บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Tatiyam godhikasuttam [488] Evamme sutam ekam samayam bhagava rajagahe viharati veluvane kalandakanivape . tena kho pana samayena ayasma godhiko isigilipasse viharati kalasilayam. [489] Atha kho ayasma godhiko appamatto atapi pahitatto viharanto samayikam 1- cetovimuttim phusi . atha kho ayasma godhiko tamha samayikaya cetovimuttiya parihayi . dutiyampi kho ayasma godhiko appamatto atapi pahitatto viharanto samayikam cetovimuttim phusi . dutiyampi kho ayasma godhiko tamha samayikaya cetovimuttiya parihayi . tatiyampi kho ayasma godhiko appamatto atapi pahitatto viharanto samayikam cetovimuttim phusi . tatiyampi kho ayasma godhiko tamha .pe. parihayi . Catutthampi kho ayasma godhiko appamatto .pe. @Footnote: 1 Yu. samadhikam. Ma. samayikam. Phusi . catutthampi kho ayasma godhiko tamha .pe. parihayi . Pancamampi kho ayasma godhiko .pe. phusi . pancamampi kho ayasma godhiko .pe. parihayi . chatthampi kho ayasma godhiko appamatto atapi pahitatto viharanto samayikam cetovimuttim phusi . chatthampi kho ayasma godhiko tamha samayikaya cetovimuttiya parihayi . sattamampi kho ayasma godhiko appamatto atapi pahitatto viharanto samayikam cetovimuttim phusi . atha kho ayasmato godhikassa etadahosi yava chattham khvaham samayikaya cetovimuttiya parihino yannunaham sattham ahareyyanti. [490] Atha kho maro papima ayasmato godhikassa cetasa cetoparivitakkamannaya yena bhagava tenupasankami upasankamitva bhagavantam gathahi ajjhabhasi mahavira mahapanna iddhiya yasasa jala sabbaverabhayatita pade vandami cakkhuma savako te mahavira maranam maranabhibhu akankhati cetayati tam nisedha jutindhara kathanhi bhagava tuyham savako sasane rato appattamanaso sekho kalam kayira janesutati. Tena kho pana samayena ayasmata godhikena sattham aharitam hoti. [491] Atha kho bhagava maro ayam papima iti viditva Maram papimantam gathaya ajjhabhasi evam hi dhira kubbanti navakankhanti jivitam samulam tanham abbuyha godhiko parinibbutoti. [492] Atha kho bhagava bhikkhu amantesi ayama bhikkhave yena isigilipassam kalasila tenupasankamissama yattha godhikena kulaputtena sattham aharitanti . evam bhanteti kho te bhikkhu bhagavato paccassosum . atha kho bhagava sambahulehi bhikkhuhi saddhim yena isigilipassam kalasila tenupasankami . addasa kho bhagava ayasmantam godhikam duratova mancake vivattakkhandham seyyamanam 1- . Tena kho pana samayena dhumayitattam timirayitattam gacchateva purimam disam gacchati pacchimam disam gacchati uttaram disam gacchati dakkhinam disam gacchati uddham gacchati adho gacchati anudisam. [493] Atha kho bhagava bhikkhu amantesi passatha no tumhe bhikkhave etam dhumayitattam timirayitattam gacchateva purimam disam gacchati pacchimam disam gacchati uttaram disam gacchati dakkhinam disam gacchati uddham gacchati adho gacchati anudisanti . evam bhanteti . eso kho bhikkhave maro papima godhikassa kulaputtassa vinnanam samanvesati kattha godhikassa kulaputtassa vinnanam patitthitanti appatitthitena ca bhikkhave vinnanena godhiko kulaputto parinibbutoti. @Footnote: 1 Si. Ma. Yu. semanam. [494] Atha kho maro papima veluvapanduvinam 1- adaya yena bhagava tenupasankami upasankamitva bhagavantam gathaya ajjhabhasi uddham adho ca tiriyam disaanudisasvaham anvesam nadhigacchami godhiko so kuhim gatoti. [495] Yo 2- dhiro dhitisampanno jhayi jhanarato sada ahorattamanuyunjam jivitam anikamayam jetvana maccuno senam anagantva punabbhavam samulam tanham abbuyha godhiko parinibbutoti. Tassa sokaparetassa vina kacchaka 3- abhassatha tato so dummano yakkho tatthevantaradhayithati 4-.The Pali Tipitaka in Roman Character Volume 15 page 176-179. https://84000.org/tipitaka/read/roman_read.php?B=15&A=3415&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=3415&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=488&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=159 Study Atthakatha :- https://84000.org/tipitaka/attha/attha.php?b=15&i=488 The Pali Atthakatha in Thai :- https://84000.org/tipitaka/atthapali/read_th.php?B=11&A=4543 The Pali Atthakatha in Roman :- https://84000.org/tipitaka/atthapali/read_rm.php?B=11&A=4543 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]