PaliRoman Vol.19

[685] Ekam samayam bhagava savatthiyam viharati jetavane anathapindikassa arame . atha kho annataro bhikkhu yena bhagava tenupasankami upasankamitva bhagavantam abhivadetva ekamantam nisidi. Ekamantam nisinno kho so bhikkhu bhagavantam etadavoca. [686] Sadhu me bhante bhagava sankhittena dhammam desetu yamaham bhagavato dhammam sutva eko vupakattho appamatto atapi pahitatto vihareyyanti . evameva panidhekacce moghapurisa manneva ^1- ajjhesanti dhamme ca bhasite mameva anubandhitabbam mannantiti . Desetu me bhante bhagava sankhittena dhammam desetu sugato sankhittena dhammam appeva namaham bhagavato bhasitassa attham ajaneyyam ^2- appeva namaham bhagavato bhasitassa dayado assanti. [687] Tasma tiha tvam bhikkhu adimeva visodhehi kusalesu dhammesu . ko cadi kusalanam dhammanam . silam ca suvisuddham ditthi ca ujuka . yato kho te bhikkhu silam ca suvisuddham bhavissati ditthi ca ujuka . tato tvam bhikkhu silam nissaya sile patitthaya cattaro satipatthane tividhena bhaveyyasi. Katame cattaro. [688] Idha tvam bhikkhu ajjhattam va kaye kayanupassi viharahi atapi sampajano satima vineyya loke abhijjhadomanassam . Bahiddha va kaye kayanupassi viharahi atapi sampajano satima vineyya loke abhijjhadomanassam . ajjhattabahiddha @Footnote: ¹ Ma. Yu. manceva. ² Ma. Yu. janeyyam. Va kaye kayanupassi viharahi atapi sampajano satima vineyya loke abhijjhadomanassam . ajjhattam va vedanasu . Bahiddha va vedanasu . ajjhattabahiddha va vedanasu vedananupassi viharahi atapi sampajano satima vineyya loke abhijjhadomanassam. Ajjhattam va citte . bahiddha va citte . ajjhattabahiddha va citte cittanupassi viharahi atapi sampajano satima vineyya loke abhijjhadomanassam . ajjhattam va dhammesu . Bahiddha va dhammesu . ajjhattabahiddha va dhammesu dhammanupassi viharahi atapi sampajano satima vineyya loke abhijjhadomanassam. [689] Yato kho tvam bhikkhu silam nissaya sile patitthaya ime cattaro satipatthane evam tividhena bhavessasi . tato tuyham bhikkhu ya ratti va divaso va agamissati vuddhiyeva patikankha kusalesu dhammesu no parihaniti. [690] Atha kho so bhikkhu bhagavato bhasitam abhinanditva anumoditva utthayasana bhagavantam abhivadetva padakkhinam katva pakkami . atha kho so bhikkhu eko vupakattho appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja Viharati khina jati vusitam brahmacariyam katam karaniyam naparam itthattayati abbhannasi . annataro ca pana so bhikkhu arahatam ahositi.

The Pali Tipitaka in Roman Character Volume 19 page 192-194. https://84000.org/tipitaka/read/roman_read.php?B=19&A=3692&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=3692&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=685&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=133 Study Atthakatha :- https://84000.org/tipitaka/attha/attha.php?b=19&i=685 The Pali Atthakatha in Thai :- https://84000.org/tipitaka/atthapali/read_th.php?B=13&A=5936 The Pali Atthakatha in Roman :- https://84000.org/tipitaka/atthapali/read_rm.php?B=13&A=5936 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19