PaliRoman Vol.19

[573] Ekam samayam bhagava koliyesu viharati haliddavasanannama koliyanam nigamo . atha kho sambahula bhikkhu pubbanhasamayam nivasetva pattacivaramadaya haliddavasanam pindaya pavisimsu . Atha kho tesam bhikkhunam etadahosi atippago kho tava haliddavasanam pindaya caritum yannuna mayam yena annatitthiyanam paribbajakanam aramo tenupasankameyyamati. [574] Atha kho te bhikkhu yena annatitthiyanam paribbajakanam aramo tenupasankamimsu upasankamitva tehi annatitthiyehi paribbajakehi saddhim sammodimsu sammodaniyam katham saraniyam vitisaretva ekamantam nisidimsu . ekamantam nisinne kho te bhikkhu te ^1- annatitthiya paribbajaka etadavocum. [575] Samano avuso gotamo savakanam evam dhammam deseti etha tumhe bhikkhave panca nivarane pahaya cetaso upakkilese pannaya dubbalikarane mettasahagatena cetasa ekam disam pharitva viharatha tatha dutiyam . tatha tatiyam . tatha catuttham . iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharatha. [576] Karunasahagatena cetasa ekam disam pharitva viharatha tatha dutiyam . tatha tatiyam . tatha catuttham . iti uddhamadho tiriyam sabbadhi @Footnote: ¹ ma ayam patho natthi. Sabbattataya sabbavantam lokam karunasahagatena cetasa vipulena mahaggatena appamanena averena abyapajjhena pharitva viharatha. [577] Muditasahagatena cetasa ekam disam pharitva viharatha tatha dutiyam . tatha tatiyam . tatha catuttham . iti uddhamadho tiriyam sabbadhi sabbattataya sabbavantam lokam muditasahagatena cetasa vipulena mahaggatena appamanena averena abyapajjhena pharitva viharatha. [578] Upekkhasahagatena cetasa ekam disam pharitva viharatha tatha dutiyam . tatha tatiyam . tatha catuttham . iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharathati. [579] Mayampi kho avuso savakanam evam dhammam desema etha tumhe avuso panca nivarane pahaya cetaso upakkilese pannaya dubbalikarane mettasahagatena cetasa ekam disam pharitva viharatha .pe. [580] Upekkhasahagatena cetasa ekam disam pharitva viharatha tatha dutiyam . tatha tatiyam . tatha catuttham . iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharathati. [581] Idha no avuso ko viseso ko adhippayaso kinnanakaranam samanassa va gotamassa amhakam va yadidam dhammadesanaya Va dhammadesanam anusasaniya va anusasananti. [582] Atha kho te bhikkhu tesam annatitthiyanam paribbajakanam bhasitam neva abhinandimsu nappatikkosimsu anabhinanditva appatikkositva utthayasana pakkamimsu bhagavato santike etassa bhasitassa attham ajanissamati. [583] Atha kho te bhikkhu haliddavasane pindaya caritva pacchabhattam pindapatapatikkanta yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum. [584] Idha mayam bhante pubbanhasamayam nivasetva pattacivaramadaya haliddavasanam ^1- pindaya pavisimha . tesam no bhante amhakam etadahosi atippago kho tava haliddavasanam pindaya caritum yannuna mayam yena annatitthiyanam paribbajakanam aramo tenupasankameyyamati. [585] Atha kho mayam bhante yena annatitthiyanam paribbajakanam aramo tenupasankamimha upasankamitva tehi annatitthiyehi paribbajakehi saddhim sammodimha sammodaniyam katham saraniyam vitisaretva ekamantam nisidimha . ekamantam nisinne kho amhe bhante te annatitthiya paribbajaka etadavocum. [586] Samano avuso gotamo savakanam evam dhammam deseti @Footnote: ¹ Ma. Yu. haliddavasane. evamupari. Etha tumhe bhikkhave panca nivarane pahaya cetaso upakkilese pannaya dubbalikarane mettasahagatena cetasa ekam disam pharitva viharatha .pe. [587] Karunasahagatena cetasa. [588] Muditasahagatena cetasa. [589] Upekkhasahagatena cetasa ekam disam pharitva viharatha tatha dutiyam . tatha tatiyam . tatha catuttham . iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharathati. [590] Mayampi kho avuso savakanam evam dhammam desema etha tumhe avuso panca nivarane pahaya cetaso upakkilese pannaya dubbalikarane mettasahagatena cetasa ekam disam pharitva viharatha .pe. [591] Karunasahagatena cetasa. [592] Muditasahagatena cetasa. [593] Upekkhasahagatena cetasa ekam disam pharitva viharatha tatha dutiya . tatha tatiyam . tatha catuttham . iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena Pharitva viharathati. [594] Idha no avuso ko viseso ko adhippayaso kinnanakaranam samanassa va gotamassa amhakam va yadidam dhammadesanaya va dhammadesanam anusasaniya va anusasananti. [595] Atha kho mayam bhante tesam annatitthiyanam paribbajakanam bhasitam neva abhinandimha nappatikkosimha anabhinanditva appatikkositva utthayasana pakkamimha bhagavato santike etassa bhasitassa attham ajanissamati. [596] Evamvadino bhikkhave annatitthiya paribbajaka evamassu vacaniya katham bhavita panavuso metta cetovimutti kimgatika hoti kimparama kimphala kimpariyosana . katham bhavita panavuso karuna cetovimutti kimgatika hoti kimparama kimphala kimpariyosana . Katham bhavita panavuso mudita cetovimutti kimgatika hoti kimparama kimphala kimpariyosana . katham bhavita panavuso upekkha cetovimutti kimgatika hoti kimparama kimphala kimpariyosanati . Evam puttha bhikkhave annatitthiya paribbajaka na ceva sampayissanti uttarinca vighatam apajjissanti . tam kissa hetu . yatha tam bhikkhave avisayasmim . nahantam bhikkhave passami sadevake loke samarake sabrahmake sassamanabrahmaniya pajaya sadevamanussaya yo imesam panhanam veyyakaranena cittam aradheyya annatra tathagatena va Tathagatasavakena va ito va pana sutva. [597] Katham bhavita ca bhikkhave metta cetovimutti kimgatika hoti kimparama kimphala kimpariyosana . idha bhikkhave bhikkhu mettasahagatam satisambojjhangam bhaveti .pe. mettasahagatam upekkhasambojjhangam bhaveti vivekanissitam viraganissitam nirodhanissitam vossaggaparinamim . so sace akankhati appatikule patikulasanni vihareyyanti patikulasanni tattha viharati sace akankhati patikule appatikulasanni vihareyyanti appatikulasanni tattha viharati sace akankhati appatikule ca patikule ca patikulasanni vihareyyanti patikulasanni tattha viharati sace akankhati patikule ca appatikule ca appatikulasanni vihareyyanti appatikulasanni tattha viharati sace akankhati appatikulanca patikulanca tadubhayam abhinivajjetva upekkhako vihareyyam sato sampajanoti upekkhako ^[1]- tattha viharati sato sampajano subham va kho pana vimokkham upasampajja viharati . Subhaparamaham bhikkhave mettacetovimuttim vadami . idha pannassa bhikkhuno uttarivimuttim appativijjhato. [598] Katham bhavita ca bhikkhave karuna cetovimutti kimgatika hoti kimparama kimphala kimpariyosana . idha bhikkhave bhikkhu karunasahagatam satisambojjhangam bhaveti .pe. karunasahagatam upekkhasambojjhangam bhaveti vivekanissitam viraganissitam nirodhanissitam vossaggaparinamim . @Footnote: ¹ Ma. ca. So sace akankhati appatikule patikulasanni vihareyyanti patikulasanni tattha viharati .pe. sace akankhati appatikulanca patikulanca tadubhayam abhinivajjetva upekkhako vihareyyam sato sampajanoti upekkhako tattha viharati sato sampajano sabbaso va pana rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharati . akasanancayatanaparamaham bhikkhave karunacetovimuttim vadami . idha pannassa bhikkhuno uttarivimuttim appativijjhato. [599] Katham bhavita ca bhikkhave muditacetovimutti kimgatika hoti kimparama kimphala kimpariyosana . idha bhikkhave bhikkhu muditasahagatam satisambojjhangam bhaveti .pe. muditasahagatam upekkhasambojjhangam bhaveti vivekanissitam viraganissitam nirodhanissitam vossaggaparinamim . so sace akankhati appatikule patikulasanni vihareyyanti patikulasanni tattha viharati .pe. sace akankhati appatikulanca patikulanca tadubhayam abhinivajjetva upekkhako vihareyyam sato sampajanoti upekkhako tattha viharati sato sampajano sabbaso va pana akasanancayatanam samatikkamma anantam vinnananti vinnanancayatanam upasampajja viharati . Vinnanancayatanaparamaham bhikkhave muditacetovimuttim vadami. Idha pannassa bhikkhuno uttarivimuttim appativijjhato. [600] Katham bhavita ca bhikkhave upekkhacetovimutti kimgatika hoti kimparama kimphala kimpariyosana . idha bhikkhave bhikkhu upekkhasahagatam satisambojjhangam bhaveti .pe. upekkhasahagatam upekkhasambojjhangam bhaveti vivekanissitam viraganissitam nirodhanissitam vossaggaparinamim . so sace akankhati appatikule patikulasanni vihareyyanti patikulasanni tattha viharati sace akankhati patikule appatikulasanni vihareyyanti appatikulasanni tattha viharati sace akankhati appatikule ca patikule ca patikulasanni vihareyyanti patikulasanni tattha viharati sace akankhati patikule ca appatikule ca appatikulasanni vihareyyanti appatikulasanna tattha viharati sace akankhati appatikulanca patikulanca tadubhayam abhinivajjetva upekkhako vihareyyam sato sampajanoti upekkhako tattha viharati sato sampajano sabbaso va pana vinnanancayatanam samatikkamma natthi kinciti akincannayatanam upasampajja viharati . akincannayatanaparamaham bhikkhave upekkhacetovimuttim vadami . idha pannassa bhikkhuno uttarivimuttim appativijjhatoti.

The Pali Tipitaka in Roman Character Volume 19 page 159-166. https://84000.org/tipitaka/read/roman_read.php?B=19&A=3037&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=3037&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=573&items=28 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=126 Study Atthakatha :- https://84000.org/tipitaka/attha/attha.php?b=19&i=573 The Pali Atthakatha in Thai :- https://84000.org/tipitaka/atthapali/read_th.php?B=13&A=5239 The Pali Atthakatha in Roman :- https://84000.org/tipitaka/atthapali/read_rm.php?B=13&A=5239 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19