PaliRoman Vol.19

[282] Savatthinidanam . seyyathapi bhikkhave akase vividha vata vayanti puratthimapi vata vayanti pacchimapi vata vayanti uttarapi vata vayanti dakkhinapi vata vayanti sarajapi vata vayanti arajapi vata vayanti sitapi vata vayanti unhapi vata vayanti parittapi vata vayanti adhimattapi vata vayanti . evameva kho bhikkhave bhikkhuno ariyam atthangikam maggam bhavayato ariyam atthangikam maggam bahulikaroto cattaropi satipatthana bhavanaparipurim gacchanti cattaropi sammappadhana bhavanaparipurim gacchanti cattaropi iddhipada bhavanaparipurim gacchanti pancapi indriyani bhavanaparipurim gacchanti pancapi balani bhavanaparipurim gacchanti sattapi bojjhanga bhavanaparipurim gacchanti. [283] Kathanca bhikkhave bhikkhuno ariyam atthangikam maggam bhavayato ariyam atthangikam maggam bahulikaroto cattaropi satipatthana bhavanaparipurim gacchanti cattaropi sammappadhana bhavanaparipurim gacchanti cattaropi iddhipada bhavanaparipurim gacchanti pancapi indriyani Bhavanaparipurim gacchanti pancapi balani bhavanaparipurim gacchanti sattapi bojjhanga bhavanaparipurim gacchanti . idha bhikkhave bhikkhu sammaditthim bhaveti .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho bhikkhave bhikkhuno ariyam atthangikam maggam bhavayato ariyam atthangikam maggam bahulikaroto cattaropi satipatthana bhavanaparipurim gacchanti cattaropi sammappadhana bhavanaparipurim gacchanti cattaropi iddhipada bhavanaparipurim gacchanti pancapi indriyani bhavanaparipurim gacchanti pancapi balani bhavanaparipurim gacchanti sattapi bojjhanga bhavanaparipurim gacchantiti.

The Pali Tipitaka in Roman Character Volume 19 page 74-75. https://84000.org/tipitaka/read/roman_read.php?B=19&A=1371&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=1371&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=282&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=56 Study Atthakatha :- https://84000.org/tipitaka/attha/attha.php?b=19&i=282 The Pali Atthakatha in Thai :- https://84000.org/tipitaka/atthapali/read_th.php?B=13&A=4375 The Pali Atthakatha in Roman :- https://84000.org/tipitaka/atthapali/read_rm.php?B=13&A=4375 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19