PaliRoman Vol.15

page80.

Nanatitthiyavaggo tatiyo ------ pathamam sivasuttam [278] Evamme sutam ekam samayam bhagava savatthiyam viharati jetavane anathapindikassa arame . atha kho sivo devaputto abhikkantaya rattiya abhikkantavanno kevalakappam jetavanam obhasetva yena bhagava tenupasankami upasankamitva bhagavantam abhivadetva ekamantam atthasi. [279] Ekamantam thito kho sivo devaputto bhagavato santike ima gathayo abhasi sabbhireva samasetha sabbhi kubbetha santhavam satam saddhammamannaya seyyo hoti na papiyo sabbhireva samasetha sabbhi kubbetha santhavam satam saddhammamannaya pannam labhati ^1- nannato sabbhireva samasetha sabbhi kubbetha santhavam satam saddhammamannaya sokamajjhe na socati sabbhireva samasetha sabbhi kubbetha santhavam satam saddhammamannaya natimajjhe virocati sabbhireva samasetha sabbhi kubbetha santhavam @Footnote: ¹ Ma. Yu. panna labbhati.

--------------------------------------------------------------------------------------------- page81.

Satam saddhammamannaya satta gacchanti sugatim sabbhireva samasetha sabbhi kubbetha santhavam satam saddhammamannaya satta titthanti satatanti. [280] Atha kho bhagava sivam devaputtam gathaya ajjhabhasi sabbhireva samasetha sabbhi kubbetha santhavam satam saddhammamannaya sabbadukkha pamuccatiti.

The Pali Tipitaka in Roman Character Volume 15 page 80-81. https://84000.org/tipitaka/read/roman_read.php?B=15&A=1498&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=1498&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=278&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=102 Study Atthakatha :- https://84000.org/tipitaka/attha/attha.php?b=15&i=278 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15