ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.

                       Anuruddhasuttam
     [420]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   atha  kho  pancakango  thapati
annataram   purisam   amantesi   ehi   tvam   ambho   purisa  yenayasma
anuruddho    tenupasankama    upasankamitva    mama   vacanena   ayasmato
anuruddhassa   pade   sirasa   vandahi  [1]-  pancakango  bhante  thapati
ayasmato    anuruddhassa   pade   sirasa   vandatiti   evanca   vadehi
adhivasetu   kira   bhante   ayasma   anuruddho   pancakangassa  thapatissa
svatanaya   attacatuttho   bhattam   yena   ca   kira   bhante   ayasma
anuruddho  pagevataram  agaccheyya  pancakango  bhante  2-  thapati bahukicco
bahukaraniyo   rajakaraniyenati   .   evam   bhanteti   kho   so  puriso
pancakangassa   thapatissa   patissutva   yenayasma  anuruddho  tenupasankami
upasankamitva   ayasmantam   anuruddham   abhivadetva  ekamantam  nisidi .
Ekamantam   nisinno   kho   so  puriso  ayasmantam  anuruddham  etadavoca
pancakango    bhante   thapati   ayasmato   anuruddhassa   pade   sirasa
vandati   evanca   vadeti   adhivasetu  kira  bhante  ayasma  anuruddho
pancakangassa    thapatissa    svatanaya   attacatuttho   bhattam   yena   ca
kira   bhante   ayasma   anuruddho   pagevataram  agaccheyya  pancakango
bhante   thapati   bahukicco   bahukaraniyo   rajakaraniyenati  .  adhivasesi
@Footnote: 1 Yu. etthantare evanca vadehiti dissati .  2 Yu. bhanteti natthi.
Kho ayasma anuruddho tunhibhavena.
     [421]  Atha  kho  ayasma  anuruddho  tassa  rattiya  accayena
pubbanhasamayam     nivasetva    pattacivaramadaya    yena    pancakangassa
thapatissa    nivesanam    tenupasankami   upasankamitva   pannatte   asane
nisidi   .   atha   kho   pancakango  thapati  ayasmantam  anuruddham  panitena
khadaniyena   bhojaniyena   sahattha  santappesi  sampavaresi  .  atha  kho
pancakango    thapati    ayasmantam    anuruddham   bhuttavim   onitapattapanim
annataram    nicam   asanam   gahetva   ekamanatam   nisidi   .   ekamantam
nisinno kho pancakango thapati ayasmantam anuruddham etadavoca
     {421.1}  idha  mam  1- bhante thera bhikkhu upasankamitva evamahamsu
appamanam   gahapati   cetovimuttim  bhavehiti  ekacce  thera  evamahamsu
mahaggatam   gahapati   cetovimuttim  bhavehiti  ya  cayam  bhante  appamana
cetovimutti  ya  ca  mahaggata  cetovimutti  ime  dhamma nanattha ceva
nanabyanjana   ca   udahu  ekattha  byanjanameva  nananti  .  tenahi
gahapati    tannevettha    patibhatu   apannakante   ito   bhavissatiti  .
Mayham   kho   bhante   evam   hoti  ya  cayam  appamana  cetovimutti
ya     ca    mahaggata    cetovimutti    ime    dhamma    ekattha
byanjanameva nananti.
     [422]   Ya   cayam   gahapati   appamana  cetovimutti  ya  ca
mahaggata   cetovimutti   ime   dhamma  nanattha  ceva  nanabyanjana
@Footnote: 1 Yu. ayam patho natthi.
Ca  tadiminapetam  gahapati  pariyayena  veditabbam  yatha  panime  1-  dhamma
nanattha   ceva   nanabyanjana  ca  .  katama  ca  gahapati  appamana
cetovimutti   .   idha   gahapati   bhikkhu  mettasahagatena  cetasa  ekam
disam   pharitva   viharati   tatha   dutiyam   tatha  tatiyam  tatha  catuttham  iti
uddhamadho   tiriyam  sabbadhi  sabbattataya  sabbavantam  lokam  mettasahagatena
cetasa   vipulena   mahaggatena   appamanena   averena   abyapajjhena
pharitva   viharati   .   karunasahagatena   cetasa   ...  muditasahagatena
cetasa    ...    upekkhasahagatena   cetasa   ekam   disam   pharitva
viharati   tatha   dutiyam   tatha   tatiyam   tatha   catuttham   iti   uddhamadho
tiriyam    sabbadhi    sabbattataya    sabbavantam   lokam   upekkhasahagatena
cetasa   vipulena   mahaggatena   appamanena   averena   abyapajjhena
pharitva viharati ayam vuccati gahapati appamana cetovimutti.
     [423]   Katama  ca  2-  gahapati  mahaggata  cetovimutti  .  idha
gahapati    bhikkhu    yavata    ekam    rukkhamulam    mahaggatanti   pharitva
adhimuccitva   viharati   ayam   vuccati   gahapati  mahaggata  cetovimutti .
Idha   pana   gahapati   bhikkhu   yavata   dve  va  tini  va  rukkhamulani
mahaggatanti   pharitva   adhimuccitva   viharati   ayam   3-  vuccati  gahapati
mahaggata    cetovimutti    .   idha   gahapati   bhikkhu   yavata   ekam
gamakkhettam   mahaggatanti   pharitva   adhimuccitva   viharati   ayam  vuccati
gahapati   mahaggata   cetovimutti   .   idha  pana  gahapati  bhikkhu  yavata
@Footnote: 1 Ma. Yu. panasaddo natthi .  2 Yu. casaddo natthi .  3 Ma. Yu. ayampi.
Dve   va   tini  va  gamakkhettani  mahaggatanti  pharitva  adhimuccitva
viharati   ayam   vuccati   gahapati   mahaggata  cetovimutti  .  idha  gahapati
bhikkhu   yavata   ekam   maharajjam   mahaggatanti   pharitva   adhimuccitva
viharati   ayam   vuccati   gahapati   mahaggata   cetovimutti   .  idha  pana
gahapati   bhikkhu   yavata   dve  va  tini  va  maharajjani  mahaggatanti
pharitva    adhimuccitva    viharati    ayam    vuccati   gahapati   mahaggata
cetovimutti   .   idha   pana   gahapati   bhikkhu   yavata   samuddapariyantam
pathavim    mahaggatanti    pharitva    adhimuccitva    viharati   ayam   vuccati
gahapati    mahaggata    cetovimutti   .   imina   kho   etam   gahapati
pariyayena    veditabbam    yatha    panime    dhamma   nanattha   ceva
nanabyanjana ca.
     [424]   Catasso   kho   ima   gahapati  bhavupapattiyo  .  katama
catasso  .  idha  gahapati  ekacco  parittabhani  1- pharitva adhimuccitva
viharati   .   so   kayassa   bheda   parammarana  parittabhanam  devanam
sahabyatam   upapajjati  .  idha  pana  gahapati  ekacco  appamanabhani  2-
pharitva   adhimuccitva   viharati   .   so   kayassa  bheda  parammarana
appamanabhanam    devanam    sahabyatam    upapajjati    .   idha   gahapati
ekacco   sankilitthabhani   3-   pharitva  adhimuccitva  viharati  .  so
kayassa    bheda    parammarana    sankilitthabhanam    devanam   sahabyatam
upapajjati   .   idha  pana  gahapati  ekacco  parisuddhabhani  4-  pharitva
@Footnote: 1 Ma. Yu. parittabhati. 2 Po. Ma. Yu. appamanabhati.
@3 Po. Ma. Yu. sankilitthabhati. 4 po Ma. Yu. parisuddhabhati.
Adhimuccitva   viharati  .  so  kayassa  bheda  parammarana  parisuddhabhanam
devanam    sahabyatam    upapajjati    .   ima   kho   gahapati   catasso
bhavupapattiyo.
     [425]  Hoti  kho  so  gahapati  samayo  ya  ta devata ekajjham
sannipatanti    tasam    ekajjham    sannipatitanam   vannananattam   hi   kho
pannayati   no   ca   abhananattam   .   seyyathapi   gahapati   puriso
sambahulani   telappadipani   ekam   gharam   paveseyya   tesam  ekam  gharam
pavesitanam   accinanattam   hi   kho   pannayetha  no  ca  abhananattam
evameva   kho   gahapati   hoti   kho   so  samayo  ya  ta  devata
ekajjham    sannipatanti    tasam    ekajjham    sannipatitanam   vannananattam
hi kho pannayati no ca abhananattam.
     [426]  Hoti  kho  so  gahapati  samayo  ya  ta  devata  tato
vipakkamanti    tasam   tato   vipakkamantinam   vannananattanceva   pannayati
abhananattanca   .   seyyathapi   gahapati   puriso   tani   sambahulani
telappadipani    tamha    ghara   nihareyya   tesam   tato   niharantanam
accinanattanceva     pannayetha    abhananattanca    evameva    kho
gahapati   hoti   kho   so  samayo  ya  ta  devata  tato  vipakkamanti
tasam      tato      vipakkamantinam      vannananattanceva     pannayati
abhananattanca.
     [427]   Na  kho  gahapati  tasam  devatanam  evam  hoti  idamhakam
Niccanti   va   dhuvanti   va  sassatanti  va  apica  yattha  yattheva  ta
devata   abhinivisanti   tattha   tattheva   ta   devata   abhiramanti  .
Seyyathapi   gahapati   makkhikanam  kajena  va  pitakena  va  hariyamananam
na   evam   hoti   idamhakam   niccanti   va   dhuvanti   va  sassatanti
va   apica   yattha   yattheva   ta  makkhika  abhinivisanti  tattha  tattheva
ta   makkhika   abhiramanti   evameva   kho   gahapati   tasam   devatanam
na   evam   hoti   idamhakam   niccanti   va   dhuvanti   va  sassatanti
va   apica   yattha   yattheva   ta  devata  abhinivisanti  tattha  tattheva
ta devata abhiramantiti.
     [428]   Evam   vutte   ayasma  abhiyo  kaccano  ayasmantam
anuruddham   etadavoca   sadhu   bhante   anuruddha   atthi  ca  me  ettha
uttarim   patipucchitabbam   ya   ta   bhante  devata  abha  sabba  ta
parittabha    udahu    santetthekacca   devata   appamanabhati  .
Tadangena   kho   avuso  kaccana  santetthekacca  devata  parittabha
santi   panetthekacca  devata  appamanabhati  .  ko  nu  kho  bhante
anuruddha   hetu   ko  paccayo  yena  tasam  devatanam  ekam  devanikayam
upapannanam   santetthekacca   devata  parittabha  santi  panetthekacca
devata appamanabhati.
     [429]   Tenahavuso   kaccana  tannevettha  patipucchissami  yatha
te   khameyya   tatha   nam   byakareyyasi  .  tam  kim  mannasi  avuso
Kaccana   yvayam   bhikkhu   yavata   ekam  rukkhamulam  mahaggatanti  pharitva
adhimuccitva   viharati   yo   cayam   bhikkhu   yavata   dve   va  tini
va   rukkhamulani   mahaggatanti   pharitva   adhimuccitva   viharati   imasam
ubhinnam   cittabhavananam   katama   cittabhavana   mahaggatatarati  .  yvayam
bhante   bhikkhu   yavata   dve   va  tini  va  rukkhamulani  mahaggatanti
pharitva    adhimuccitva   viharati   ayam   imasam   ubhinnam   cittabhavananam
mahaggatatarati.
     [430]   Tam  kim  mannasi  avuso  kaccana  yvayam  bhikkhu  yavata
dve   va   tini   va   rukkhamulani   mahaggatanti  pharitva  adhimuccitva
viharati   yo   cayam   bhikkhu   yavata   ekam   gamakkhettam  mahaggatanti
pharitva   adhimuccitva   viharati   imasam   ubhinnam   cittabhavananam  katama
cittabhavana   mahaggatatarati   .   yvayam   bhante  bhikkhu  yavata  ekam
gamakkhettam   mahaggatanti   pharitva   adhimuccitva   viharati   ayam  imasam
ubhinnam cittabhavananam mahaggatatarati.
     [431]   Tam  kim  mannasi  avuso  kaccana  yvayam  bhikkhu  yavata
ekam   gamakkhettam   mahaggatanti   pharitva   adhimuccitva   viharati   yo
cayam   bhikkhu   yavata  dve  va  tini  va  gamakkhettani  mahaggatanti
pharitva   adhimuccitva   viharati   imasam   ubhinnam   cittabhavananam  katama
cittabhavana   mahaggatatarati   .   yvayam   bhante  bhikkhu  yavata  dve
va    tini   va   gamakkhettani   mahaggatanti   pharitva   adhimuccitva
Viharati ayam imasam ubhinnam cittabhavananam mahaggatatarati.
     [432]   Tam  kim  mannasi  avuso  kaccana  yvayam  bhikkhu  yavata
dve   va   tini  va  gamakkhettani  mahaggatanti  pharitva  adhimuccitva
viharati    yo   cayam   bhikkhu   yavata   ekam   maharajjam   mahaggatanti
pharitva   adhimuccitva   viharati   imasam   ubhinnam   cittabhavananam  katama
cittabhavana   mahaggatatarati   .   yvayam   bhante  bhikkhu  yavata  ekam
maharajjam    mahaggatanti   pharitva   adhimuccitva   viharati   ayam   imasam
ubhinnam cittabhavananam mahaggatatarati.
     [433]   Tam  kim  mannasi  avuso  kaccana  yvayam  bhikkhu  yavata
ekam    maharajjam    mahaggatanti   pharitva   adhimuccitva   viharati   yo
cayam   bhikkhu   yavata   dve   va  tini  va  maharajjani  mahaggatanti
pharitva   adhimuccitva   viharati   imasam   ubhinnam   cittabhavananam  katama
cittabhavana   mahaggatatarati   .   yvayam   bhante  bhikkhu  yavata  dve
va   tini   va   maharajjani  mahaggatanti  pharitva  adhimuccitva  viharati
ayam imasam ubhinnam cittabhavananam mahaggatatarati.
     [434]   Tam  kim  mannasi  avuso  kaccana  yvayam  bhikkhu  yavata
dve   va   tini   va   maharajjani  mahaggatanti  pharitva  adhimuccitva
viharati   yo   cayam   bhikkhu   yavata   samuddapariyantam  pathavim  mahaggatanti
pharitva   adhimuccitva   viharati   imasam   ubhinnam   cittabhavananam  katama
cittabhavana    mahaggatatarati    .    yvayam   bhante   bhikkhu   yavata
Samuddapariyantam   pathavim   mahaggatanti   pharitva   adhimuccitva   viharati  ayam
imasam   ubhinnam   cittabhavananam   mahaggatatarati   .   ayam  kho  avuso
kaccana   hetu   ayam  paccayo  yena  tasam  devatanam  ekam  devanikayam
upapannanam   santetthekacca   devata  parittabha  santi  panetthekacca
devata appamanabhati.
     [435]   Sadhu   bhante   anuruddha  atthi  ca  me  ettha  uttarim
patipucchitabbam  yavata  bhante  devata  abha  sabba  ta  sankilitthabha
udahu   santetthekacca   devata   parisuddhabhati   .   tadangena  kho
avuso    kaccana    santetthekacca   devata   sankilitthabha   santi
panetthekacca  devata  parisuddhabhati  .  ko  nu  kho  bhante  anuruddha
hetu  ko  paccayo  yena  tasam  devatanam  ekam  devanikayam  upapannanam
santetthekacca   devata   sankilitthabha  santi  panetthekacca  devata
parisuddhabhati.
     [436]  Tenahavuso  kaccana  upamante karissami upamayapidhekacce
vinnu    purisa    bhasitassa    attham    ajananti    .    seyyathapi
avuso   kaccana   telappadipassa   jhayato   telampi  aparisuddham  vattipi
aparisuddha   .   so   telassapi  aparisuddhatta  vattiyapi  aparisuddhatta
andhandham   viya   jhayati   evameva   kho   avuso  kaccana  idhekacco
bhikkhu    sankilitthabhani    pharitva    adhimuccitva   viharati   .   tassa
kayadutthullampi    na   supatippassaddham   hoti   thinamiddhampi   na   susamuhatam
Hoti   uddhaccakukkuccampi   na  supativinitam  hoti  .  so  kayadutthullassapi
na   supatippassaddhatta   thinamiddhassapi  na  susamuhatatta  uddhaccakukkuccassapi
na  supativinitatta  andhandham  viya  jhayati  .  so kayassa bheda parammarana
sankilitthabhanam devanam sahabyatam upapajjati.
     {436.1}   Seyyathapi   avuso  kaccana  telappadipassa  jhayato
telampi   parisuddham   vattipi   parisuddha   .  so  telassapi  parisuddhatta
vattiyapi  parisuddhatta  na  andhandham  viya  jhayati  evameva  kho  avuso
kaccana  idhekacco  bhikkhu  parisuddhabhani  pharitva  adhimuccitva  viharati.
Tassa    kayadutthullampi    supatippassaddham    hoti   thinamiddhampi   susamuhatam
hoti   uddhaccakukkuccampi   supativinitam   hoti   .   so  kayadutthullassapi
supatippassaddhatta     thinamiddhassapi     susamuhatatta    uddhaccakukkuccassapi
supativinitatta   na   andhandham   viya   jhayati   .   so  kayassa  bheda
parammarana   parisuddhabhanam   devanam   sahabyatam   upapajjati  .  ayam  kho
avuso   kaccana   hetu   ayam   paccayo  yena  tasam  devatanam  ekam
devanikayam    upapannanam    santetthekacca    devata    sankilitthabha
santetthekacca devata parisuddhabhati.
     [437]   Evam   vutte   ayasma  abhiyo  kaccano  ayasmantam
anuruddham   etadavoca   sadhu   bhante   anuruddha   na   bhante  ayasma
anuruddho   evamaha   evamme   sutanti   va   evam  arahati  bhavitunti
va    atha   ca   pana   bhante   ayasma   anuruddho   evampi   ta
Devata   itipi   ta   devatatveva  bhasati  tassa  mayham  bhante  evam
hoti    addha    ayasmata    anuruddhena    tahi   devatahi   saddhim
sannivutthapubbanceva         sallapitapubbanca        sakaccha        ca
samapajjitapubbati    .    addha    kho    ayam    avuso    kaccana
asajja    upaniyavaca    bhasita    apica   te   aham   byakarissami
digharattam    kho    me    avuso   kaccana   tahi   devatahi   saddhim
sannivutthapubbanca         sallapitapubbanca         sakaccha         ca
samapajjitapubbati.
     [438]   Evam   vutte   ayasma   abhiyo  kaccano  pancakangam
thapatim  etadavoca  labha  te  gahapati  suladdham  te  gahapati  yam  tvanceva
tam kankhadhammam pahasi yampimam dhammapariyayam alatthamha savanayati.
                 Anuruddhasuttam nitthitam sattamam.
                      -----------



             The Pali Tipitaka in Roman Character Volume 14 page 284-294. https://84000.org/tipitaka/read/roman_read.php?B=14&A=5670&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=5670&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=14&item=420&items=19              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=27              Study Atthakatha :- https://84000.org/tipitaka/attha/attha.php?b=14&i=420              The Pali Atthakatha in Thai :- https://84000.org/tipitaka/atthapali/read_th.php?B=10&A=3691              The Pali Atthakatha in Roman :- https://84000.org/tipitaka/atthapali/read_rm.php?B=10&A=3691              Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]