PaliRoman Vol.17

[152] Savatthi . tatra kho . rupam bhikkhave aniccam yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . Vedana . sanna . sankhara . vinnanam aniccam yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . Evam passam bhikkhave sutava ariyasavako rupasmimpi nibbindati vedanayapi . sannayapi . sankharesupi . vinnanasmimpi nibbindati nibbindam virajjati viraga vimuccati . vimuttasmim vimuttamiti ^1- nanam hoti . khina jati vusitam brahmacariyam katam karaniyam naparam itthattayati pajanati . yavata bhikkhave sattavasa yavata bhavaggam ete agga ete settha lokasmim yadidam arahantoti . idamavoca bhagava idam vatvana sugato athaparam etadavoca sattha [153] Sukhino vata arahanto tanha tesam na vijjati asmimano samucchinno mohajalam padalitam. @Footnote: ¹ vimuttamhititi va patho. Anejante ^1- anuppatta cittam tesam anavilam loke anupalitta te ^2- brahmabhuta anasava. Pancakkhandhe parinnaya sattasaddhammagocara pasamsiya sappurisa putta buddhassa orasa. Sattaratanasampanna tisu sikkhasu sikkhita anuvicaranti mahavira pahinabhayabherava. Dasahangehi sampanna mahanaga samahita ete kho settha lokasmim tanha tesam na vijjati. Asekkhananam uppannam antimoyam ^3- samussayo yo saro brahmacariyassa tasmim aparapaccaya ^4-. Vidhasu na vikampanti vippamutta punabbhava dantabhumim anuppatta te loke vijitavino. Uddham tiriyam apacinam nandi tesam na vijjati nadanti te sihanadam buddha loke anuttarati.

The Pali Tipitaka in Roman Character Volume 17 page 101-102. https://84000.org/tipitaka/read/roman_read.php?B=17&A=2031&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=2031&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=152&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=76 Study Atthakatha :- https://84000.org/tipitaka/attha/attha.php?b=17&i=152 The Pali Atthakatha in Thai :- https://84000.org/tipitaka/atthapali/read_th.php?B=12&A=6804 The Pali Atthakatha in Roman :- https://84000.org/tipitaka/atthapali/read_rm.php?B=12&A=6804 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17