บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[531] Ekam samayam bhagava savatthiyam viharati jetavane anathapindikassa arame . atha kho ayasma mahakassapo yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho ayasma mahakassapo bhagavantam etadavoca ko nu kho bhante hetu ko paccayo yena pubbe appatarani ceva sikkhapadani ahesum bahutara ca bhikkhu annaya santhahimsu ko pana bhante hetu ko paccayo yenetarahi bahutarani ceva sikkhapadani appatara ca bhikkhu annaya santhahantiti. [532] Evanhetam 1- kassapa hoti sattesu hayamanesu saddhamme antaradhayamane bahutarani ceva sikkhapadani honti appatara ca bhikkhu annaya santhahanti na tava kassapa saddhammassa antaradhanam hoti yava na saddhammapatirupakam loke uppajjati yato ca kho kassapa saddhammapatirupakam loke uppajjati atha saddhammassa antaradhanam hoti . seyyathapi kassapa na tava jatarupassa @Footnote: 1 Ma. evancetam.--------------------------------------------------------------------------------------------- page264.
Antaradhanam hoti yava na jatarupapatirupakam loke uppajjati yato ca kho kassapa jatarupapatirupakam loke uppajjati atha jatarupassa antaradhanam hoti . evameva kho kassapa na tava saddhammassa antaradhanam hoti yava na saddhammapatirupakam loke uppajjati yato ca kho kassapa saddhammapatirupakam loke uppajjati atha saddhammassa antaradhanam hoti. [533] Na kho kassapa pathavidhatu saddhammam antaradhapeti na apodhatu saddhammam antaradhapeti na tejodhatu saddhammam antaradhapeti na vayodhatu saddhammam antaradhapeti atha kho idheva te uppajjanti moghapurisa ye imam saddhammam antaradhapenti seyyathapi kassapa nava adikeneva opilavati 1- . na kho kassapa evam saddhammassa antaradhanam hoti. [534] Panca khome kassapa okkamaniya dhamma saddhammassa sammosaya antaradhanaya samvattanti . katame panca . idha kassapa bhikkhu bhikkhuniyo upasaka upasikayo satthari agarava viharanti appatissa dhamme agarava viharanti appatissa sanghe agarava viharanti appatissa sikkhaya agarava viharanti appatissa samadhismim agarava viharanti appatissa . ime kho kassapa panca okkamaniya dhamma saddhammassa sammosaya antaradhanaya samvattanti. [535] Panca khome kassapa dhamma saddhammassa thitiya @Footnote: 1 Ma. Yu. opilavati.--------------------------------------------------------------------------------------------- page265.
Asammosaya anantaradhanaya samvattanti . katame panca . idha kassapa bhikkhu bhikkhuniyo upasaka upasikayo satthari sagarava viharanti sappatissa dhamme sagarava viharanti sappatissa sanghe sagarava viharanti sappatissa sikkhaya sagarava viharanti sappatissa samadhismim sagarava viharanti sappatissa . ime kho kassapa panca dhamma saddhammassa thitiya asammosaya anantaradhanaya samvattantiti. Terasamam. Kassapasamyuttam catuttham nitthitam. Tassa uddanam santutthanca anottapi candupamam kulupakam jinnam tayo ca ovada jhanabhinna upassayam civaram parammaranam saddhammapatirupakanti. --------The Pali Tipitaka in Roman Character Volume 16 page 263-265. https://84000.org/tipitaka/read/roman_read.php?B=16&A=5317&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=5317&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=531&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=151 Study Atthakatha :- https://84000.org/tipitaka/attha/attha.php?b=16&i=531 The Pali Atthakatha in Thai :- https://84000.org/tipitaka/atthapali/read_th.php?B=12&A=4997 The Pali Atthakatha in Roman :- https://84000.org/tipitaka/atthapali/read_rm.php?B=12&A=4997 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]