ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.

                     Culakammavibhangasuttam
     [579]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   atha   kho   subho  manavo
todeyyaputto    yena   bhagava   tenupasankami   upasankamitva   bhagavata
saddhim   sammodi   sammodaniyam   katham   saraniyam   vitisaretva  ekamantam
nisidi.
     [580]   Ekamantam   nisinno  kho  subho  manavo  todeyyaputto
bhagavantam   etadavoca   ko   nu   kho  bho  gotama  hetu  ko  paccayo
yena   manussanamyeva   satam   manussabhutanam   dissati  hinappanitata  dissanti
[1]-   Bho   gotama   manussa  appayuka  dissanti  dighayuka  dissanti
bahvabadha    dissanti    appabadha    dissanti   dubbanna   dissanti
vannavanto    dissanti    appesakkha    dissanti   mahesakkha   dissanti
appabhoga    dissanti    mahabhoga    dissanti    nicakulina   dissanti
uccakulina    dissanti   appapanna   2-   dissanti   pannavanto   ko
nu   kho   bho   gotama   hetu  ko  paccayo  yena  manussanamyeva  satam
manussabhutanam dissati hinappanitatati.
     [581]   Kammassaka   manava   satta   kammadayada   kammayoni
kammabandhu      kammapatisarana     kammam     satte     vibhajati     yadidam
hinappanitatayati   .  na  kho  aham  imassa  bhoto  gotamassa  sankhittena
bhasitassa   vittharena   attham   avibhattassa  vittharena  attham  ajanami
@Footnote: 1 Po. Ma. Yu. etthantare hisaddo atthi .  2 Po. Ma. Yu. duppanna.
Sadhu   me   bhavam   gotamo   tatha   dhammam   desetu   yathaham   imassa
bhoto   gotamassa   sankhittena   bhasitassa  vittharena  attham  avibhattassa
vittharena   attham   ajaneyyanti   .   tenahi  manava  sunahi  sadhukam
manasikarohi    bhasissamiti    .   evam   bhoti   kho   subho   manavo
todeyyaputto bhagavato paccassosi.
     [582]   Bhagava   etadavoca   idha  manava  ekacco  itthi  va
puriso    va    panatipati    hoti   luddo   lohitapani   hatapahate
nivittho   adayapanno   panabhutesu   1-  .  so  tena  kammena  evam
samattena   evam   samadinnena   kayassa   bheda   parammarana   apayam
duggatim   vinipatam  nirayam  upapajjati  no  ce  kayassa  bheda  parammarana
apayam   duggatim   vinipatam   nirayam   upapajjati  sace  manussattam  agacchati
yattha   yattha   paccha   jayati  appayuko  hoti  .  appayukasamvattanika
esa    manava    patipada    yadidam    panatipati    hoti    luddo
lohitapani hatapahate nivittho adayapanno panabhutesu 2-.
     [583]   Idha   pana   manava   ekacco  itthi  va  puriso  va
panatipatam    pahaya    panatipata    pativirato   hoti   nihitadando
nihitasattho    lajji    dayapanno    sabbapanabhutahitanukampi   viharati  .
So   tena   kammena   evam   samattena   evam   samadinnena  kayassa
bheda   parammarana   sugatim   saggam   lokam  upapajjati  no  ce  kayassa
bheda   parammarana   sugatim   saggam   lokam   upapajjati   sace  manussattam
@Footnote: 1-2 Po. sabbapanabhutesu.
Agacchati    yattha    yattha    paccha    jayati   dighayuko   hoti  .
Dighayukasamvattanika    esa    manava    patipada    yadidam   panatipatam
pahaya   panatipata   pativirato   hoti   nihitadando  nihitasattho  lajji
dayapanno sabbapanabhutahitanukampi viharati.
     [584]   Idha  manava  ekacco  itthi  va  puriso  va  sattanam
vihethakajatiko   hoti   panina   va   ledduna   va   dandena  va
satthena  va  .  so  tena  kammena  evam  samattena  evam samadinnena
kayassa   bheda   parammarana   apayam  duggatim  vinipatam  nirayam  upapajjati
no   ce   kayassa   bheda  parammarana  apayam  duggatim  vinipatam  nirayam
upapajjati   sace   manussattam   agacchati   yattha   yattha   paccha  jayati
bahvabadho   hoti   .   bahvabadhasamvattanika   esa  manava  patipada
yadidam   sattanam   vihethakajatiko   hoti   panina   va  ledduna  va
dandena va satthena va.
     [585]   Idha   pana   manava   ekacco  itthi  va  puriso  va
sattanam   avihethakajatiko   hoti  panina  va  ledduna  va  dandena
va   satthena   va   .   so   tena  kammena  evam  samattena  evam
samadinnena    kayassa    bheda    parammarana    sugatim   saggam   lokam
upapajjati   no   ce   kayassa   bheda  parammarana  sugatim  saggam  lokam
upapajjati   sace   manussattam   agacchati   yattha   yattha   paccha  jayati
appabadho   hoti   .   appabadhasamvattanika   esa  manava  patipada
Yadidam   sattanam   avihethakajatiko   hoti   panina  va  ledduna  va
dandena va satthena va.
     [586]   Idha  manava  ekacco  itthi  va  puriso  va  kodhano
hoti   upayasabahulo   appampi   vutto   samano   abhisajjati   kuppati
byapajjati   patitthiyati   kopanca   dosanca   appaccayanca  patukaroti .
So  tena  kammena  evam  samattena  evam  samadinnena  kayassa  bheda
parammarana    apayam   duggatim   vinipatam   nirayam   upapajjati   no   ce
kayassa   bheda   parammarana   apayam  duggatim  vinipatam  nirayam  upapajjati
sace   manussattam   agacchati   yattha   yattha   paccha   jayati  dubbanno
hoti    .    dubbannasamvattanika    esa    manava    patipada   yadidam
kodhano   hoti   upayasabahulo   appampi   vutto   samano  abhisajjati
kuppati    byapajjati    patitthiyati    kopanca    dosanca    appaccayanca
patukaroti.
     [587]   Idha   pana   manava   ekacco  itthi  va  puriso  va
akkodhano     hoti    anupayasabahulo    bahumpi    vutto    samano
nabhisajjati   na   kuppati   na   byapajjati   na   patitthiyati  na  kopanca
dosanca   appaccayanca   patukaroti   .   so   tena   kammena   evam
samattena   evam   samadinnena  kayassa  bheda  parammarana  sugatim  saggam
lokam   upapajjati   no   ce   kayassa  bheda  parammarana  sugatim  saggam
lokam   upapajjati   sace   manussattam   agacchati   yattha   yattha   paccha
Jayati    pasadiko   hoti   .   pasadikasamvattanika   esa   manava
patipada   yadidam   akkodhano   hoti   anupayasabahulo   bahumpi   vutto
samano   nabhisajjati   na   kuppati   na   byapajjati   na  patitthiyati  na
kopanca dosanca appaccayanca patukaroti.
     [588]    Idha   manava   ekacco   itthi   va   puriso   va
issamanako    hoti    paralabhasakkaragarukaramananavandanapujanasu    issati
upadussati   issam   bandhati   .   so   tena   kammena  evam  samattena
evam    samadinnena    kayassa   bheda   parammarana   apayam   duggatim
vinipatam   nirayam   upapajjati   no   ce   kayassa   bheda   parammarana
apayam    duggatim    vinipatam    nirayam    upapajjati    sace    manussattam
agacchati    yattha    yattha   paccha   jayati   appesakkho   hoti  .
Appesakkhasamvattanika   esa   manava  patipada  yadidam  issamanako  hoti
paralabhasakkaragarukaramananavandanapujanasu issati upadussati issam bandhati.
     [589]   Idha   pana   manava   ekacco  itthi  va  puriso  va
anissamanako     hoti     paralabhasakkaragarukaramananavandanapujanasu    na
issati   na   upadussati  na  issam  bandhati  .  so  tena  kammena  evam
samattena    evam   samadinnena   kayassa   bheda   parammarana   sugatim
saggam    lokam    upapajjati   no   ce   kayassa   bheda   parammarana
sugatim    saggam   lokam   upapajjati   sace   manussattam   agacchati   yattha
yattha   paccha   jayati  mahesakkho  hoti  .  mahesakkhasamvattanika  esa
Manava    patipada    yadidam    anissamanako    hoti    paralabhasakkara-
garukaramananavandanapujanasu na issati na upadussati na issam bandhati.
     [590]  Idha  manava  ekacco  itthi  va  puriso  va  na data
hoti   samanassa   va   brahmanassa   va   annam   panam   vattham  yanam
malagandhavilepanam   seyyavasatham   padipeyyam   .   so   tena   kammena
evam    samattena   evam   samadinnena   kayassa   bheda   parammarana
apayam   duggatim   vinipatam   nirayam   upapajjati  no  ce  kayassa  bheda
parammarana   apayam   duggatim   vinipatam  nirayam  upapajjati  sace  manussattam
agacchati    yattha    yattha    paccha   jayati   appabhogo   hoti  .
Appabhogasamvattanika    esa    manava    patipada   yadidam   na   data
hoti   samanassa   va   brahmanassa   va   annam   panam   vattham  yanam
malagandhavilepanam seyyavasatham padipeyyam.
     [591]   Idha   pana   manava   ekacco  itthi  va  puriso  va
data   hoti  samanassa  va  brahmanassa  va  annam  panam  vattham  yanam
malagandhavilepanam   seyyavasatham  padipeyyam  .  so  tena  kammena  evam
samattena   evam   samadinnena  kayassa  bheda  parammarana  sugatim  saggam
lokam   upapajjati   no   ce   kayassa  bheda  parammarana  sugatim  saggam
lokam   upapajjati   sace   manussattam   agacchati   yattha   yattha   paccha
jayati    mahabhogo   hoti   .   mahabhogasamvattanika   esa   manava
patipada    yadidam    data   hoti   samanassa   va   brahmanassa   va
Annam panam vattham yanam malagandhavilepanam seyyavasatham padipeyyam.
     [592]   Idha   manava  ekacco  itthi  va  puriso  va  thaddho
hoti    atimani    abhivadetabbam   na   abhivadeti   paccutthatabbam   na
paccuttheti   asanarahassa   asanam   na   deti   maggarahassa  maggam  na
deti   sakkatabbam   na   sakkaroti  garukatabbam  na  garukaroti  manetabbam
na  maneti  pujetabbam  na  pujeti  .  so  tena  kammena evam samattena
evam    samadinnena    kayassa   bheda   parammarana   apayam   duggatim
vinipatam   nirayam   upapajjati   no   ce   kayassa   bheda   parammarana
apayam    duggatim    vinipatam    nirayam    upapajjati    sace    manussattam
agacchati    yattha    yattha    paccha   jayati   nicakulino   hoti  .
Nicakulinasamvattanika     esa     manava    patipada    yadidam    thaddho
hoti    atimani    abhivadetabbam   na   abhivadeti   paccutthatabbam   na
paccuttheti   asanarahassa   asanam   na   deti   maggarahassa  maggam  na
deti    sakkatabbam    na    sakkaroti    garukatabbam    na    garukaroti
manetabbam na maneti pujetabbam na pujeti.
     [593]   Idha   pana   manava   ekacco  itthi  va  puriso  va
atthaddho   hoti   anatimani   abhivadetabbam   abhivadeti   paccutthatabbam
paccuttheti   asanarahassa   asanam   deti   maggarahassa   maggam   deti
sakkatabbam    sakkaroti    garukatabbam   garukaroti   manetabbam   maneti
pujetabbam   pujeti   .   so   tena   kammena   evam  samattena  evam
Samadinnena    kayassa    bheda    parammarana    sugatim   saggam   lokam
upapajjati   no   ce   kayassa   bheda  parammarana  sugatim  saggam  lokam
upapajjati   sace   manussattam   agacchati   yattha   yattha   paccha  jayati
uccakulino   hoti   .   uccakulinasamvattanika   esa  manava  patipada
yadidam     atthaddho    hoti    anatimani    abhivadetabbam    abhivadeti
paccutthatabbam   paccuttheti   asanarahassa   asanam   deti   maggarahassa
maggam   deti   sakkatabbam   sakkaroti   garukatabbam  garukaroti  manetabbam
maneti pujetabbam pujeti.
     [594]   Idha   manava   ekacco  itthi  va  puriso  va  samanam
va    brahmanam    va    upasankamitva   na   paripucchita   hoti   kim
bhante   kusalam   kim   akusalam  kim  savajjam  kim  anavajjam  kim  sevitabbam  kim
na   sevitabbam   kim   me   kariyamanam   digharattam  ahitaya  dukkhaya  hoti
kim   va   pana  me  kariyamanam  digharattam  hitaya  sukhaya  hotiti  .  so
tena   kammena   evam   samattena   evam  samadinnena  kayassa  bheda
parammarana    apayam   duggatim   vinipatam   nirayam   upapajjati   no   ce
kayassa   bheda   parammarana   apayam  duggatim  vinipatam  nirayam  upapajjati
sace   manussattam   agacchati   yattha   yattha   paccha   jayati  duppanno
hoti   .   duppannasamvattanika   esa   manava   patipada   yadidam  samanam
va   brahmanam   va   upasankamitva   na  paripucchita  hoti  kim  bhante
kusalam   kim   akusalam   kim   savajjam   kim   anavajjam  kim  sevitabbam  kim  na
Sevitabbam   kim   me   kariyamanam   digharattam   ahitaya  dukkhaya  hoti  kim
va pana me kariyamanam digharattam hitaya sukhaya hotiti.
     [595]  Idha  pana  manava  ekacco  itthi  va  puriso  va samanam
va   brahmanam   va   upasankamitva   paripucchita   hoti   kim   bhante
kusalam   kim   akusalam   kim   savajjam   kim   anavajjam  kim  sevitabbam  kim  na
sevitabbam   kim   me   kariyamanam   digharattam   ahitaya  dukkhaya  hoti  kim
va  pana  me  kariyamanam  digharattam  hitaya  sukhaya  hotiti  .  so  tena
kammena  evam  samattena  evam  samadinnena  kayassa  bheda  parammarana
sugatim   saggam   lokam   upapajjati   no  ce  kayassa  bheda  parammarana
sugatim    saggam   lokam   upapajjati   sace   manussattam   agacchati   yattha
yattha    paccha    jayati   mahapanno   hoti   .   mahapannasamvattanika
esa    manava    patipada    yadidam    samanam    va   brahmanam   va
upasankamitva   paripucchita   hoti   kim   bhante   kusalam   kim  akusalam  kim
savajjam  kim  anavajjam  kim  sevitabbam  kim  na  sevitabbam  kim  me  kariyamanam
digharattam   ahitaya  dukkhaya  hoti  kim  va  pana  me  kariyamanam  digharattam
hitaya sukhaya hotiti.
     [596]  Iti  kho  manava  appayukasamvattanika  patipada appayukattam
upaneti   dighayukasamvattanika   patipada   dighayukattam  upaneti  bahvabadha-
samvattanika    patipada    bahvabadhattam   upaneti   appabadhasamvattanika
patipada        appabadhattam        upaneti        dubbannasamvattanika
Patipada     dubbannattam     upaneti     pasadikasamvattanika     patipada
pasadikattam    upaneti    appesakkhasamvattanika   patipada   appesakkhattam
upaneti     mahesakkhasamvattanika     patipada     mahesakkhattam    upaneti
appabhogasamvattanika   patipada   appabhogattam   upaneti  mahabhogasamvattanika
patipada     mahabhogattam     upaneti     nicakulinasamvattanika    patipada
nicakulinattam    upaneti    uccakulinasamvattanika   patipada   uccakulinattam
upaneti      duppannasamvattanika     patipada     duppannattam     upaneti
mahapannasamvattanika    patipada   mahapannattam   upaneti   .   kammassaka
manava    satta    kammadayada   kammayoni   kammabandhu   kammapatisarana
kammam satte vibhajati yadidam hinappanitatayati.
     [597]   Evam   vutte   subho  manavo  todeyyaputto  bhagavantam
etadavoca   abhikkantam   bho   gotama  abhikkantam  bho  gotama  seyyathapi
bho   gotama   nikkujjitam   va   ukkujjeyya   paticchannam  va  vivareyya
mulhassa  va  maggam  acikkheyya  andhakare  va  telapajjotam  dhareyya
cakkhumanto  rupani  dakkhantiti . Evameva bhota gotamena anekapariyayena
dhammo   pakasito   esaham   bhavantam   gotamam   saranam  gacchami  dhammanca
bhikkhusanghanca   upasakam   mam  bhavam  gotamo  dharetu  ajjatagge  panupetam
saranangatanti.
                Culakammavibhangasuttam nitthitam pancamam.
                      ----------



             The Pali Tipitaka in Roman Character Volume 14 page 376-385. https://84000.org/tipitaka/read/roman_read.php?B=14&A=7484&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=7484&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=14&item=579&items=19              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=35              Study Atthakatha :- https://84000.org/tipitaka/attha/attha.php?b=14&i=579              The Pali Atthakatha in Thai :- https://84000.org/tipitaka/atthapali/read_th.php?B=10&A=4555              The Pali Atthakatha in Roman :- https://84000.org/tipitaka/atthapali/read_rm.php?B=10&A=4555              Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]