PaliRoman Vol.19

[290] Savatthinidanam . seyyathapi bhikkhave agantukagaram tattha puratthimayapi disaya agantva vasam kappenti pacchimayapi disaya agantva vasam kappenti uttarayapi disaya agantva vasam kappenti dakkhinayapi disaya agantva vasam kappenti khattiyapi agantva vasam kappenti brahmanapi agantva vasam kappenti vessapi agantva vasam kappenti suddapi agantva vasam kappenti . evameva kho bhikkhave bhikkhu ariyam atthangikam maggam bhavento ariyam atthangikam maggam bahulikaronto ye dhamma abhinna parinneyya te dhamma abhinna parijanati Ye dhamma abhinna pahatabba te dhamme abhinna pajahati ye dhamma abhinna sacchikatabba te dhamme abhinna sacchikaroti ye dhamma abhinna bhavetabba te dhamme abhinna bhaveti. [291] Katame ca bhikkhave dhamma abhinna parinneyya . Pancupadanakkhandhatissa vacaniyam . katame panca . seyyathidam . Rupupadanakkhandho .pe. vinnanupadanakkhandho . ime bhikkhave dhamma abhinna parinneyya. [292] Katame ca bhikkhave dhamma abhinna pahatabba . Avijja ca bhavatanha ca . ime bhikkhave dhamma abhinna pahatabba. [293] Katame ca bhikkhave dhamma abhinna sacchikatabba . Vijja ca vimutti ca. Ime bhikkhave dhamma abhinna sacchikatabba. [294] Katame ca bhikkhave dhamma abhinna bhavetabba. Samatho ca vipassana ca. Ime bhikkhave dhamma abhinna bhavetabba. [295] Kathanca bhikkhave bhikkhu ariyam atthangikam maggam bhavento ariyam atthangikam maggam bahulikaronto ye dhamma abhinna parinneyya te dhamme abhinna parijanati .pe. ye dhamma abhinna bhavetabba te dhamme abhinna bhaveti . idha bhikkhave bhikkhu sammaditthim bhaveti .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho bhikkhave Bhikkhu ariyam atthangikam maggam bhavento ariyam atthangikam maggam bahulikaronto ye dhamma abhinna parinneyya te dhamme abhinna parijanati ye dhamma abhinna pahatabba te dhamme abhinna pajahati ye dhamma abhinna sacchikatabba te dhamme abhinna sacchikaroti ye dhamma abhinna bhavetabba te dhamme abhinna bhavetiti.

The Pali Tipitaka in Roman Character Volume 19 page 77-79. https://84000.org/tipitaka/read/roman_read.php?B=19&A=1439&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=1439&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=290&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=60 Study Atthakatha :- https://84000.org/tipitaka/attha/attha.php?b=19&i=290 The Pali Atthakatha in Thai :- https://84000.org/tipitaka/atthapali/read_th.php?B=13&A=4388 The Pali Atthakatha in Roman :- https://84000.org/tipitaka/atthapali/read_rm.php?B=13&A=4388 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19