บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Sattamam ayatanasuttam [464] Ekam samayam bhagava vesaliyam viharati mahavane kutagara- salayam . tena kho pana samayena bhagava channam phassayatananam upadaya bhikkhu 4- dhammiya kathaya sandasseti samadapeti samuttejeti sampahamseti . te ca bhikkhu atthikatva manasikatva sabbacetaso samannaharitva ohitasota dhammam sunanti. {464.1} Atha kho marassa papimato etadahosi ayam kho samano gotamo channam phassayatananam upadaya bhikkhu 4- dhammiya kathaya sandasseti samadapeti samuttejeti @Footnote: 1 Ma. Yu. na so. 2 Ma. sanna. 3 sabbasannojanatigam. 4 Ma. bhikkhunam. Sampahamseti te ca bhikkhu atthikatva manasikatva sabbacetaso samannaharitva ohitasota dhammam sunanti yannunaham yena samano gotamo tenupasankameyyam vicakkhukammayati. [465] Atha kho maro papima yena bhagava tenupasankami upasankamitva bhagavato avidure mahantam bhayabheravam saddam akasi apissudam pathavi manne udriyatiti 1- . atha kho annataro bhikkhu annataram bhikkhum etadavoca bhikkhu bhikkhu esa pathavi manne udriyatiti . evam vutte bhagava tam bhikkhum etadavoca nesa bhikkhu pathavi udriyati maro eso papima tumhakam vicakkhukammaya agatoti. [466] Atha kho bhagava maro ayam papima iti viditva maram papimantam gathaya ajjhabhasi rupa sadda gandha rasa phassa dhamma ca kevala etam lokamisam ghoram ettha loko vimucchito etanca samatikkamma sato buddhassa savako maradheyyamatikkamma adiccova virocatiti. Atha kho maro .pe. Tatthevantaradhayiti.The Pali Tipitaka in Roman Character Volume 15 page 165-166. https://84000.org/tipitaka/read/roman_read.php?B=15&A=3211&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=3211&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=464&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=153 Study Atthakatha :- https://84000.org/tipitaka/attha/attha.php?b=15&i=464 The Pali Atthakatha in Thai :- https://84000.org/tipitaka/atthapali/read_th.php?B=11&A=4433 The Pali Atthakatha in Roman :- https://84000.org/tipitaka/atthapali/read_rm.php?B=11&A=4433 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]