|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
[497] Savatthiyam viharati ... aham bhikkhave yavadeva akankhami vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharami . kassapopi bhikkhave yavadeva akankhati vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. @Footnote: 1 Ma. abhipatthana . Yu. abhibhavana . 2 Ma. brahmacariabhipatthanenati. @Yu. brahmacarabhibhavanenati.--------------------------------------------------------------------------------------------- page249.
[498] Aham bhikkhave yavadeva akankhami vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharami . kassapopi bhikkhave yavadeva akankhati vitakkavicaranam vupasama .pe. dutiyam jhanam upasampajja viharati. [499] Aham bhikkhave yavadeva akankhami pitiya ca viraga upekkhako ca viharami sato ca sampajano sukhanca kayena patisamvedemi yantam ariya acikkhanti upekkhako satima sukhavihariti tatiyam jhanam upasampajja viharami . kassapopi bhikkhave yavadeva akankhati pitiya ca viraga upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati. [500] Aham bhikkhave yavadeva akankhami sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharami . Kassapopi bhikkhave yavadeva akankhati sukhassa ca pahana .pe. Catuttham jhanam upasampajja viharati. [501] Aham bhikkhave yavadeva akankhami sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharami .--------------------------------------------------------------------------------------------- page250.
Kassapopi bhikkhave yavadeva akankhati sabbaso rupasannanam samatikkama .pe. Akasanancayatanam upasampajja viharati. [502] Aham bhikkhave yavadeva akankhami sabbaso akasanancayatanam samatikkamma anantam vinnananti vinnanancayatanam upasampajja viharami . kassapopi bhikkhave yavadeva akankhati sabbaso akasanancayatanam samatikkamma anantam vinnananti vinnanancayatanam upasampajja viharati. [503] Aham bhikkhave yavadeva akankhami sabbaso vinnanancayatanam samatikkamma natthi kinciti akincannayatanam upasampajja viharami . kassapopi bhikkhave yavadeva akankhati .pe. Akincannayatanam upasampajja viharati. [504] Aham bhikkhave yavadeva akankhami sabbaso akincannayatanam samatikkamma nevasannanasannayatanam upasampajja viharami . kassapopi bhikkhave yavadeva akankhati .pe. Nevasannanasannayatanam upasampajja viharati. [505] Aham bhikkhave yavadeva akankhami sabbaso nevasannanasannayatanam samatikkamma sannavedayitanirodham upasampajja viharami . kassapopi bhikkhave .pe. sannavedayitanirodham upasampajja viharati. [506] Aham bhikkhave yavadeva akankhami anekavihitam iddhividham--------------------------------------------------------------------------------------------- page251.
Paccanubhomi ekopi hutva bahudha homi bahudhapi hutva eko homi avibhavam tirobhavam tirokuddam tiropakaram tiropabbatam asajjamano gacchami seyyathapi akase pathaviyapi ummujjanimmujjam karomi seyyathapi udake udakepi abhijjamane gacchami seyyathapi pathaviyam akasepi pallankena cankamami 1- seyyathapi pakkhi sakuno imepi candimasuriye evammahiddhike evammahanubhave panina parimasami parimajjami yava brahmalokapi kayena vasam vattemi . kassapopi bhikkhave yavadeva akankhati anekavihitam iddhividham paccanubhoti .pe. Yava brahmalokapi kayena vasam vatteti. [507] Aham bhikkhave yavadeva akankhami dibbaya sotadhatuya .pe. Ye dure santike ca. Kassapopi bhikkhave ... Santike ca. [508] Aham bhikkhave yavadeva akankhami parasattanam parapuggalanam cetasa ceto paricca janami 2- saragam va cittam saragam cittanti pajanami vitaragam va cittam vitaragam cittanti pajanami sadosam va cittam .pe. vitadosam va cittam ... Samoham va cittam ... vitamoham va cittam ... Sankhittam va cittam ... Vikkhittam va cittam ... mahaggatam va cittam ... Amahaggatam va cittam ... Sauttaram va cittam ... anuttaram va cittam ... Samahitam va cittam ... Asamahitam va cittam ... vimuttam va cittam ... avimuttam va cittam avimuttam cittanti pajanami . kassapopi bhikkhave yavadeva akankhati @Footnote: 1 Ma. kamami . 2 Ma. Yu. pajanami.--------------------------------------------------------------------------------------------- page252.
Parasattanam parapuggalanam cetasa ceto paricca janati 1- saragam va cittam saragam cittanti pajanati .pe. avimuttam va cittam avimuttam cittanti pajanati. [509] Aham bhikkhave yavadeva akankhami anekavihitam pubbenivasam anussarami seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasapi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto amutra udapadim 2- tatrapasim 3- evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto idhupapannoti iti sakaram sauddesam anekavihitam pubbenivasam anussarami . kassapopi bhikkhave yavadeva akankhati anekavihitam pubbenivasam anussarati seyyathidam ekampi jatim .pe. iti sakaram sauddesam anekavihitam pubbenivasam anussarati. [510] Aham bhikkhave yavadeva akankhami dibbena cakkhuna visuddhena atikkantamanusakena satte passami cavamane upapajjamane hine panite suvanne dubbanne sugate duggate yathakammupage @Footnote: 1 Ma. Yu. pajanati . 2 Yu. udapadi . 3 Yu. tatravasim.--------------------------------------------------------------------------------------------- page253.
Satte pajanami ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda param marana apayam duggatim vinipatam nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda param marana sugatim saggam lokam upapannati iti dibbena cakkhuna visuddhena atikkantamanusakena satte passami cavamane upapajjamane hine panite suvanne dubbanne sugate duggate yathakammupage satte pajanami . kassapopi bhikkhave yavadeva akankhati dibbena cakkhuna visuddhena atikkantamanusakena satte passati cavamane .pe. Yathakammupage satte pajanati. [511] Aham bhikkhave asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharami . kassapopi bhikkhave asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti. Navamam.The Pali Tipitaka in Roman Character Volume 16 page 248-253. https://84000.org/tipitaka/read/roman_read.php?B=16&A=5013&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=5013&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=497&items=15 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=147 Study Atthakatha :- https://84000.org/tipitaka/attha/attha.php?b=16&i=497 The Pali Atthakatha in Thai :- https://84000.org/tipitaka/atthapali/read_th.php?B=12&A=4370 The Pali Atthakatha in Roman :- https://84000.org/tipitaka/atthapali/read_rm.php?B=12&A=4370 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]