PaliRoman Vol.16

[245] Savatthiyam viharati ... tatra kho bhagava ... Cattarome bhikkhave ahara bhutanam va sattanam thitiya sambhavesinam va anuggahaya . katame cattaro . kavalikaro aharo olariko va sukhumo va phasso dutiyo manosancetana tatiya vinnanam catuttham . ime kho bhikkhave cattaro ahara bhutanam va sattanam thitiya sambhavesinam va anuggahaya. [246] Kavalikare ce bhikkhave ahare atthi rago atthi nandi atthi tanha patitthitam tattha vinnanam virulham yattha patitthitam vinnanam virulham atthi tattha namarupassa avakkanti yattha atthi namarupassa avakkanti atthi tattha sankharanam vuddhi Yattha atthi sankharanam vuddhi atthi tattha ayatim punabbhavabhinibbatti yattha atthi ayatim punabbhavabhinibbatti atthi tattha ayatim jatijaramaranam yattha atthi ayatim jatijaramaranam . sasokam tam bhikkhave sarajam saupayasanti vadami. {246.1} Phasse ce bhikkhave ahare ... Manosancetanaya ce bhikkhave ahare ... vinnane ce bhikkhave ahare atthi rago atthi nandi atthi tanha patitthitam tattha vinnanam virulham yattha patitthitam vinnanam virulham atthi tattha namarupassa avakkanti yattha atthi namarupassa avakkanti atthi tattha sankharanam vuddhi yattha atthi sankharanam vuddhi atthi tattha ayatim punabbhavabhinibbatti yattha atthi ayatim punabbhavabhinibbatti atthi tattha ayatim jatijaramaranam yattha atthi ayatim jatijaramaranam . sasokam tam bhikkhave sarajam saupayasanti vadami. [247] Seyyathapi bhikkhave rajako va cittakarako va sati rajanaya va lakhaya va haliddiya va niliya va manjitthaya va sumatte ^1- va phalake va bhittiya va dussapate va itthirupam va purisarupam va abhinimmineyya sabbangapaccangam evameva kho bhikkhave kavalikare ce ahare atthi rago atthi nandi atthi tanha patitthitam tattha vinnanam virulham yattha patitthitam vinnanam virulham atthi tattha namarupassa avakkanti yattha atthi namarupassa avakkanti atthi tattha sankharanam vuddhi yattha atthi sankharanam vuddhi atthi @Footnote: ¹ Ma. Yu. suparimatthe va. Tattha ayatim punabbhavabhinibbatti yattha atthi ayatim punabbhavabhinibbatti atthi tattha ayatim jatijaramaranam yattha atthi ayatim jatijaramaranam . sasokam tam bhikkhave sarajam saupayasanti vadami. {247.1} Phasse ce bhikkhave ahare ... Manosancetanaya ce bhikkhave ahare ... vinnane ce bhikkhave ahare atthi rago atthi nandi atthi tanha patitthitam tattha vinnanam virulham yattha patitthitam vinnanam virulham atthi tattha namarupassa avakkanti yattha atthi namarupassa avakkanti atthi tattha sankharanam vuddhi yattha atthi sankharanam vuddhi atthi tattha ayatim punabbhavabhinibbatti yattha atthi ayatim punabbhavabhinibbatti atthi tattha ayatim jatijaramaranam yattha atthi ayatim jatijaramaranam. Sasokam tam bhikkhave sarajam saupayasanti vadami. [248] Kavalikare ce bhikkhave ahare natthi rago natthi nandi natthi tanha appatitthitam tattha vinnanam avirulham yattha appatitthitam vinnanam avirulham natthi tattha namarupassa avakkanti yattha natthi namarupassa avakkanti natthi tattha sankharanam vuddhi yattha natthi sankharanam vuddhi natthi tattha ayatim punabbhavabhinibbatti yattha natthi ayatim punabbhavabhinibbatti natthi tattha ayatim jatijaramaranam yattha natthi ayatim jatijaramaranam . asokam tam bhikkhave arajam anupayasanti vadami. {248.1} Phasse ce bhikkhave ahare ... manosancetanaya ce bhikkhave ahare ... vinnane ce bhikkhave Ahare natthi rago natthi nandi natthi tanha appatitthitam tattha vinnanam avirulham yattha appatitthitam vinnanam avirulham natthi tattha namarupassa avakkanti yattha natthi namarupassa avakkanti natthi tattha sankharanam vuddhi yattha natthi sankharanam vuddhi natthi tattha ayatim punabbhavabhinibbatti yattha natthi ayatim punabbhavabhinibbatti natthi tattha ayatim jatijaramaranam yattha natthi ayatim jatijaramaranam . asokam tam bhikkhave arajam anupayasanti vadami. [249] Seyyathapi bhikkhave kutagaram va kutagarasala va uttaraya va dakkhinaya va pacinavatapana ^1- suriye uggacchante vatapanena rasmi pavisitva kvassa patitthitati . pacchimayam bhante bhittiyanti . pacchimaya ce bhikkhave bhitti nassa kvassa patitthitati . pathaviyam bhanteti . pathavi ce bhikkhave nassa kvassa patitthitati . apasmim bhanteti . apo ce bhikkhave nassa kvassa patitthitati . appatitthita bhanteti . evameva kho bhikkhave kavalikare ce ahare natthi rago natthi nandi natthi tanha ... Phasse ce bhikkhave ahare ... Manosancetanaya ce bhikkhave ahare ... vinnane ce bhikkhave ahare natthi rago natthi nandi natthi tanha appatitthitam tattha vinnanam avirulham yattha appatitthitam vinnanam avirulham natthi tattha namarupassa avakkanti yattha natthi namarupassa avakkanti natthi tattha sankharanam vuddhi yattha natthi @Footnote: ¹ Ma. Yu. pacinaya va vatapana. Sankharanam vuddhi natthi tattha ayatim punabbhavabhinibbatti yattha natthi ayatim punabbhavabhinibbatti natthi tattha ayatim jatijaramaranam yattha natthi ayatim jatijaramaranam . asokam tam bhikkhave arajam anupayasanti vadamiti. Catuttham.

The Pali Tipitaka in Roman Character Volume 16 page 122-126. https://84000.org/tipitaka/read/roman_read.php?B=16&A=2466&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=2466&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=245&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=60 Study Atthakatha :- https://84000.org/tipitaka/attha/attha.php?b=16&i=245 The Pali Atthakatha in Thai :- https://84000.org/tipitaka/atthapali/read_th.php?B=12&A=2886 The Pali Atthakatha in Roman :- https://84000.org/tipitaka/atthapali/read_rm.php?B=12&A=2886 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16