PaliRoman Vol.15

Navamam susimasuttam [303] Savatthinidanam . atha kho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam anandam bhagava etadavoca tuyhampi no ananda sariputto ruccatiti. {303.1} Kassa hi nama bhante abalassa adutthassa amulhassa avipallattha- cittassa ayasma sariputto na rucceyya pandito bhante ayasma Sariputto mahapanno bhante ayasma sariputto puthupanno bhante ayasma sariputto hasapanno bhante ayasma sariputto javanapanno bhante ayasma sariputto tikkhapanno bhante ayasma sariputto nibbedhikapanno bhante ayasma sariputto appiccho bhante ayasma sariputto santuttho bhante ayasma sariputto pavivitto bhante ayasma sariputto asamsattho bhante ayasma sariputto araddhaviriyo bhante ayasma sariputto vatta bhante ayasma sariputto vacanakkhamo bhante ayasma sariputto codako bhante ayasma sariputto papagarahi bhante ayasma sariputto kassa hi nama bhante abalassa adutthassa amulhassa avipallatthacittassa ayasma sariputto na rucceyyati. [304] Evametam ananda evametam ananda kassa hi nama ananda abalassa adutthassa amulhassa avipallatthacittassa sariputto na rucceyya pandito ananda sariputto mahapanno ananda sariputto puthupanno ananda sariputto hasapanno ananda sariputto javanapanno ananda sariputto tikkhapanno ananda sariputto nibbedhikapanno ananda sariputto appiccho ananda sariputto santuttho ananda sariputto pavivitto ananda sariputto asamsattho ananda sariputto araddhaviriyo ananda sariputto vatta ananda sariputto vacanakkhamo ananda Sariputto codako ananda sariputto papagarahi ananda sariputto kassa hi nama ananda abalassa adutthassa amulhassa avipallatthacittassa sariputto na rucceyyati. [305] Atha kho susimo devaputto ayasmato sariputtassa vanne bhannamane mahatiya devaputtaparisaya parivuto yena bhagava tenupasankami upasankamitva bhagavantam abhivadetva ekamantam atthasi . ekamantam thito kho susimo devaputto bhagavantam etadavoca evametam bhagava evametam sugata kassa hi nama bhante abalassa adutthassa amulhassa avipallatthacittassa ayasma sariputto na rucceyya pandito bhante ayasma sariputto .pe. papagarahi bhante ayasma sariputto kassa hi nama bhante abalassa adutthassa amulhassa avipallatthacittassa ayasma sariputto na rucceyya ahampi hi bhante yanca ^1- devaputtaparisam upasankamim etadeva bahulam saddam sunami pandito ayasma sariputto mahapanno ayasma puthupanno ayasma hasapanno ayasma javanapanno ayasma tikkhapanno ayasma nibbedhikapanno ayasma appiccho ayasma santuttho ayasma pavivitto ayasma asamsattho ayasma araddhaviriyo ayasma vatta ayasma vacanakkhamo ayasma codako ayasma papagarahi ayasma @Footnote: ¹ Si. Ma. Yu. yannadeva. Sariputto ^1- kassa hi nama bhante abalassa adutthassa amulhassa avipallatthacittassa ayasma sariputto na rucceyyati. [306] Atha kho susimassa devaputtassa devaputtaparisa ayasmato sariputtassa vanne bhannamane attamana pamudita pitisomanassajata uccavaca vannanibha upadamseti. [307] Seyyathapi nama maniveluriyo subho jotima ^2- atthamso suparikammakato pandukambale nikkhitto bhasate ca tapate ca virocati ca evamevam susimassa devaputtassa devaputtaparisa ayasmato sariputtassa vanne bhannamane attamana pamudita pitisomanassajata uccavaca vannanibha upadamseti. [308] Seyyathapi nama nekkham ^3- jambonadam dakkhena kammaraputtam ukkamukhesu kusalam sampahattham ^4- pandukambale nikkhittam bhasate ca tapate ca virocati ca evamevam susimassa devaputtassa devaputtaparisa .pe. Upadamseti. [309] Seyyathapi nama saradasamaye viddhe vigatavalahake deve ^5- osadhitaraka bhasate ca tapate ca virocati ca evamevam susimassa @Footnote: ¹ Ma. Yu. itisaddo. dissati . ² Po. Ma. Yu. jatima . ³ Po. Ma. nikkham. @⁴ Si. Yu. dakkhakammaraputtena sukusalasampahattham. Ma. dakkhakammaraputtaukkamukhesu @kusalasampahattham . ⁵ Si. seyyathapi rattiya paccusasamayam. Yu. @seyyathapi nama rattiya paccusasamayam. Devaputtassa devaputtaparisa ayasmato sariputtassa vanne bhannamane attamana pamudita pitisomanassajata uccavaca vannanibha upadamseti. [310] Seyyathapi nama saradasamaye viddhe vigatavalahake deve adicco nabham abbhussukkamano ^1- sabbam akasagatam tamagatam ^2- abhivihacca bhasate ca tapate ca virocati ca evamevam susimassa devaputtassa devaputtaparisa ayasmato sariputtassa vanne bhannamane attamana pamudita pitisomanassajata uccavaca vannanibha upadamseti. [311] Atha kho susimo devaputto ayasmantam sariputtam arabbha bhagavato santike imam gatham abhasi panditoti samannato sariputto akodhano appiccho sorato danto satthuvannabhato isiti. [312] Atha kho bhagava ayasmantam sariputtam arabbha susimam devaputtam gathaya ajjhabhasi ^3- panditoti samannato sariputto akodhano appiccho sorato danto kalam kankhati bhavito ^4- sudantoti.

The Pali Tipitaka in Roman Character Volume 15 page 90-94. https://84000.org/tipitaka/read/roman_read.php?B=15&A=1720&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=1720&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=303&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=110 Study Atthakatha :- https://84000.org/tipitaka/attha/attha.php?b=15&i=303 The Pali Atthakatha in Thai :- https://84000.org/tipitaka/atthapali/read_th.php?B=11&A=2947 The Pali Atthakatha in Roman :- https://84000.org/tipitaka/atthapali/read_rm.php?B=11&A=2947 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15