikkhu paccavekkhamano evam pajanati atthi kho me imesu pancasu kamagunesu annatarasmim va annatarasmim va ayatane uppajjati cetaso samudacaroti . evam santametam ananda bhikkhu evam pajanati yo kho imesu pancasu kamagunesu chandarago so me appahinoti ^[1]- sace panananda bhikkhu paccavekkhamano evam pajanati natthi kho me imesu pancasu kamagunesu annatarasmim va annatarasmim va ayatane uppajjati cetaso samudacaroti . evam santametam ananda bhikkhu evam pajanati yo kho imesu pancasu kamagunesu chandarago so me pahinoti . itiha tattha sampajano hoti. [350] Panca kho ime ananda upadanakkhandha . yattha bhikkhuna udayabbayanupassina vihatabbam iti rupam iti rupassa @Footnote: ¹ Ma. Yu. etthantare itiha tattha sampajano hotiti dissanti. Samudayo iti rupassa atthangamo iti vedana ... iti sanna ... Iti sankhara ... iti vinnanam iti vinnanassa samudayo iti vinnanassa atthangamoti . tassa imesu pancasu upadanakkhandhesu udayabbayanupassino viharato yo pancasu upadanakkhandhesu asmimano so pahiyati . evam santametam ananda bhikkhu evam pajanati yo kho me pancasu upadanakkhandhesu asmimano so me pahinoti . Itiha tattha sampajano hoti . ime kho te ananda dhamma ekantakusalayatika ariya lokuttara anavakkanta papimata . tam kim mannasi ananda kam atthavasam sampassamano arahati savako sattharam anubandhitum apipayujjamanoti . bhagavammulaka no bhante dhamma bhagavamnettika bhagavampatisarana sadhu vata bhante bhagavantamyeva patibhatu etassa bhasitassa attho bhagavato sutva bhikkhu dharessantiti. [351] Na kho ananda arahati savako sattharam anubandhitum yadidam suttageyyaveyyakaranassa sotum ^1- tam kissa hetu digharattassa hi vo ananda dhamma suta dhata vacasa paricita manasanupekkhita ditthiya supatividdha . ya ca kho ayam ananda katha abhisallekhika cetovicaranasappaya ekantanibbidaya viragaya nirodhaya upasamaya abhinnaya sambodhaya nibbanaya samvattati seyyathidam appicchakatha santutthikatha pavivekakatha asamsaggakatha viriyarambhakatha silakatha @Footnote: ¹ Ma. suttam geyyam veyyakaranam tassa hetu. Yu. suttam geyyam veyyakaranassa @hetu. Samadhikatha pannakatha vimuttikatha vimuttinanadassanakatha evarupiya kho ananda kathaya sotum ^1- arahati savako sattharam anubandhitum apipayujjamanoti . evam sante ananda acariyupaddavo hoti evam sante antevasupaddavo hoti evam sante brahmacarupaddavo ^2- hoti. [352] Kathancananda acariyupaddavo hoti . idhananda ekacco sattha vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . tassa tathavupakatthassa viharato anvavattanti brahmanagahapatika negama ceva janapada ca. So anvavattesu ^3- brahmanagahapatikesu negamesu ceva janapadesu ca muccham ^4- nikamayati gedham apajjati avattati bahullaya . Ayam vuccatananda upaddavo ^5- acariyo acariyupaddavena . Avadhimsu nam papaka akusala dhamma sankilesika ponobbhavika sadara dukkhavipaka ayatim jatijaramaraniya . evam kho ananda acariyupaddavo hoti. [353] Kathancananda antevasupaddavo hoti . tasseva kho panananda satthu savako tassa satthu vivekamanubruhayamano vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . tassa tathavupakatthassa viharato anvavattanti brahmanagahapatika negama ceva janapada ca . so @Footnote: ¹ Ma. Yu. hetu . ² brahmacariyupaddavo . ³ Ma. anvavattantesu. @⁴ Yu. mucchati . ⁵ Yu. upadduto. Anvavattesu brahmanagahapatikesu negamesu ceva janapadesu ca muccham nikamayati gedham apajjati avattati bahullaya . ayam vuccatananda upaddavo antevasi antevasupaddavena . avadhimsu nam papaka akusala dhamma sankilesika ponobbhavika sadara dukkhavipaka ayatim jatijaramaraniya . evam kho ananda antevasupaddavo hoti. [354] Kathancananda brahmacarupaddavo hoti . idhananda tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava . so vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . tassa tathavupakatthassa viharato anvavattanti brahmanagahapatika negama ceva janapada ca . so anvavattesu brahmanagahapatikesu negamesu ceva janapadesu ca na muccham nikamayati na gedham apajjati na avattati bahullaya . tasseva kho panananda satthu savako tassa satthu vivekamanubruhayamano ^1- vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . tassa tathavupakatthassa viharato anvavattanti brahmanagahapatika negama ceva janapada ca . so anvavattesu brahmanagahapatikesu negamesu ceva janapadesu ca muccham nikamayati @Footnote: ¹ Yu. vivekamanuyutto bruhayamano. Gedham apajjati avattati bahullaya . ayam vuccati ananda upaddavo brahmacari brahmacarupaddavena . avadhimsu nam papaka akusala dhamma sankilesika ponobbhavika sadara dukkhavipaka ayatim jatijaramaraniya. Evam kho ananda brahmacarupaddavo hoti. {354.1} Tatrananda yo ceva acariyupaddavo yo ca antevasupaddavo ayam tehi brahmacarupaddavo dukkhavipakataro ceva katukavipakataro ca apica vinipataya samvattati . tasmatiha mam ananda mittavataya samudacaratha ma sapattavataya tam vo bhavissati digharattam hitaya sukhaya. [355] Kathancananda sattharam savaka sapattavataya samudacaranti no mittavataya . idhananda sattha savakanam dhammam deseti anukampako hitesi anukampam upadaya idam vo hitaya idam vo sukhayati . tassa savaka na sussusanti ^1- na sotam odahanti na anna cittam ^2- upatthapenti vokkamma ca satthu sasanam ^3- vattanti . evam kho ananda sattharam savaka sapattavataya samudacaranti no mittavataya. [356] Kathancananda sattharam savaka mittavataya samudacaranti no sapattavataya . idhananda sattha savakanam dhammam deseti anukampako hitesi anukampam upadaya idam vo hitaya idam vo sukhayati . tassa savaka sussusanti sotam odahanti anna @Footnote: ¹ Po. Ma. Yu. sussusanti . ² Yu. annam cittanti dissati. na iti na dissati. @³ Ma. Yu. sasanati dissati. Cittam ^1- upatthapenti na ca vokkamma satthu sasanam vattanti . Evam kho ananda sattharam savaka mittavataya samudacaranti no sapattavataya . tasmatiha mam ananda mittavataya samudacaratha ma sapattavataya tam vo bhavissati digharattam hitaya sukhayati . na te ^2- aham ananda tatha parakkamissami yatha kumbhakaro amake amakamatte . niggayhaniggayhaham ananda vakkhami pavayhapavayhaham ananda vakkhami yo saro so thassatiti. Idamavoca bhagava attamano ayasma anando bhagavato bhasitam abhinanditi. Mahasunnatasuttam nitthitam dutiyam. --------- @Footnote: ¹ Yu. na annam cittanti dissati . ² Ma. Yu. vo.

The Pali Tipitaka in Roman Character Volume 14 page 234-245. https://84000.org/tipitaka/read/roman_read.php?B=14&A=4670&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=4670&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=343&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=22 Study Atthakatha :- https://84000.org/tipitaka/attha/attha.php?b=14&i=343 The Pali Atthakatha in Thai :- https://84000.org/tipitaka/atthapali/read_th.php?B=10&A=2841 The Pali Atthakatha in Roman :- https://84000.org/tipitaka/atthapali/read_rm.php?B=10&A=2841 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14