บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Dvādasamaṃ vaṅgīsasuttaṃ [760] Ekaṃ samayaṃ āyasmā vaṅgīso sāvatthiyaṃ viharati jetavane anāthapiṇḍikassa ārāme . tena kho pana samayena āyasmā vaṅgīso aciraarahattappatto hoti 1- vimuttisukhaṃ paṭisaṃvedī tāyaṃ velāyaṃ imā gāthāyo abhāsi kāveyyamattā vicarimha pubbe gāmā gāmaṃ purā puraṃ athaddasāma sambuddhaṃ saddhā no upapajjatha so me dhammamadesesi khandhe āyatanāni dhātuyo tassāhaṃ dhammaṃ sutvāna pabbajiṃ anagāriyaṃ bahunnaṃ vata atthāya bodhimajjhagamā muni bhikkhūnaṃ bhikkhunīnañca ye niyāmagataddasā svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ pubbenivāsaṃ jānāmi dibbacakkhuṃ visodhitaṃ tevijjo iddhipattomhi cetopariyāyakovidoti. Vaṅgīsasaṃyuttaṃ samattaṃ. @Footnote: 1 Ma. Yu. hutvā. Tassuddānaṃ nikkhantaarati ceva pesalāatimaññanā ānandena subhāsitā sārīputtapavāraṇā parosahassaṃ koṇḍañño moggallānena gaggarā vaṅgīsena dvādasāti. ---------------The Pali Tipitaka in Roman Character Volume 15 page 288-289. https://84000.org/tipitaka/read/roman_read.php?B=15&A=5645 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=5645 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=760&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=220 Study Atthakatha :- https://84000.org/tipitaka/attha/attha.php?b=15&i=760 The Pali Atthakatha in Thai :- https://84000.org/tipitaka/atthapali/read_th.php?B=11&A=7003 The Pali Atthakatha in Roman :- https://84000.org/tipitaka/atthapali/read_rm.php?B=11&A=7003 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]