|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
[425] Savatthi . kismim nu kho bhikkhave sati kim upadaya kim abhinivissa evam ditthi uppajjati natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paraloko natthi mata natthi pita natthi satta upapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedenti catummahabhutikoyam puriso yada 1- kalam karoti pathavi pathavikayam anupeti anupagacchati apo apokayam anupeti anupagacchati tejo tejokayam anupeti anupagacchati vayo vayokayam anupeti anupagacchati akasam indriyani sankamanti 2- asandipancama purisa matam adaya gacchati yava ahalana padani pannayanti kapotakani atthini bhavanti bhassanta 3- ahutiyo dattupannattamidam 4- danam nama tesam tuccham musa vilapo ye keci atthikavadam vadanti bale ca pandite ca kayassa bheda ucchijjanti vinassanti na honti parammaranati. {425.1} Bhagavammulaka no bhante dhamma .pe. Rupe kho bhikkhave sati rupam upadaya rupam abhinivissa evam ditthi uppajjati natthi dinnam natthi yittham .pe. kayassa bheda ucchijjanti vinassanti na honti parammarana 5-. Vedanaya sati .pe. sannaya sati . sankharesu sati . vinnane @Footnote: 1 Po. yathakalam . 2 pakkamantiti va patho . 3 bhasmantatipi patho. @Yu. bhasmantahutiyo. 4 Ma. dattupannattam yadidam danam tesam . 5 Ma. parammaranati.--------------------------------------------------------------------------------------------- page255.
Sati vinnanam upadaya vinnanam abhinivissa evam ditthi uppajjati natthi dinnam natthi yittham .pe. kayassa bheda ucchijjanti vinassanti na honti parammarana. [426] Tam kim mannatha bhikkhave rupam niccam va aniccam vati . Aniccam bhante . yam pananiccam dukkham viparinamadhammam api nu tam anupadaya evam ditthi uppajjeyya natthi dinnam natthi yittham .pe. kayassa bheda ucchijjanti vinassanti na honti parammaranati. No hetam bhante . vedana .pe. sanna . sankhara . Vinnanam niccam va aniccam vati . aniccam bhante .pe. api nu tam anupadaya evam ditthi uppajjeyya natthi dinnam natthi yittham .pe. kayassa bheda ucchijjanti vinassanti na honti parammaranati . no hetam bhante . yampidam dittham sutam mutam vinnatam pattam pariyesitam anuvicaritam manasa tampi niccam va aniccam vati . aniccam bhante .pe. api nu tam anupadaya evam ditthi uppajjeyya natthi dinnam natthi yittham .pe. ye keci atthikavadam vadanti bale ca pandite ca kayassa bheda ucchijjanti vinassanti na honti parammaranati. No hetam bhante. Yato kho bhikkhave ariyasavakassa imesu chasu thanesu kankha pahina hoti dukkhepissa kankha pahina hoti .pe. dukkhanirodhagaminiya patipadayapissa kankha pahina hoti . ayam vuccati--------------------------------------------------------------------------------------------- page256.
Bhikkhave ariyasavako sotapanno avinipatadhammo niyato sambodhiparayanoti.The Pali Tipitaka in Roman Character Volume 17 page 254-256. https://84000.org/tipitaka/read/roman_read.php?B=17&A=5141&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=5141&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=425&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=208 Study Atthakatha :- https://84000.org/tipitaka/attha/attha.php?b=17&i=425 The Pali Atthakatha in Thai :- https://84000.org/tipitaka/atthapali/read_th.php?B=12&A=8144 The Pali Atthakatha in Roman :- https://84000.org/tipitaka/atthapali/read_rm.php?B=12&A=8144 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]