ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.

     [518]   Ekam   samayam   ayasma  mahakassapo  rajagahe  viharati
veluvane  kalandakanivape  .  tena  kho  pana  samayena ayasma anando
dakkhinagirismim   carikam   carati  mahata  bhikkhusanghena  saddhim  .  tena  kho
pana   samayena   ayasmato   anandassa   timsamatta  saddhiviharino  bhikkhu
sikkham paccakkhaya hinayavatta bhavanti yebhuyyena kumarabhuta.
     [519]   Atha  kho  ayasma  anando  dakkhinagirismim  yathabhirantam
carikam  caritva  yena  rajagaham  veluvanam  kalandakanivapam  1-  yenayasma
mahakassapo    tenupasankami    upasankamitva    ayasmantam    mahakassapam
abhivadetva   ekamantam   nisidi   .  ekamantam  nisinnam  kho  ayasmantam
anandam   ayasma   mahakassapo   etadavoca   kati   nu  kho  avuso
ananda atthavase paticca bhagavata kulesu tikabhojanam pannattanti.
     [520]   Tayo   kho   bhante  kassapa  atthavase  paticca  bhagavata
kulesu   tikabhojanam   pannattam   dummankunam   puggalanam  niggahaya  pesalanam
bhikkhunam   phasuviharaya   ma   papiccha  pakkham  nissaya  sangham  bhindeyyum
kulanudayataya   ca   ime   kho  bhante  kassapa  tayo  atthavase  paticca
bhagavata kulesu tikabhojanam pannattanti.
     [521]  Atha  kincarahi  tvam  avuso  ananda  imehi [2]- bhikkhuhi
indriyesu   aguttadvarehi   bhojane   amattannuhi  jagariyam  ananuyuttehi
saddhim   carikam   carasi   sassaghatam  manne  carasi  kulappaghatam  3-  manne
carasi    olujjati   kho   te   avuso   ananda   parisa   palujjanti
@Footnote: 1 Ma. Yu. kalandakanivapo .  2 Ma. Yu. navehi .  3 Ma. kulupaghatam. Yu. kulupaghatam.
@evamuparipi.
Kho    te    avuso    ananda   navappaya   na   vayam   kumarako
mattamannasiti   .   api   me  bhante  kassapa  sirasmim  palitani  jatani
atha   ca   pana   mayam   ajjapi  ayasmato  mahakassapassa  kumarakavada
na  muccamati  .  tatha  hi  pana  tvam  avuso  ananda  imehi  navehi
bhikkhuhi    indriyesu    aguttadvarehi   bhojane   amattannuhi   jagariyam
ananuyuttehi   saddhim   carikam   carasi  sassaghatam  manne  carasi  kulappaghatam
manne   carasi   olujjati  kho  te  avuso  ananda  parisa  palujjanti
kho te avuso navappaya na vayam kumarako mattamannasiti.
     [522]    Assosi    kho   thullananda   bhikkhuni   ayyena   kira
mahakassapena  ayyo  anando  vedehamuni  kumarakavadena apasaditoti.
Atha   kho   thullananda   bhikkhuni   anattamana   anattamanavacam  niccharesi
kim    pana    ayyo    mahakassapo   annatitthiyapubbo   samano   ayyam
anandam    vedehamunim    kumarakavadena    apasadetabbam   mannatiti  .
Assosi   kho   ayasma   mahakassapo   thullanandaya   bhikkhuniya   imam
vacam bhasamanaya.
     [523]   Atha   kho   ayasma  mahakassapo  ayasmantam  anandam
etadavoca    tagghavuso    ananda    thullanandaya   bhikkhuniya   sahasa
appatisankha   vaca   bhasita  yatoham  avuso  kesamassum  oharetva
kasayani   vatthani   acchadetva   agarasma   anagariyam   pabbajito
nabhijanami   annam   sattharam   uddisita   1-  annatra  tena  bhagavata
@Footnote: 1 Yu. uddisitum.
Arahata   sammasambuddhena   .   pubbe   me   avuso  agarikabhutassa
sato    etadahosi    sambadho    gharavaso   rajapatho   ajjhokaso
pabbajja     nayidam    sukaram    agaram    ajjhavasata    ekantaparipunnam
ekantaparisuddham    sankhalikhitam    brahmacariyam   caritum   yannunaham   kesamassum
oharetva   kasayani   vatthani  acchadetva  agarasma  anagariyam
pabbajeyyanti   .  so  khvaham  avuso  aparena  samayena  patapilotikanam
sanghatim   karitva   1-  ye  loke  arahanto  te  uddissa  kesamassum
oharetva   kasayani   vatthani  acchadetva  agarasma  anagariyam
pabbajim    so    evam    pabbajito   samano   addhanamaggam   patipanno
addasam    bhagavantam    antara    ca   rajagaham   antara   ca   nalandam
bahuputtacetiye   nisinnam   disvana   me   etadahosi  sattharanca  vataham
passeyyam    bhagavantameva    passeyyam    sugatanca    vataham    passeyyam
bhagavantameva   passeyyam   sammasambuddhanca  vataham  passeyyam  bhagavantameva
passeyyanti   .   so   khvaham   avuso   tattheva   bhagavato  padesu
sirasa   nipatitva   bhagavantam   etadavocam   sattha   me  bhante  bhagava
savakohamasmi sattha me bhante bhagava savakohamasmiti.
     [524]   Evam  vutte  mam  avuso  bhagava  etadavoca  yo  kho
kassapa    evam   sabbacetaso   samannahatam   2-   savakam   ajananneva
vadeyya   janamiti   apassanneva   vadeyya   passamiti   muddhapi  tassa
vipateyya   .   aham   kho   pana   kassapa  jananneva  vadami  janamiti
@Footnote: 1 Ma. karetva .  2 Ma. sabbacetasa samanagatam. Yu. sabbam cetasa samanagatam.
Passanneva vadami passamiti.
     {524.1}   Tasmatiha   te   kassapa  evam  sikkhitabbam  tibbam  me
hirottappam   paccupatthitam   bhavissati   theresu  navesu  majjhimesuti  evanhi
te  kassapa  sikkhitabbam  .  tasmatiha  te  kassapa  evam sikkhitabbam yankanci
dhammam    sunissami    kusalupasanhitam    sabbantam   atthikatva   manasikaritva
sabbacetaso   samannaharitva   ohitasoto   dhammam   sunissamiti  evanhi
te kassapa sikkhitabbam.
     {524.2}   Tasmatiha   te  kassapa  evam  sikkhitabbam  satasahagata
ca    me    kayagatasati    na    vijahissatiti   evanhi   te   kassapa
sikkhitabbanti   .   atha   kho   mam   avuso  bhagava  imina  ovadena
ovaditva   utthayasana   pakkami   .   sattahameva   khoham  avuso
sano   1-   ratthapindam   bhunjim   atha   atthamiya   anna  udapadi .
Atha   kho   avuso   bhagava  magga  okkamma  yena  annataram  rukkhamulam
tenupasankami    .    atha    khvaham   avuso   patapilotikanam   sanghatim
catuggunam    pannapetva    bhagavantam   etadavocam   idha   bhante   bhagava
nisidatu   yam   mamassa  digharattam  hitaya  sukhayati  .  nisidi  kho  avuso
bhagava  pannatte  asane  .  nisajja  kho  mam  avuso bhagava etadavoca
muduka   kho   tyayam   kassapa  patapilotikanam  sanghatiti  .  patigganhatu
me   bhante   bhagava   patapilotikanam  sanghatim  anukampam  upadayati .
Dharessasi   pana   me  tvam  kassapa  sanani  pamsukulani  nibbasananiti .
Dharessamaham bhante bhagavato sanani pamsukulani nibbasananiti.
@Footnote: 1 Ma. sarano.
     [525]   So   khvaham   avuso  patapilotikanam  sanghatim  bhagavato
padasim    aham    panassa    bhagavato   sanani   pamsukulani   nibbasanani
patipajjim   .   yanhi   tam   avuso  samma  vadamano  vadeyya  bhagavato
putto   oraso   mukhato   jato   dhammajo  dhammanimmito  dhammadayado
patiggahitani    sanani    pamsukulani    nibbasananiti   mamam   tam   samma
vadamano   vadeyya   bhagavato   putto  oraso  mukhato  jato  dhammajo
dhammanimmito     dhammadayado     patiggahitani     sanani    pamsukulani
nibbasananiti.
     [526]  Aham  kho  avuso  yavadeva  akankhami vivicceva kamehi
vivicca   akusalehi   dhammehi   savitakkam   savicaram  vivekajam  pitisukham  pathamam
jhanam   upasampajja  viharami  .  aham  kho  avuso  yavadeva  akankhami
.pe.     [navannam    anupubbaviharasamapattinam    pancannanca    abhinnanam
evam peyyalo].
     [527]  Aham  kho  avuso  asavanam  khaya  anasavam  cetovimuttim
pannavimuttim   dittheva   dhamme   sayam   abhinna   sacchikatva  upasampajja
viharami   .   sattaratanam   va   so  avuso  nagam  addhatthamaratanam  va
talapattikaya    chadetabbam    manneyya    yo    mam   chahi   abhinnahi
chadetabbam   manneyyati   .   cavittha   ca   pana   thullananda   bhikkhuni
brahmacariyamhati. Ekadasamam.



             The Pali Tipitaka in Roman Character Volume 16 page 257-261. https://84000.org/tipitaka/read/roman_read.php?B=16&A=5184&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=5184&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=16&item=518&items=10              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=149              Study Atthakatha :- https://84000.org/tipitaka/attha/attha.php?b=16&i=518              The Pali Atthakatha in Thai :- https://84000.org/tipitaka/atthapali/read_th.php?B=12&A=4415              The Pali Atthakatha in Roman :- https://84000.org/tipitaka/atthapali/read_rm.php?B=12&A=4415              Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]