PaliRoman Vol.16

[483] Rajagahe viharati veluvane ... atha kho ayasma mahakassapo yena bhagava tenusankami upasankamitva bhagavantam abhivadetva ekamantam nisidi . ekamantam nisinnam kho ayasmantam mahakassapam bhagava etadavoca ovada kassapa bhikkhu karohi kassapa bhikkhunam dhammim katham aham va kassapa bhikkhu ovadeyyam tvam va aham va bhikkhunam dhammim katham kareyyam tvam vati. [484] Dubbaca kho bhante bhagava ^2- etarahi bhikkhu dovacassakaranehi karanehi dhammehi samannagata akkhama appadakkhinaggahino anusasanim . idhaham bhante addasam bhandanca nama bhikkhum anandassa saddhiviharim abhijjikanca ^3- nama bhikkhum anuruddhassa saddhiviharim annamannam sutena accavadante ehi bhikkhu ko bahutaram bhasissati ko sundarataram bhasissati ko cirataram bhasissatiti. [485] Atha kho bhagava annataram bhikkhum amantesi ehi tvam bhikkhu mama vacanena bhandanca bhikkhum anandassa saddhiviharim abhijjikanca bhikkhum anuruddhassa saddhiviharim amantehi sattha ayasmante amantetiti . evam bhanteti kho so bhikkhu bhagavato patissunitva yena te bhikkhu tenupasankami upasankamitva te @Footnote: ¹ Ma. Yu. aranne ca . ² Ma. Yu. bhagavati patho natthi . ³ Ma. abhijikanca. Bhikkhu etadavoca sattha ayasmante amantetiti . evamavusoti kho te bhikkhu tassa bhikkhuno patissunitva yena bhagava tenupasankamimsu upasankamitva bhagavantam abhivadetva ekamantam nisidimsu. [486] Ekamantam nisinne kho te bhikkhu bhagava etadavoca saccam kira tumhe bhikkhave annamannam sutena accavadatha ehi bhikkhu ko bahutaram bhasissati ko sundarataram bhasissati ko cirataram bhasissatiti . evam bhanteti . kinnu me tumhe bhikkhave evam dhammam desitam ajanatha evam tumhe bhikkhave annamannam sutena accavadatha ehi bhikkhu ko bahutaram bhasissati ko sundarataram bhasissati ko cirataram bhasissatiti . no hetam bhante . no ce kira me tumhe bhikkhave evam dhammam desitam ajanatha atha kincarahi tumhe moghapurisa kim jananta kim passanta evam svakkhate dhammavinaye pabbajita samana annamannam sutena accavadatha ehi bhikkhu ko bahutaram bhasissati ko sundarataram bhasissati ko cirataram bhasissatiti. [487] Atha kho te bhikkhu bhagavato padesu sirasa nipatitva bhagavantam etadavocum accayo no bhante accagama yathabale yathamulhe yathaakusale ye mayam evam svakkhate dhammavinaye pabbajita samana annamannam sutena accavadimha ehi bhikkhu ko bahutaram bhasissati ko sundarataram bhasissati ko cirataram bhasissatiti Tesam no bhante bhagava accayam accayato patigganhatu ayatim samvarayati. [488] Taggha tumhe bhikkhave accayo accagama yathabale yathamulhe yathaakusale ye tumhe evam svakkhate dhammavinaye pabbajita samana annamannam sutena accavadittha ehi bhikkhu ko bahutaram bhasissati ko sundarataram bhasissati ko cirataram bhasissatiti yato ca kho tumhe bhikkhave accayam accayato disva yathadhammam patikarotha tam vo mayam accayam patigganhama vuddhi hesa bhikkhave ariyassa vinaye yo accayam accayato disva yathadhammam patikaroti ayatim ca samvaram apajjatiti. Chattham.

The Pali Tipitaka in Roman Character Volume 16 page 240-242. https://84000.org/tipitaka/read/roman_read.php?B=16&A=4834&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=4834&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=483&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=144 Study Atthakatha :- https://84000.org/tipitaka/attha/attha.php?b=16&i=483 The Pali Atthakatha in Thai :- https://84000.org/tipitaka/atthapali/read_th.php?B=12&A=4339 The Pali Atthakatha in Roman :- https://84000.org/tipitaka/atthapali/read_rm.php?B=12&A=4339 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16