PaliRoman Vol.16

[494] Rajagahe viharati veluvane kalandakanivape . atha kho ayasma mahakassapo yena bhagava tenupasankami upasankamitva Bhagavantam abhivadetva ekamantam nisidi . ekamantam nisinnam kho ayasmantam mahakassapam bhagava etadavoca ovada kassapa bhikkhu karohi kassapa bhikkhunam dhammim katham aham va kassapa bhikkhu ovadeyyam tvam va aham va bhikkhunam dhammim katham kareyyam tvam vati . dubbaca kho bhante bhagava etarahi bhikkhu dovacassakaranehi dhammehi samannagata akkhama appadakkhinaggahino anusasaninti ^1-. [495] Tatha hi pana kassapa pubbe thera bhikkhu arannika ceva ahesum arannikattassa ca vannavadino pindapatika ceva ahesum pindapatikattassa ca vannavadino pamsukulika ceva ahesum pamsukulikattassa ca vannavadino tecivarika ceva ahesum tecivarikattassa ca vannavadino appiccha ceva ahesum appicchataya ca vannavadino santuttha ceva ahesum santutthiya ca vannavadino pavivitta ceva ahesum pavivekassa ca vannavadino asamsattha ceva ahesum asamsaggassa ca vannavadino araddhaviriya ceva ahesum viriyarambhassa ca vannavadino. {495.1} Tatra yo hoti bhikkhu aranniko ceva arannikattassa ca vannavadi pindapatiko ceva pindapatikattassa ca vannavadi pamsukuliko ceva pamsukulikattassa ca vannavadi tecivariko ceva tecivarikattassa ca vannavadi appiccho ceva appicchataya ca vannavadi santuttho ceva santutthiya ca vannavadi pavivitto ceva pavivekassa ca vannavadi @Footnote: ¹ Yu. anusasananti. Asamsattho ceva asamsaggassa ca vannavadi araddhaviriyo ceva viriyarambhassa ca vannavadi tam thera bhikkhu asanena nimantenti ehi bhikkhu ko namayam bhikkhu bhaddako vatayam bhikkhu sikkhakamo vatayam bhikkhu ehi bhikkhu idam asanam nisidahiti. {495.2} Tatra kassapa navanam bhikkhunam evam hoti yo kira so hoti bhikkhu aranniko ceva arannikattassa ca vannavadi pindapatiko ceva ... pamsukuliko ceva ... tecivariko ceva ... Appiccho ceva ... santuttho ceva ... Pavivitto ceva ... Asamsattho ceva ... araddhaviriyo ceva viriyarambhassa ca vannavadi tam thera bhikkhu asanena nimantenti ehi bhikkhu ko namayam bhikkhu bhaddako vatayam bhikkhu sikkhakamo vatayam bhikkhu ehi bhikkhu idam asanam nisidahiti te tathattaya patipajjanti tesantam hoti digharattam hitaya sukhaya. [496] Etarahi pana kassapa thera bhikkhu na ceva arannika na ca arannikattassa vannavadino na ceva pindapatika na ca pindapatikattassa vannavadino na ceva pamsukulika na ca pamsukulikattassa vannavadino na ceva tecivarika na ca tecivarikattassa vannavadino na ceva appiccha na ca appicchataya vannavadino na ceva santuttha na ca santutthiya vannavadino na ceva pavivitta na ca pavivekassa vannavadino na ceva asamsattha na ca asamsaggassa vannavadino na ceva araddhaviriya Na ca viriyarambhassa vannavadino . tatra yo hoti bhikkhu nato yasassi labhi civarapindapatasenasanagilanapaccayabhesajjaparikkharanam tam thera bhikkhu asanena nimantenti ehi bhikkhu ko namayam bhikkhu bhaddako vatayam bhikkhu sabrahmacarikamo vatayam bhikkhu ehi bhikkhu idam asanam nisidahiti. {496.1} Tatra kassapa navanam bhikkhunam evam hoti yo kira so hoti bhikkhu nato yasassi labhi civarapindapatasenasanagilanapaccaya- bhesajjaparikkharanam tam thera bhikkhu asanena nimantenti ehi bhikkhu ko namayam bhikkhu bhaddako vatayam bhikkhu sabrahmacarikamo vatayam bhikkhu ehi bhikkhu idam asanam nisidahiti te tathattaya patipajjanti tesantam hoti digharattam ahitaya dukkhaya . yanhi tam kassapa samma vadamano vadeyya upadduta brahmacari brahmacarupaddavena abhivana ^1- brahmacari brahmacarabhivanenati ^2- . etarahi tam kassapa samma vadamano vadeyya upadduta brahmacari brahmacarupaddavena abhivana brahmacari brahmacarabhivanenati. Atthamam.

The Pali Tipitaka in Roman Character Volume 16 page 245-248. https://84000.org/tipitaka/read/roman_read.php?B=16&A=4953&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=4953&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=494&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=146 Study Atthakatha :- https://84000.org/tipitaka/attha/attha.php?b=16&i=494 The Pali Atthakatha in Thai :- https://84000.org/tipitaka/atthapali/read_th.php?B=12&A=4359 The Pali Atthakatha in Roman :- https://84000.org/tipitaka/atthapali/read_rm.php?B=12&A=4359 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16