PaliRoman Vol.15

Dasamam bahudhitisuttam [667] Ekam samayam bhagava kosalesu viharati annatarasmim vanasande. Tena kho pana samayena annatarassa bharadvajagottassa brahmanassa catuddasa balibadda nattha honti. [668] Atha kho bharadvajagotto brahmano te balibadde gavesanto yena so vanasando tenupasankami upasankamitva addasa bhagavantam tasmim vanasande nisinnam pallankam abhujitva ujum kayam panidhaya parimukham satim upatthapetva disvana yena bhagava tenupasankami upasankamitva bhagavato santike ima gathayo abhasi @Footnote: ¹ yu. anallinagattava. Naha ^1- nunimassa samanassa balibadda catuddasa ajjasatthim na dissanti tenayam samano sukhi naha nunimassa samanassa tila khettasmi papika ekapanna dupanna ca tenayam samano sukhi naha nunimassa samanassa tucchakotthasmi musika ussolhikaya naccanti tenayam samano sukhi naha nunimassa samanassa santharo sattamasiko uppadakehi sanchanno tenayam samano sukhi naha nunimassa samanassa vidhava puttadhitaro ekaputta duputta ca tenayam samano sukhi naha nunimassa samanassa pingala tilakahata sottam padena potheti tenayam samano sukhi naha nunimassa samanassa paccusamhi inayika detha dethati codenti tenayam samano sukhiti. [669] Naha mayham brahmana balibadda catuddasa ajjasatthim na dissanti tenaham brahmana sukhi naha mayham brahmana tila khettasmi papika ekapanna dupanna ca tenaham brahmana sukhi naha mayham brahmana tucchakotthasmi musika ussolhikaya naccanti tenaham brahmana sukhi @Footnote: ¹ Ma. Yu. sabbattha na hiti khayati. Naha mayham brahmana santharo sattamasiko uppadakehi sanchanno tenaham brahmana sukhi naha mayham brahmana vidhava puttadhitaro ekaputta dviputta ca tenaham brahmana sukhi naha mayham brahmana pingala tilakahata sottam padena potheti tenaham brahmana sukhi naha mayham brahmana paccusamhi inayika detha dethati codenti tenaham brahmana sukhiti. [670] Evam vutte bharadvajagotto brahmano bhagavantam etadavoca abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evameva bhota gotamena anekapariyayena dhammo pakasito esaham bhavantam gotamam saranam gacchami dhammanca bhikkhusanghanca labheyyaham bhoto gotamassa santike pabbajjam labheyyam upasampadanti. {670.1} Alattha kho bharadvajagotto brahmano bhagavato santike pabbajjam alattha upasampadam . acirupasampanno ca panayasma bharadvajo eko vupakattho appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram Brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . annataro ca panayasma bharadvajo arahatam ahositi. Arahantavaggo pathamo. Tassuddanam dhananjani ca akkosam asurinda bilangikam ahimsakam jata ceva suddhikanceva aggika sundarika bahudhiti yena ca te dasati. ------------------

The Pali Tipitaka in Roman Character Volume 15 page 249-252. https://84000.org/tipitaka/read/roman_read.php?B=15&A=4868&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=4868&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=667&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=196 Study Atthakatha :- https://84000.org/tipitaka/attha/attha.php?b=15&i=667 The Pali Atthakatha in Thai :- https://84000.org/tipitaka/atthapali/read_th.php?B=11&A=5871 The Pali Atthakatha in Roman :- https://84000.org/tipitaka/atthapali/read_rm.php?B=11&A=5871 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15