PaliRoman Vol.18

[541] Ekam samayam sambahula thera bhikkhu macchikasande viharanti ambatakavane . atha kho citto gahapati yena thera bhikkhu tenupasankami upasankamitva there bhikkhu abhivadetva ekamantam nisidi Ekamantam nisinno kho citto gahapati there bhikkhu etadavoca adhivasentu me bhante thera svatanaya bhattanti . adhivasesum kho thera bhikkhu tunhibhavena . atha kho citto gahapati theranam bhikkhunam adhivasanam viditva utthayasana there bhikkhu abhivadetva padakkhinam katva pakkami. [542] Atha kho thera bhikkhu tassa rattiya accayena pubbanhasamayam nivasetva pattacivaramadaya yena cittassa gahapatino nivesanam tenupasankamimsu upasankamitva pannatte asane nisidimsu . atha kho citto gahapati yena thera bhikkhu tenupasankami upasankamitva there bhikkhu abhivadetva ekamantam nisidi . ekamantam nisinno kho citto gahapati ayasmantam theram etadavoca dhatunanattam dhatunanattanti bhante thera vuccati kittavata nu kho bhante dhatunanattam vuttam bhagavatati. [543] Evam vutte ayasma thero tunhi ahosi . Dutiyampi kho citto gahapati ayasmantam theram etadavoca dhatunanattam dhatunanattanti bhante thera vuccati kittavata nu kho bhante dhatunanattam vuttam bhagavatati . dutiyampi kho ayasma thero tunhi ahosi . Tatiyampi kho citto gahapati ayasmantam theram etadavoca dhatunanattam dhatunanattanti bhante thera vuccati kittavata nu kho bhante dhatunanattam vuttam bhagavatati. Tatiyampi kho ayasma thero tunhi ahosi. [544] Tena kho pana samayena ayasma isidatto tasmim bhikkhusanghe sabbanavako hoti . atha kho ayasma isidatto ayasmantam theram etadavoca byakaromaham bhante thera cittassa gahapatino etam panhanti . byakarohi tvam ^[1]- isidatta cittassa gahapatino etam panhanti . evam hi tvam gahapati pucchasi dhatunanattam dhatunanattanti bhante thera vuccati kittavata nu kho bhante dhatunanattam vuttam bhagavatati . evam bhante . idam kho gahapati dhatunanattam vuttam bhagavata . cakkhudhatu rupadhatu cakkhuvinnanadhatu .pe. manodhatu dhammadhatu manovinnanadhatu . Ettavata kho gahapati dhatunanattam vuttam bhagavatati. [545] Atha kho citto gahapati ayasmato isidattassa bhasitam abhinanditva anumoditva there bhikkhu panitena khadaniyena bhojaniyena sahattha santappesi sampavaresi . atha kho thera bhikkhu bhuttavino onitapattapanino utthayasana pakkamimsu . atha kho ayasma thero ayasmantam isidattam etadavoca sadhu kho tvam avuso isidatta eso panho patibhasi neso panho mam patibhasi tenahavuso isidatta yada annathapi evarupo panho agaccheyya tannevettha patibhaseyyasiti ^2-. Dutiyam.

The Pali Tipitaka in Roman Character Volume 18 page 349-351. https://84000.org/tipitaka/read/roman_read.php?B=18&A=7102&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=7102&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=541&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=258 Study Atthakatha :- https://84000.org/tipitaka/attha/attha.php?b=18&i=541 The Pali Atthakatha in Thai :- https://84000.org/tipitaka/atthapali/read_th.php?B=13&A=3335 The Pali Atthakatha in Roman :- https://84000.org/tipitaka/atthapali/read_rm.php?B=13&A=3335 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18