ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.

     [649]   Ekam   samayam   bhagava   koliyesu   viharati  uttarannama
koliyanam   nigamo   .   atha   kho   pataliyo   gamani   yena  bhagava
tenupasankami     upasankamitva     bhagavantam    abhivadetva    ekamantam
nisidi    .    ekamantam   nisinno   kho   pataliyo   gamani   bhagavantam
etadavoca   sutammetam  bhante  samano  gotamo  mayam  janatiti  .  ye
te  bhante  evamahamsu  samano  gotamo  mayam  janatiti  .  kacci  te
bhante   bhagavato   vuttavadino   na  ca  bhagavantam  abhutena  abbhacikkhanti
dhammassa   canudhammam  byakaronti  na  ca  koci  sahadhammiko  vadanupato
Garayham   thanam   agacchati   .  anabbhakkhatukama  1-  hi  mayam  bhante
bhagavantanti   .   ye   te   gamani  evamahamsu  samano  gotamo  mayam
janatiti  .  vuttavadino  ceva  me  te  na ca mam abhutena abbhacikkhanti
dhammassa    canudhammam    byakaronti    na    ca    koci    sahadhammiko
vadanupato   garayham   thanam   agacchatiti   .   saccamyeva   kira  bho
mayam   tesam   samanabrahmananam   na   saddahama   samano   gotamo  mayam
janatiti  .  samano  khalu  bho  gotamo  mayaviti  .  yo nu kho gamani
evam  vadeti  aham  mayam  janamiti  .  so  evam vadeti aham mayaviti.
Tatheva   tam   bhagava  hoti  tatheva  tam  sugata  hotiti  .  tenahi  gamani
tannevettha patipucchissami. Yatha te khameyya tatha tam byakareyyasi.
     [650]  Tam  kim  mannasi  gamani  janasi  tvam  koliyanam lambaculake
bhateti   .   janamaham  bhante  koliyanam  lambaculake  bhateti  .  tam  kim
mannasi   gamani   kimatthiya   koliyanam   lambaculaka   bhatati   .   ye
ca   bhante   koliyanam  cora  te  ca  patisedhetum  yani  ca  koliyanam
duteyyani   tani   ca   pahatum   2-   etadatthiya   bhante  koliyanam
lambaculaka bhatati.
     {650.1}   Tam   kim   mannasi   gamani   janasi   tvam  koliyanam
nigame   lambaculake   bhate  silavanto  va  te  dussila  3-  vati .
Janamaham     bhante     koliyanam     lambaculake     bhate    dussile
@Footnote: 1 Ma.anabbhacikkhitukama. 2 Ma. Yu.vahatum. 3 Ma.silavante va te dussile vati.
Papadhamme   ye   ca  loke  dussila  papadhamma  koliyanam  lambaculaka
bhata   tesam   annatarati   .   yo   nu   kho  gamani  evam  vadeyya
pataliyo    gamani   janati   koliyanam   lambaculake   bhate   dussile
papadhamme    pataliyopi    gamani    dussilo    papadhammoti    samma
nu   kho   so  vadamano  vadeyyati  .  no  hetam  bhante  .  anne
bhante    koliyanam    lambaculaka    bhata   annohamasmi   annathadhamma
koliyanam   lambaculaka   bhata   annathadhammohamasmiti   .  tvam  hi  nama
gamani    lacchasi   pataliyo   gamani   janati   koliyanam   lambaculake
bhate    dussile    papadhamme   na   ca   pataliyo   gamani   dussilo
papadhammoti   tasma   1-   tathagato   na   lacchati   tathagato   mayam
janati na ca tathagato mayaviti.
     [651]   Mayancaham   gamani   pajanami   mayaya   ca   vipakam
yathapatipanno   ca  mayavi  kayassa  bheda  param  marana  apayam  duggatim
vinipatam    nirayam   upapajjati   tanca   pajanami   .   panatipatancaham
gamani    pajanami    panatipatassa   ca   vipakam   yathapatipanno   ca
panatipati   kayassa   bheda   param   marana   apayam  duggatim  vinipatam
nirayam   upapajjati   tanca   pajanami   .   adinnadanam   caham   gamani
pajanami   adinnadanassa   ca   vipakam   yathapatipanno  ca  adinnadayi
kayassa   bheda   param  marana  apayam  duggatim  vinipatam  nirayam  upapajjati
tanca    pajanami   .   kamesu   micchacarancaham   gamani   pajanami
@Footnote: 1 Ma. Yu. kasma.
Kamesu    micchacarassa    ca    vipakam   yathapatipanno   ca   kamesu
micchacari   kayassa   bheda   param   marana   apayam   duggatim  vinipatam
nirayam upapajjati tanca pajanami.
     {651.1}    Musavadancaham    gamani    pajanami   musavadassa
ca   vipakam   yathapatipanno   ca  musavadi  kayassa  bheda  param  marana
apayam    duggatim    vinipatam   nirayam   upapajjati   tanca   pajanami  .
Pisunavacam    caham    gamani    pajanami    pisunavacaya    ca   vipakam
yathapatipanno   ca   pisunavaco   kayassa   bheda   param  marana  apayam
duggatim   vinipatam   nirayam   upapajjati   tanca   pajanami   .   pharusavacam
caham   gamani   pajanami   pharusavacaya   ca   vipakam  yathapatipanno  ca
pharusavaco   kayassa   bheda   param   marana   apayam   duggatim  vinipatam
nirayam    upapajjati    tanca   pajanami   .   samphappalapancaham   gamani
pajanami   samphappalapassa   ca   vipakam   yathapatipanno  ca  samphappalapi
kayassa   bheda   param  marana  apayam  duggatim  vinipatam  nirayam  upapajjati
tanca pajanami.
     {651.2}    Abhijjhancaham    gamani    pajanami   abhijjhaya   ca
vipakam   yathapatipanno   ca   abhijjhalu   kayassa   bheda   param  marana
apayam    duggatim    vinipatam   nirayam   upapajjati   tanca   pajanami  .
Byapadapadosancaham     gamani     pajanami    byapadapadosassa    ca
vipakam    yathapatipanno    ca   byapannacitto   kayassa   bheda   param
marana   apayam   duggatim   vinipatam  nirayam  upapajjati  tanca  pajanami .
Micchaditthim    caham    gamani    pajanami   micchaditthiya   ca   vipakam
Yathapatipanno    ca    micchaditthiko    kayassa   bheda   param   marana
apayam duggatim vinipatam nirayam upapajjati tanca pajanami.
     [652]   Santi   hi   gamani  eke  samanabrahmana  evamvadino
evamditthino   yo   koci   panamatimapeti  1-  sabbo  so  ditthe  va
dhamme   dukkham   domanassam   patisamvedayati   yo   koci   adinnam  adiyati
sabbo   so   ditthe   va   dhamme   dukkham  domanassam  patisamvedayati  yo
koci   kamesu   micchacarati   sabbo   so   ditthe   va  dhamme  dukkham
domanassam    patisamvedayati    yo    koci   musa   bhanati   sabbo   so
ditthe va dhamme dukkham domanassam patisamvedayatiti.
     [653]   Dissati   kho  ca  pana  gamani  idhekacco  mali  kundali
sunhato    suvilitto    kappitakesamassu   itthikamehi   raja   manne
paricarento   .   tamenam   evamahamsu  ambho  ayam  puriso  kim  akasi
mali   kundali   sunhato  suvilitto  kappitakesamassu  itthikamehi  raja
manne   paricaretiti  .  tamenam  evamahamsu  ambho  ayam  puriso  ranno
paccatthikam    pasayha    jivita    voropeti   tassa   raja   attamano
abhiharamadasi   tenayam   puriso   mali   kundali   sunhato   suvilitto
kappitakesamassu  itthikamehi  raja  manne  paricaretiti  .  dissati  kho
gamani    idhekacco    dalhaya    rajjuya    pacchabaham   galhabandhanam
bandhitva    khuramundam   karitva   kharassarena   panavena   rathiyaya   rathiyam
singhatakena   singhatakam   parinetva   dakkhinena    dvarena  nikkhamitva
@Footnote: 1 Ma. panamatipateti. evamuparipi.
Dakkhinato   nagarassa   sisam   chijjamano   .   tamenam  evamahamsu  ambho
ayam   puriso   kim   akasi   dalhaya   rajjuya  pacchabaham  galhabandhanam
bandhitva    khuramundam   karitva   kharassarena   panavena   rathiyaya   rathiyam
singhatakena   singhatakam   parinetva   dakkhinena   dvarena   nikkhamitva
dakkhinato   nagarassa   sisam   chindatiti   .   tamenam   evamahamsu   ambho
ayam   puriso  rajaverim  itthim  va  purisam  va  jivita  voropeti  tena
nam    rajano   gahetva   evarupam   kammakaranam   karentiti   .   tam
kim   mannasi   gamani   api  nu  te  evarupam  dittham  va  sutam  vati .
Ditthanca no bhante sutanca suyyissati cati.
     [654]   Tatra   gamani   ye   te  samanabrahmana  evamvadino
evamditthino   yo   koci   panamatimapeti   sabbo   so   ditthe   va
dhamme   dukkham   domanassam   patisamvedayatiti   .   saccam  va  te  ahamsu
musa   vati  .  musa  bhante  .  ye  pana  te  tuccham  musa  vilapanti
silavanto   va  te  dussila  vati   .  dussila  bhante  .  ye  pana
te   dussila   papadhamma   micchapatipanna   va   te  sammapatipanna
vati   .   micchapatipanna   bhante   .  ye  pana  te  micchapatipanna
micchaditthika    va    te   sammaditthika   vati   .   micchaditthika
bhante   .  ye  pana  te  micchaditthika  kallam  nu  tesu  pasiditunti .
No hetam bhante.
     [655]  Dissati  kho  pana  gamani  idhekacco  mali  kundali .pe.
@Footnote: 1 Ma. evarupam kammakaranam. evamuparipi.
Itthikamehi   raja   manne   paricarento   .   tamenam   evamahamsu
ambho   ayam   puriso   kim   akasi   mali  kundali  .pe.  itthikamehi
raja   manne   paricaretiti   .   tamenam   evamahamsu   ambho   ayam
puriso   ranno   paccatthikassa   pasayha   adinnam   adiyati   1-   tassa
raja    attamano    abhiharamadasi   tenayam   puriso   mali   kundali
.pe. Itthikamehi raja manne paricaretiti.
     {655.1}   Dissati   kho   gamani   idhekacco  dalhaya  rajjuya
.pe.   dakkhinato   nagarassa   sisam   chijjamano   .  tamenam  evamahamsu
ambho   ayam   puriso   kim   akasi  dalhaya  rajjuya  .pe.  dakkhinato
nagarassa   sisam   chindatiti   .   tamenam   evamahamsu  ambho  ayam  puriso
gama   va   aranna   va   adinnam  theyyasankhatam  adiyati  tena  nam
rajano    gahetva   evarupam   kammakaranam   karentiti   .   tam   kim
mannesi   gamani   api   nu   te   evarupam  dittham  va  sutam  vati .
Ditthanca no bhante sutanca suyyissati cati.
     [656]   Tatra   gamani   ye   te  samanabrahmana  evamvadino
evamditthino   yo   koci   adinnam   adiyati   sabbo   so  ditthe  va
dhamme   dukkham   domanassam   patisamvedayatiti   .   saccam  va  te  ahamsu
musa vati .pe. Kallam nu tesu pasiditunti. No hetam bhante.
     [657]   Dissati   kho   pana   gamani   idhekacco  mali  kundali
.pe.    itthikamehi    raja    manne   paricarento   .   tamenam
@Footnote: 1 Ma. Yu. ratanam ahasi.
Evamahamsu   ambho   ayam   puriso   kim   akasi   mali  kundali  .pe.
Itthikamehi    raja   manne   paricaretiti   .   tamenam   evamahamsu
ambho    ayam    puriso    ranno    paccatthikassa    daresu   carittam
apajji    tassa   raja   attamano   abhiharamadasi   tenayam   puriso
mali kundali .pe. Itthikamehi raja manne paricaretiti.
     {657.1}   Dissati   kho   gamani   idhekacco  dalhaya  rajjuya
.pe.   dakkhinato   nagarassa   sisam   chijjamano   .  tamenam  evamahamsu
ambho   ayam   puriso   kim   akasi  dalhaya  rajjuya  .pe.  dakkhinato
nagarassa   sisam   chindatiti   .   tamenam   evamahamsu  ambho  ayam  puriso
kulitthisu   kulakumarisu   carittam   apajji  tena  nam  rajano  gahetva
evarupam  kammakaranam  karentiti  .  tam  kim  mannesi  gamani  api  nu  te
evarupam   dittham   va   sutam   vati   .  ditthanca  no  bhante  sutam  ca
suyyissati cati.
     [658]   Tatra   gamani   ye   te  samanabrahmana  evamvadino
evamditthino   yokoci   kamesu   micchacarati   sabbo   so  ditthe  va
dhamme   dukkham   domanassam   patisamvedayatiti   .   saccam  va  te  ahamsu
musa vati .pe. Kallam nu tesu pasiditunti. No hetam bhante.
     [659]   Dissati   kho   pana   gamani   idhekacco  mali  kundali
sunhato      suvilitto     kappitakesamassu     itthikamehi     raja
manne   paricarento   .   tamenam  evamahamsu  ambho  ayam  puriso  kim
Akasi     mali     kundali    sunhato    suvilitto    kappitakesamassu
itthikamehi   raja  manne  paricaretiti  .  tamenam  evamahamsu  ambho
ayam   puriso   rajanam   musavadena   haseti  tassa  raja  attamano
abhiharamadasi   tenayam   puriso   mali   kundali   sunhato   suvilitto
kappitakesamassu itthikamehi raja manne paricaretiti.
     {659.1}   Dissati   kho   gamani   idhekacco  dalhaya  rajjuya
pacchabaham       galhabandhanam      bandhitva      khuramundam      katva
kharassarena     panavena    rathiyaya    rathiyam    singhatakena    singhatakam
parinetva      dakkhinena      dvarena      nikkhamitva     dakkhinato
nagarassa    sisam    chijjamano   .   tamenam   evamahamsu   ambho   ayam
puriso    kim    akasi    dalhaya   rajjuya   pacchabaham   galhabandhanam
bandhitva     khuramundam     karitva    kharassarena    panavena    rathiyaya
rathiyam    singhatakena    singhatakam    parinetva    dakkhinena   dvarena
nikkhamitva     dakkhinato    nagarassa    sisam    chindatiti    .    tamenam
evamahamsu    ambho    ayam    puriso   gahapatissa   va   gahapatiputtassa
va    musavadena    attham   bhanji   tena   nam   rajano   gahetva
evarupam    kammakaranam    karentiti    .    tam    kim   mannasi   gamani
api   nu   te   evarupam   dittham   va   sutam   vati  .  ditthanca  no
bhante sutanca suyyissati cati.
     [660]   Tatra   gamani   ye   te  samanabrahmana  evamvadino
evamditthino   yo   koci   musa  bhanati  sabbo  so  ditthe  va  dhamme
dukkham    domanassam    patisamvedayatiti    .    saccam   va   te   ahamsu
Musa   vati  .  musa  bhante  .  ye  pana  te  tuccham  musa  vilapanti
silavanto   va   te  dussila  vati  .  dussila  bhante  .  ye  pana
te   dussila   papadhamma   micchapatipanna   va   te  sammapatipanna
vati   .   micchapatipanna   bhante   .  ye  pana  te  micchapatipanna
micchaditthika    va    te   sammaditthika   vati   .   micchaditthika
bhante   .  ye  pana  te  micchaditthika  kallam  nu  tesu  pasiditunti .
No   hetam   bhante   .   acchariyam   bhante  abbhutam  bhante  atthi  me
bhante    avasathagaram    tattha    atthi   mancakani   atthi   asanani
atthi   udakamaniko   atthi   telappadipo   .   tattha   yo  samano  va
brahmano va vasam upeti tenaham yathasatti yathabalam samvibhajami.
     [661]   Bhutapubbam   bhante   cattaro   sattharo   nanaditthika
nanakhantika   nanarucika   tasmim   avasathagare  vasam  upagacchimsu .
Eko   sattha   evamvadi   evamditthi   natthi  dinnam  natthi  yittham  natthi
hutam    natthi    sukatadukkatanam    kammanam   phalam   vipako   natthi   ayam
loko    natthi   paro   loko   natthi   mata   natthi   pita   natthi
satta    opapatika    natthi    loke    samanabrahmana   sammaggata
sammapatipanna    ye   imanca   lokam   paranca   lokam   sayam   abhinna
sacchikatva pavedentiti.
     [662]   Eko   sattha  evamvadi  evamditthi  atthi  dinnam  atthi
yittham    atthi    hutam   atthi   sukatadukkatanam   kammanam   phalam   vipako
Atthi   ayam   loko   atthi   paro   loko  atthi  mata  atthi  pita
atthi     satta     opapatika     atthi    loke    samanabrahmana
sammaggata    sammapatipanna    ye    imanca    lokam   paranca   lokam
sayam abhinna sacchikatva pavedentiti.
     [663]   Eko   sattha  evamvadi  evamditthi  karoto  karayato
chindato   chedapayato   pacato   pacayato  1-  socato  socayato  2-
kilamato   kilamayato   3-   phandato   phandapayato  panamatimapayato  4-
adinnam   adiyato  sandhim  chindato  nillopam  harato  ekagarikam  karoto
paripanthe   titthato  paradaram  gacchato  musa  bhanato  karoto  na  kariyati
papam  khurapariyantena  cepi  cakkena  yo  imissa  pathaviya  pane  ekam
mamsakhalam   ekam  mamsapunjam  kareyya  natthi  tatonidanam  papam  natthi  papassa
agamo   .  dakkhinam  cepi  gangaya  tiram  gaccheyya  hananto  ghatento
chindanto   chedapento   pacanto   pacento   5-  natthi  tatonidanam
papam  natthi  papassa  agamo  .  uttaram  cepi  gangaya  tiram  gaccheyya
dadanto    dapento   yajanto   yajento   6-   natthi   tatonidanam
punnam    natthi    punnassa    agamo   .   danena   damena   samyamena
saccavajjena natthi punnam natthi punnassa agamoti.
     [664]   Eko   sattha  evamvadi  evamditthi  karoto  karayato
chindato   chedapayato   pacato   pacayato   socato  socayato  kilamato
kilamayato   phandato   phandapayato   panamatimapayato   adinnam   adiyato
@Footnote: 1 Ma. pacapayato .  2 Ma. socapayato .  3 Ma. kilamapayato. 4 Ma. panamatipatayato.
@5 Ma. pacapento .  6 Ma. Yu. yajapento. evamuparipi.
Sandhim    chindato   nillopam   harato   ekagarikam   karoto   paripanthe
titthato   paradaram   gacchato   musa   bhanato   karoto   kariyati   papam
khurapariyantena   cakkena   cepi   yo   imissa   pathaviya  pane  ekam
mamsakhalam    ekam   mamsapunjam   kareyya   atthi   tatonidanam   papam   atthi
papassa   agamo   .   dakkhinam  cepi  gangaya  tiram  gaccheyya  hananto
ghatento    chindanto    chedapento    pacanto   pacento   atthi
tatonidanam    papam    atthi    papassa   agamo   .   uttaram   cepi
gangaya   tiram   gaccheyya   dadanto   dapento   yajanto   yajento
atthi    tatonidanam    punnam   atthi   punnassa   agamo   .   danena
damena    samyamena    saccavajjena    atthi    punnam    atthi    punnassa
agamoti.
     {664.1}   Tassa   mayham  bhante  ahudeva  kankha  ahu  vicikiccha
ko   su   nama   imesam   bhavatam   samanabrahmananam   saccam   aha  ko
musati   .   alam   hi   te   gamani  kankhitum  alam  vicikicchitum  kankhaniye
ca   pana   [1]-   thane   vicikiccha   uppannati  .  evam  pasannaham
bhante   bhagavati   pahoti   me   bhagava   tatha   dhammam  desetum  yathaham
imam kankhadhammam pajaheyyanti.
     [665]   Atthi   gamani   dhammasamadhi  tatra  ce  tvam  cittasamadhim
patilabheyyasi   evam   tvam  imam  kankhadhammam  pajaheyyasi  .  katamo  ca
gamani   dhammasamadhi   .   idha  gamani  ariyasavako  panatipatam  pahaya
panatipata    pativirato   hoti   adinnadanam   pahaya   adinnadana
@Footnote: 1 Ma. Yu. te.
Pativirato   hoti   kamesu   micchacaram   pahaya   kamesu  micchacara
pativirato    hoti    musavadam   pahaya   musavada   pativirato   hoti
pisunam   vacam   pahaya   pisunaya   vacaya  pativirato  hoti  pharusam  vacam
pahaya    pharusaya    vacaya   pativirato   hoti   samphappalapam   pahaya
samphappalapa     pativirato     hoti    abhijjham    pahaya    anabhijjhalu
hoti      byapadapadosam      pahaya      abyapannacitto      hoti
micchaditthim pahaya sammaditthiko hoti.
     [666]   Sakho   so   gamani   ariyasavako   evam  vigatabhijjho
vigatabyapado    asammulho    sampajano   patissato   mettasahagatena
cetasa  ekam  disam  pharitva  viharati  .  tatha  dutiyam  .  tatha  tatiyam.
Tatha    catuttham    .    iti   uddhamadho   tiriyam   sabbadhi   sabbattataya
sabbavantam    lokam    mettasahagatena   cetasa   vipulena   mahaggatena
appamanena     averena     abyapajjhena    pharitva    viharati   .
So    iti    patisancikkhati    yvayam    sattha    evamvadi   evamditthi
natthi    dinnam    natthi    yittham    natthi    hutam   natthi   sukatadukkatanam
kammanam   phalam   vipako   natthi  ayam  loko  natthi  paro  loko  natthi
mata    natthi    pita   natthi   satta   opapatika   natthi   loke
samanabrahmana    sammaggata    sammapatipanna    ye    imanca   lokam
paranca    lokam   sayam   abhinna   sacchikatva   pavedentiti   .   sace
tassa   bhoto   satthuno   saccam   vacanam   apannakataya   mayham  yoham  na
Kinci   byabadhemi   1-  tasam  va  thavaram  va  ubhayamettha  kataggaho
yam   camhi   kayena   samvuto   vacaya   samvuto   manasa  samvuto  yanca
kayassa   bheda   param   marana   sugatim  saggam  lokam  upapajjissamiti .
Tassa   pamujjam   jayati   pamuditassa   piti   jayati   pitimanassa   kayo
passambhati   passaddhakayo   sukham   vedayati   sukhino   cittam  samadhiyati .
Ayam    kho   gamani   dhammasamadhi   .   tatra   ce   tvam   cittasamadhim
patilabheyyasi evam tvam imam kankhadhammam pajaheyyasi.
     [667]   Sakho   so   gamani   ariyasavako   evam  vigatabhijjho
vigatabyapado         asammulho        sampajano        patissato
mettasahagatena   cetasa   ekam   disam   pharitva   viharati   .   tatha
dutiyam   .   tatha   tatiyam   .   tatha  catuttham  .  iti  uddhamadho  tiriyam
sabbadhi    sabbattataya    sabbavantam   lokam   mettasahagatena   cetasa
vipulena   mahaggatena   appamanena   averena   abyapajjhena   pharitva
viharati    .    so    iti   patisancikkhati   yvayam   sattha   evamvadi
evamditthi   atthi   dinnam   atthi   yittham  atthi  hutam  atthi  sukatadukkatanam
kammanam   phalam   vipako   atthi  ayam  loko  atthi  paro  loko  atthi
mata    atthi    pita   atthi   satta   opapatika   atthi   loke
samanabrahmana    sammaggata    sammapatipanna    ye    imanca   lokam
paranca    lokam   sayam   abhinna   sacchikatva   pavedentiti   .   sace
@Footnote: 1 byapadhemi itipi.
Tassa   bhoto   satthuno   saccam   vacanam   apannakataya   mayham  yoham  na
kinci   byabadhemi   tasam   va   thavaram   va   ubhayamettha  kataggaho
yancamhi   kayena   samvuto   vacaya   samvuto   manasa   samvuto   yanca
kayassa   bheda   param   marana   sugatim  saggam  lokam  upapajjissamiti .
Tassa   pamujjam   jayati   pamuditassa   piti   jayati   pitimanassa   kayo
passambhati   passaddhakayo   sukham   vedayati   sukhino   cittam  samadhiyati .
Ayam    kho   gamani   dhammasamadhi   .   tatra   ce   tvam   cittasamadhim
patilabheyyasi evam tvam imam kankhadhammam pajaheyyasi.
     [668]   Sakho   so   gamani   ariyasavako   evam  vigatabhijjho
vigatabyapado    asammulho    sampajano   patissato   mettasahagatena
cetasa  ekam  disam  pharitva  viharati  .  tatha  dutiyam  .  tatha  tatiyam.
Tatha    catuttham    .    iti   uddhamadho   tiriyam   sabbadhi   sabbattataya
sabbavantam    lokam    mettasahagatena   cetasa   vipulena   mahaggatena
appamanena   averena   abyapajjhena   pharitva   viharati  .  so  iti
patisancikkhati   yvayam   sattha   evamvadi   evamditthi  karoto  karayato
chindato   chedapayato   pacato   pacayato   socato  socayato  kilamato
kilamayato   phandato   phandapayato   panamatimapayato   adinnam   adiyato
sandhim    chindato   nillopam   harato   ekagarikam   karoto   paripanthe
titthato   paradaram   gacchato   musa   bhanato  karoto  na  kariyati  papam
khurapariyantena   cepi   cakkena   yo   imissa   pathaviya  pane  ekam
Mamsakhalam    ekam   mamsapunjam   kareyya   natthi   tatonidanam   papam   natthi
papassa agamo.
     {668.1}   Dakkhinam   cepi   gangaya   tiram   gaccheyya   hananto
ghatento    chindanto    chedapento    pacanto   pacento   natthi
tatonidanam   papam   natthi   papassa  agamo  .  uttaram  cepi  gangaya
tiram    gaccheyya    dadanto   dapento   yajanto   yajento   natthi
tatonidanam    punnam    natthi    punnassa    agamo    danena   damena
samyamena   saccavajjena   natthi   punnam   natthi   punnassa   agamoti  .
Sace   tassa   bhoto   satthuno  saccam  vacanam  apannakataya  mayham  yvaham
na   kinci   byabadhemi   tasam  va  thavaram  va  ubhayamettha  kataggaho
yancamhi   kayena   samvuto   vacaya   samvuto   manasa   samvuto   yanca
kayassa   bheda   param   marana   sugatim  saggam  lokam  upapajjissamiti .
Tassa   pamujjam   jayati   pamuditassa   piti   jayati   pitimanassa   kayo
passambhati   passaddhakayo   sukham   vedayati   sukhino   cittam  samadhiyati .
Ayam  kho  gamani  dhammasamadhi  .  tatra  ce  tvam cittasamadhim patilabheyyasi
evam tvam imam kankhadhammam pajaheyyasi.
     [669]   Sakho   so   gamani   ariyasavako   evam  vigatabhijjho
vigatabyapado    asammulho    sampajano   patissato   mettasahagatena
cetasa  ekam  disam  pharitva  viharati  .  tatha  dutiyam  .  tatha  tatiyam.
Tatha    catuttham    .    iti   uddhamadho   tiriyam   sabbadhi   sabbattataya
sabbavantam    lokam    mettasahagatena   cetasa   vipulena   mahaggatena
Appamanena   averena   abyapajjhena   pharitva   viharati  .  so  iti
patisancikkhati   yvayam   sattha   evamvadi   evamditthi  karoto  karayato
chindato   chedapayato   pacato   pacayato   socato  socayato  kilamato
kilamayato   phandato   phandapayato   panamatimapayato   adinnam   adiyato
sandhim    chindato   nillopam   harato   ekagarikam   karoto   paripanthe
titthato   paradaram   gacchato   musa   bhanato   karoto   kariyati   papam
khurapariyantena   cepi   cakkena   yo   imissa   pathaviya  pane  ekam
mamsakhalam    ekam   mamsapunjam   kareyya   atthi   tatonidanam   papam   atthi
papassa agamo.
     {669.1}   Dakkhinam   cepi   gangaya   tiram   gaccheyya   hananto
ghatento    chindanto    chedapento    pacanto   pacento   atthi
tatonidanam   papam   atthi   papassa  agamo  .  uttaram  cepi  gangaya
tiram    gaccheyya    dadanto   dapento   yajanto   yajento   atthi
tatonidanam    punnam    atthi    punnassa    agamo    danena   damena
samyamena   saccavajjena   atthi   punnam   atthi   punnassa   agamoti  .
Sace    tassa    bhoto   satthuno   saccam   vacanam   apannakataya   mayham
yvaham   na   kinci   byabadhemi   tasam   va   thavaram  va  ubhayamettha
kataggaho    yancamhi    kayena    samvuto   vacaya   samvuto   manasa
samvuto   yanca   kayassa   bheda   param   marana   sugatim   saggam   lokam
upapajjissamiti   .   tassa   pamujjam   jayati   pamuditassa   piti  jayati
pitimanassa    kayo   passambhati   passaddhakayo   sukham   vedayati   sukhino
Cittam   samadhiyati   .  ayam  kho  gamani  dhammasamadhi  .  tatra  ce  tvam
cittasamadhim patilabheyyasi evam tvam imam kankhadhammam pajaheyyasi.
     [670]   Sakho   so   gamani   ariyasavako   evam  vigatabhijjho
vigatabyapado    asammulho    sampajano    patissato   karunasahagatena
cetasa   ekam   disam   pharitva   viharati   .   muditasahagatena  cetasa
ekam   disam   pharitva  viharati  .  sakho  so  gamani  ariyasavako  evam
vigatabhijjho     vigatabyapado    asammulho    sampajano    patissato
upekkhasahagatena   cetasa   ekam   disam   pharitva   viharati   .  tatha
dutiyam   .   tatha   tatiyam   .   tatha  catuttham  .  iti  uddhamadho  tiriyam
sabbadhi    sabbattataya   sabbavantam   lokam   upekkhasahagatena   cetasa
vipulena   mahaggatena   appamanena   averena   abyapajjhena   pharitva
viharati   .   so  iti  patisancikkhati  yvaham  sattha  evamvadi  evamditthi
natthi    dinnam    natthi    yittham    natthi    hutam   natthi   sukatadukkatanam
kammanam   phalam   vipako   natthi   ayam   loko   natthi   paro   loko
natthi    mata    natthi    pita   natthi   satta   opapatika   natthi
loke    samanabrahmana    sammaggata    sammapatipanna   ye   imanca
lokam paranca lokam sayam abhinna sacchikatva pavedentiti.
     {670.1}  Sace  tassa  bhoto  satthuno  saccam  vacanam  apannakataya
mayham   yvaham  na  kinci  byabadhemi  tasam  va  thavaram  va  ubhayamettha
kataggaho    yancamhi    kayena    samvuto   vacaya   samvuto   manasa
Samvuto   yanca   kayassa   bheda   param   marana   sugatim   saggam   lokam
upapajjissamiti   .   tassa   pamujjam   jayati   pamuditassa   piti  jayati
pitimanassa    kayo   passambhati   passaddhakayo   sukham   vedayati   sukhino
cittam   samadhiyati   .  ayam  kho  gamani  dhammasamadhi  .  tatra  ce  tvam
cittasamadhim patilabheyyasi evam tvam imam kankhadhammam pajaheyyasi.
     [671]   Sakho   kho   gamani   ariyasavako   evam  vigatabhijjho
vigatabyapado    asammulho   sampajano   patissato   upekkhasahagatena
cetasa  ekam  disam  pharitva  viharati  .  tatha dutiyam. Tatha tatiyam. Tatha
catuttham   .   iti   uddhamadho   tiriyam   sabbadhi   sabbattataya  sabbavantam
lokam   upekkhasahagatena   cetasa   vipulena   mahaggatena   appamanena
averena   abyapajjhena   pharitva   viharati   .  so  iti  patisancikkhati
yvayam   sattha   evamvadi   evamditthi   atthi  dinnam  atthi  yittham  atthi
hutam   atthi   sukatadukkatanam   kammanam   phalam  vipako  atthi  ayam  loko
atthi  paro  loko  atthi  mata  atthi  pita  atthi  satta opapatika
atthi    loke    samanabrahmana    sammaggata    sammapatipanna   ye
imanca   lokam   paranca  lokam  sayam  abhinna  sacchikatva  pavedentiti .
Sace   tassa   bhoto   satthuno  saccam  vacanam  apannakataya  mayham  yvaham
na   kinci   byabadhemi   tasam  va  thavaram  va  ubhayamettha  kataggaho
yancamhi   kayena   samvuto   vacaya   samvuto   manasa   samvuto   yanca
Kayassa   bheda   param   marana   sugatim  saggam  lokam  upapajjissamiti .
Tassa   pamujjam   jayati   pamuditassa   piti   jayati   pitimanassa   kayo
passambhati   passaddhakayo   sukham   vedayati   sukhino   cittam  samadhiyati .
Ayam    kho   gamani   dhammasamadhi   .   tatra   ce   tvam   cittasamadhim
patilabheyyasi evam tvam imam kankhadhammam pajaheyyasi.
     [672]   Sakho   so   gamani   ariyasavako   evam  vigatabhijjho
vigatabyapado    asammulho   sampajano   patissato   upekkhasahagatena
cetasa  ekam  disam  pharitva  viharati  .  tatha  dutiyam  .  tatha  tatiyam.
Tatha    catuttham    .    iti   uddhamadho   tiriyam   sabbadhi   sabbattataya
sabbavantam    lokam   upekkhasahagatena   cetasa   vipulena   mahaggatena
appamanena   averena   abyapajjhena   pharitva   viharati  .  so  iti
patisancikkhati   yvayam   sattha   evamvadi   evamditthi  karoto  karayato
chindato   chedapayato   pacato   pacayato   socato  socayato  kilamato
kilamayato   phandato   phandapayato   panamatimapayato   adinnam   adiyato
sandhim    chindato   nillopam   harato   ekagarikam   karoto   paripanthe
titthato   paradaram   gacchato   musa   bhanato  karoto  na  kariyati  papam
khurapariyantena   cepi   cakkena   yo   imissa   pathaviya  pane  ekam
mamsakhalam    ekam   mamsapunjam   kareyya   natthi   tatonidanam   papam   natthi
papassa agamo.
     {672.1}   Dakkhinam   cepi   gangaya   tiram   gaccheyya   hananto
ghatento    chindanto    chedapento    pacanto   pacento   natthi
Tatonidanam    papam    natthi    papassa   agamo   .   uttaram   cepi
gangaya   tiram   gaccheyya   dadanto   dapento   yajanto   yajento
natthi    tatonidanam    punnam    natthi    punnassa    agamo    danena
damena    samyamena    saccavajjena    natthi    punnam    natthi    punnassa
agamoti   .   sace   tassa  bhoto  satthuno  saccam  vacanam  apannakataya
mayham   yvaham  na  kinci  byabadhemi  tasam  va  thavaram  va  ubhayamettha
kataggaho    yancamhi    kayena    samvuto   vacaya   samvuto   manasa
samvuto   yanca   kayassa   bheda   param   marana   sugatim   saggam   lokam
upapajjissamiti    .    tassa    pamujjam    jayati    pamuditassa    piti
jayati    pitimanassa   kayo   passambhati   passaddhakayo   sukham   vedayati
sukhino   cittam   samadhiyati   .   ayam  kho  gamani  dhammasamadhi  .  tatra
ce   tvam   cittasamadhim   patilabheyyasi   evam   tvam   imam   kankhadhammam
pajaheyyasi.
     [673]   Sakho   so   gamani   ariyasavako   evam  vigatabhijjho
vigatabyapado    asammulho   sampajano   patissato   upekkhasahagatena
cetasa  ekam  disam  pharitva  viharati  .  tatha  dutiyam  .  tatha  tatiyam.
Tatha    catuttham    .    iti   uddhamadho   tiriyam   sabbadhi   sabbattataya
sabbavantam    lokam   upekkhasahagatena   cetasa   vipulena   mahaggatena
appamanena   averena   abyapajjhena   pharitva   viharati  .  so  iti
patisancikkhati   yvayam   sattha   evamvadi   evamditthi  karoto  karayato
Chindato   chedapayayo   pacato   pacayato   socato  socayato  kilamato
kilamayato   phandato   phandapayato   panamatimapayato   adinnam   adiyato
sandhim    chindato   nillopam   harato   ekagarikam   karoto   paripanthe
titthato   paradaram   gacchato   musa   bhanato   karoto   kariyati   papam
khurapariyantena   cepi   cakkena   yo   imissa   pathaviya  pane  ekam
mamsakhalam    ekam   mamsapunjam   kareyya   atthi   tatonidanam   papam   atthi
papassa agamo.
     {673.1}   Dakkhinam   cepi   gangaya   tiram   gaccheyya   hananto
ghatento    chindanto    chedapento    pacanto   pacento   atthi
tatonidanam   papam   atthi   papassa  agamo  .  uttaram  cepi  gangaya
tiram    gaccheyya    dadanto   dapento   yajanto   yajento   atthi
tatonidanam    punnam    atthi    punnassa    agamo    danena   damena
samyamena   saccavajjena   atthi   punnam   atthi   punnassa   agamoti  .
Sace    tassa    bhoto   satthuno   saccam   vacanam   apannakataya   mayham
yvaham   na   kinci   byabadhemi   tasam   va   thavaram  va  ubhayamettha
kataggaho    yancamhi    kayena    samvuto   vacaya   samvuto   manasa
samvuto   yanca   kayassa   bheda   param   marana   sugatim   saggam   lokam
upapajjissamiti   .   tassa   pamujjam   jayati   pamuditassa   piti  jayati
pitimanassa    kayo   passambhati   passaddhakayo   sukham   vedayati   sukhino
cittam   samadhiyati   .  ayam  kho  gamani  dhammasamadhi  .  tatra  ce  tvam
cittasamadhim   patilabheyyasi  evam  tvam  imam  kankhadhammam  pajaheyyasiti .
Evam   vutte   pataliyo  gamani  bhagavantam  etadavoca  abhikkantam  bhante
abhikkantam    bhante   .pe.   ajjatagge   panupetam   saranangatanti  .
Terasamam.
                    Gamanisamyuttam samattam.
                        Tassuddanam
        candaputto 1- yodhajivo      hatthi 2- hayo ca bhumako
        desanasankha kulam maniculam        gandhabhakarasiyapataliti 3-.
                     ------------
@Footnote: 1 Ma. Yu. cando puto .  2 Ma. hatthisso asibandhako. Yu. hatthi hayo pacchabhumako.
@3 Ma. Yu. bhadrarasiyapataliti.



             The Pali Tipitaka in Roman Character Volume 18 page 418-440. https://84000.org/tipitaka/read/roman_read.php?B=18&A=8513&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=8513&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=18&item=649&items=25              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=279              Study Atthakatha :- https://84000.org/tipitaka/attha/attha.php?b=18&i=649              The Pali Atthakatha in Thai :- https://84000.org/tipitaka/atthapali/read_th.php?B=13&A=3743              The Pali Atthakatha in Roman :- https://84000.org/tipitaka/atthapali/read_rm.php?B=13&A=3743              Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]