บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[1327] Anapanassatisamadhi bhikkhave bhavito bahulikato mahapphalo hoti mahanisamso. [1328] Katham bhavito ca bhikkhave anapanassatisamadhi katham bahulikato mahapphalo hoti mahanisamso . idha bhikkhave bhikkhu arannagato va rukkhamulagato va sunnagaragato va nisidati pallankam abhujitva Ujum kayam panidhaya parimukham satim upatthapetva . so satova assasati sato passasati . digham va assasanto digham assasamiti pajanati (vittharetabba yava patinissagganupassi assasissamiti sikkhati patinissagganupassi passasissamiti sikkhati) . evam bhavito kho bhikkhave anapanassatisamadhi evam bahulikato mahapphalo hoti mahanisamso. [1329] Ahampi sudam bhikkhave pubbeva sambodha anabhisambuddho bodhisattova samano imina viharena bahulam viharami . tassa mayham bhikkhave imina viharena bahulam viharato neva kayo kilamati 1- na cakkhuni anupadaya ca me asavehi cittam vimuccati 2-. [1330] Tasma tiha bhikkhave bhikkhu cepi akankheyya neva me kayopi kilameyya na cakkhuni anupadaya ca me asavehi cittam vimucceyyati ayameva anapanassatisamadhi sadhukam manasikatabbo. [1331] Tasma tiha bhikkhave bhikkhu cepi akankheyya ye me gehasita sarasankappa te pahiyeyyunti ayameva anapanassatisamadhi sadhukam manasikatabbo. [1332] Tasma tiha bhikkhave bhikkhu cepi akankheyya appatikule patikulasanni vihareyyanti ayameva anapanassatisamadhi sadhukam manasikatabbo. [1333] Tasma tiha bhikkhave bhikkhu cepi akankheyya patikule @Footnote: 1 Si. kilami. 2 Si. Ma. vimucci. Appatikulasanni vihareyyanti ayameva anapanassatisamadhi sadhukam manasikatabbo. [1334] Tasma tiha bhikkhave bhikkhu cepi akankheyya appatikule ca patikule ca patikulasanni vihareyyanti ayameva anapanassatisamadhi sadhukam manasikatabbo. [1335] Tasma tiha bhikkhave bhikkhu cepi akankheyya patikule ca appatikule ca appatikulasanni vihareyyanti ayameva anapanassatisamadhi sadhukam manasikatabbo. [1336] Tasma tiha bhikkhave bhikkhu cepi akankheyya appatikulanca patikulanca tadubhayam abhinivajjetva upekkhako vihareyyam sato sampajanoti ayameva anapanassatisamadhi sadhukam manasikatabbo. [1337] Tasma tiha bhikkhave bhikkhu cepi akankheyya vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihareyyanti ayameva anapanassatisamadhi sadhukam manasikatabbo. [1338] Tasma tiha bhikkhave bhikkhu cepi akankheyya vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihareyyanti ayameva anapanassatisamadhi sadhukam manasikatabbo. [1339] Tasma tiha bhikkhave bhikkhu cepi akankheyya pitiya Ca viraga upekkhako ca vihareyyam sato ca sampajano sukhanca kayena patisamvedeyyam yantam ariya acikkhanti upekkhako satima sukhavihariti tatiyam jhanam upasampajja vihareyyanti ayameva anapanassatisamadhi sadhukam manasikatabbo. [1340] Tasma tiha bhikkhave bhikkhu cepi akankheyya sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja vihareyyanti ayameva anapanassatisamadhi sadhukam manasikatabbo. [1341] Tasma tiha bhikkhave bhikkhu cepi akankheyya sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja vihareyyanti ayameva anapanassatisamadhi sadhukam manasikatabbo. [1342] Tasma tiha bhikkhave bhikkhu cepi akankheyya sabbaso akasanancayatanam samatikkamma anantam vinnananti vinnanancayatanam upasampajja vihareyyanti ayameva anapanassatisamadhi sadhukam manasikatabbo. [1343] Tasma tiha bhikkhave bhikkhu cepi akankheyya sabbaso vinnanancayatanam samatikkamma natthi kinciti akincannayatanam upasampajja vihareyyanti ayameva anapanassatisamadhi sadhukam manasikatabbo. [1344] Tasma tiha bhikkhave bhikkhu cepi akankheyya sabbaso akincannayatanam samatikkamma nevasannanasannayatanam upasampajja vihareyyanti ayameva anapanassatisamadhi sadhukam manasikatabbo. [1345] Tasma tiha bhikkhave bhikkhu cepi akankheyya sabbaso nevasannanasannayatanam samatikkamma sannavedayitanirodham upasampajja vihareyyanti ayameva anapanassatisamadhi sadhukam manasikatabbo. [1346] Evam bhavite kho bhikkhave anapanassatisamadhimhi evam bahulikate sukhance vedanam vedayati 1- sa aniccati pajanati anajjhositati pajanati anabhinanditati pajanati . dukkhance vedanam vedayati sa aniccati pajanati anajjhositati pajanati anabhinanditati pajanati . adukkhamasukhance vedanam vedayati sa aniccati pajanati anajjhositati pajanati anabhinanditati pajanati . so sukham ce vedanam vedayati visamyutto nam vedayati . Dukkham ce vedanam vedayati visamyutto nam vedayati . adukkhamasukham ce vedanam vedayati visamyutto nam vedayati . so kayapariyantikam vedanam vedayamano 2- kayapariyantikam vedanam vedayamiti 3- pajanati jivitapariyantikam vedanam vedayamano jivitapariyantikam vedanam vedayamiti pajanati kayassa bheda uddham jivitapariyadana idheva sabbavedayitani anabhinanditani sitibhavissantiti pajanati. [1347] Seyyathapi bhikkhave telanca paticca vattinca paticca @Footnote: 1-2 Po. Yu. sabbattha vediyati. vediyamano. 3 Po. Yu. vediyamiti. evamupari. Telappadipo jhayeyya tasseva telassa ca vattiya ca pariyadana anaharo nibbayeyya . evameva kho bhikkhave bhikkhu kayapariyantikam vedanam vedayamano kayapariyantikam vedanam vedayamiti pajanati jivitapariyantikam vedanam vedayamano jivitapariyantikam vedanam vedayamiti pajanati kayassa bheda uddham jivitapariyadana idheva sabbavedayitani anabhinanditani sitibhavissantiti pajanatiti.The Pali Tipitaka in Roman Character Volume 19 page 400-405. https://84000.org/tipitaka/read/roman_read.php?B=19&A=7771&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=7771&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1327&items=21 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=306 Study Atthakatha :- https://84000.org/tipitaka/attha/attha.php?b=19&i=1327 The Pali Atthakatha in Thai :- https://84000.org/tipitaka/atthapali/read_th.php?B=13&A=7485 The Pali Atthakatha in Roman :- https://84000.org/tipitaka/atthapali/read_rm.php?B=13&A=7485 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]