|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
Gahapativaggo pancamo [151] Savatthiyam viharati ... atha kho anathapindiko gahapati yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho anathapindikam gahapatim bhagava etadavoca yato kho gahapati ariyasavakassa panca bhayani verani vupasantani honti catuhi ca sotapattiyangehi samannagato hoti ariyo cassa nayo pannaya sudittho hoti supatividdho so akankhamano attanava attanam byakareyya khinanirayomhi khinatiracchanayoniyo 1- khinapittivisayo khinapayaduggativinipato sotapannohamasmi avinipatadhammo niyato sambodhiparayanoti. [152] Katamani panca bhayani verani vupasantani honti . Yam gahapati panatipati panatipatappaccaya ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedayati panatipata pativiratassa evam tam bhayam veram vupasantam hoti . yam gahapati adinnadayi adinnadanappaccaya ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedayati adinnadana pativiratassa evam tam bhayam veram vupasantam hoti . yam gahapati kamesumicchacari kamesumicchacarappaccaya @Footnote: 1 Ma. khinatiracchanayoni. evamuparipi.--------------------------------------------------------------------------------------------- page83.
Ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedayati kamesumicchacara pativiratassa evam tam bhayam veram vupasantam hoti . yam gahapati musavadi musavadappaccaya ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedayati musavada pativiratassa evam tam bhayam veram vupasantam hoti . yam gahapati suramerayamajjapamadatthayi suramerayamajja- pamadatthanappaccaya ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedayati suramerayamajjapamadatthana pativiratassa evam tam bhayam veram vupasantam hoti . imani panca bhayani verani vupasantani honti. [153] Katamehi catuhi sotapattiyangehi samannagato hoti . Idha gahapati ariyasavako buddhe aveccappasadena samannagato hoti itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati dhamme aveccappasadena samannagato hoti svakkhato bhagavata dhammo sanditthiko akaliko ehipassiko opanayiko paccattam veditabbo vinnuhiti sanghe aveccappasadena samannagato hoti supatipanno bhagavato savakasangho ujupatipanno bhagavato savakasangho nayapatipanno bhagavato savakasangho samicipatipanno bhagavato--------------------------------------------------------------------------------------------- page84.
Savakasangho yadidam cattari purisayugani attha purisapuggala esa bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassati ariyakantehi silehi samannagato hoti akhandehi acchiddehi asabalehi akammasehi bhujissehi vinnupasatthehi aparamatthehi samadhisamvattanikehi . imehi catuhi sotapattiyangehi samannagato hoti. [154] Katamo cassa ariyo nayo pannaya sudittho hoti supatividdho . idha gahapati ariyasavako paticcasamuppadanneva sadhukam yoniso manasikaroti iti imasmim sati idam hoti imassuppada idam uppajjati imasmim asati idam na hoti imassa nirodha idam nirujjhati yadidam avijjapaccaya sankhara sankharapaccaya vinnanam .pe. evametassa kevalassa dukkhakkhandhassa samudayo hoti avijjaya tveva asesaviraganirodha sankharanirodho sankharanirodha vinnananirodho .pe. evametassa kevalassa dukkhakkhandhassa nirodho hoti . ayamassa ariyo nayo pannaya sudittho hoti supatividdho. [155] Yato kho gahapati ariyasavakassa imani panca bhayani verani vupasantani honti imehi ca 1- catuhi sotapattiyangehi samannagato hoti ayancassa ariyo nayo pannaya sudittho hoti supatividdho so akankhamano attanava attanam byakareyya @Footnote: 1 Ma. Yu. casaddo natthi.--------------------------------------------------------------------------------------------- page85.
Khinanirayomhi khinatiracchanayoniyo khinapittivisayo khinapayaduggativinipato sotapannohamasmi avinipatadhammo niyato sambodhiparayanoti . Pathamam.The Pali Tipitaka in Roman Character Volume 16 page 82-85. https://84000.org/tipitaka/read/roman_read.php?B=16&A=1661&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=1661&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=151&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=37 Study Atthakatha :- https://84000.org/tipitaka/attha/attha.php?b=16&i=151 The Pali Atthakatha in Thai :- https://84000.org/tipitaka/atthapali/read_th.php?B=12&A=1841 The Pali Atthakatha in Roman :- https://84000.org/tipitaka/atthapali/read_rm.php?B=12&A=1841 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]