PaliRoman Vol.17

Ditthisamyutte catutthapeyyalo catuttho [463] Savatthi . kismim nu kho bhikkhave sati kim upadaya kim abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthitati . bhagavammulaka no bhante dhamma .pe. rupe kho bhikkhave sati rupam upadaya rupam abhinivissa evam ditthi uppajjati na vata vayanti .pe. esikatthayitthitati . Vedanaya sati .pe. sannaya sati . sankharesu sati . vinnane sati vinnanam upadaya vinnanam abhinivissa evam ditthi uppajjati na vata vayanti .pe. Esikatthayitthitati. [464] Tam kim mannatha bhikkhave rupam niccam va aniccam vati . Aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante . vedana .pe. sanna . sankhara . vinnanam niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante. [465] Tasma tiha bhikkhave yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yandure santike va sabbam rupam netam mama nesohamasmi na meso attati evametam yathabhutam sammappannaya datthabbam . ya kaci vedana . ya kaci sanna . ye keci sankhara . yankinci vinnanam atitanagatapaccuppannam ajjhattam va bahiddha va olarikam va sukhumam va hinam va panitam va yandure santike va sabbam vinnanam netam mama nesohamasmi na meso attati evametam yathabhutam sammappannaya datthabbam . evam passam .pe. Naparam itthattayati pajanatiti.

The Pali Tipitaka in Roman Character Volume 17 page 274-275. https://84000.org/tipitaka/read/roman_read.php?B=17&A=5547&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=5547&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=463&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=234 Study Atthakatha :- https://84000.org/tipitaka/attha/attha.php?b=17&i=463 The Pali Atthakatha in Thai :- https://84000.org/tipitaka/atthapali/read_th.php?B=12&A=8311 The Pali Atthakatha in Roman :- https://84000.org/tipitaka/atthapali/read_rm.php?B=12&A=8311 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17