PaliRoman Vol.15

Brahmanasamyuttam arahantavaggo pathamo ---------- pathamam dhananjanisuttam [626] Evamme sutam ekam samayam bhagava rajagahe viharati veluvane kalandakanivape . tena kho pana samayena annatarassa bharadvajagottassa brahmanassa dhananjani nama brahmani abhippasanna hoti buddhe ca dhamme ca sanghe ca. [627] Atha kho dhananjani brahmani bharadvajagottassa brahmanassa bhattam upasamharanti upakkamitva ^1- tikkhattum udanam udanesi namo tassa bhagavato arahato sammasambuddhassa ... Namo tassa bhagavato arahato sammasambuddhassati . evam vutte bharadvajagotto brahmano dhananjanim brahmanim etadavoca evamevam panayam vasali yasmim va tasmim va tassa mundakassa samanassa vannam bhasati idani tyaham vasali tassa satthuno vadam aropessamiti . na khvahantam brahmana passami sadevake loke samarake sabrahmake sassamanabrahmaniya pajaya sadevamanussaya yo tassa bhagavato vadam aropeyya arahato sammasambuddhassa apica tvam brahmana gaccha gantvapi janissasiti. @Footnote: ¹ Po. Ma. upakkhalitva. [628] Atha kho bharadvajagotto brahmano kupito anattamano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho bharadvajagotto brahmano bhagavantam gathaya ajjhabhasi kimsu chetva sukham seti kimsu chetva na socati kissassa ekadhammassa vadham rocesi gotamati. [629] Kodham chetva sukham seti kodham chetva na socati kodhassa visamulassa madhuraggassa brahmana vadham ariya pasamsanti tanhi chetva na socatiti. [630] Evam vutte bharadvajagotto brahmano bhagavantam etadavoca abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evameva bhota gotamena anekapariyayena dhammo pakasito esaham bhavantam gotamam saranam gacchami dhammanca bhikkhusanghanca labheyyaham bhoto gotamassa santike pabbajjam labheyyam upasampadanti . alattha kho bharadvajagotto brahmano bhagavato santike pabbajjam alattha upasampadam . Acirupasampanno kho panayasma bharadvajo eko vupakattho Appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . annataro ca panayasma bharadvajo arahatam ahositi.

The Pali Tipitaka in Roman Character Volume 15 page 235-237. https://84000.org/tipitaka/read/roman_read.php?B=15&A=4575&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=4575&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=626&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=187 Study Atthakatha :- https://84000.org/tipitaka/attha/attha.php?b=15&i=626 The Pali Atthakatha in Thai :- https://84000.org/tipitaka/atthapali/read_th.php?B=11&A=5552 The Pali Atthakatha in Roman :- https://84000.org/tipitaka/atthapali/read_rm.php?B=11&A=5552 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15