|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
Gangapeyyalo 1- navamo [183] Savatthinidanam . Seyyathapi bhikkhave ganga nadi pacinaninna pacinapona pacinapabbhara evameva kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharo. [184] Kathanca bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharo . idha bhikkhave bhikkhu sammaditthim bhaveti vivekanissitam viraganissitam nirodhanissitam vossaggaparinamim .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharoti. [185] Savatthinidanam . seyyathapi bhikkhave yamuna nadi pacinaninna pacinapona pacinapabbhara evameva kho bhikkhave .pe. [186] Savatthinidanam . seyyathapi bhikkhave aciravati nadi pacinaninna pacinapona pacinapabbhara evameva kho bhikkhave .pe. [187] Savatthinidanam . seyyathapi bhikkhave sarabhu nadi pacinaninna pacinapona pacinapabbhara evameva kho bhikkhave .pe. @Footnote: 1 Ma. gangapeyyalavagga. [188] Savatthinidanam . seyyathapi bhikkhave mahi nadi pacinaninna pacinapona pacinapabbhara. Evameva kho bhikkhave .pe. [189] Savatthinidanam . seyyathapi bhikkhave ya kacima 1- mahanadiyo . seyyathidam . ganga yamuna aciravati sarabhu mahi sabba ta pacinaninna pacinapona pacinapabbhara . evameva kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharo. [190] Kathanca bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharo . idha bhikkhave bhikkhu sammaditthim bhaveti vivekanissitam viraganissitam .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharoti. [191] Savatthinidanam . Seyyathapi bhikkhave ganga nadi samuddaninna samuddapona samuddapabbhara . evameva kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharo. [192] Kathanca bhikkhave bhikkhu ariyam atthangikam maggam bhavento @Footnote: 1 Yu. kaci. evamuparipi. Ariyam atthangikam maggam bahulikaronto nibbananinno hoti nibbanapono nibbanapabbharo . idha bhikkhave bhikkhu sammaditthim bhaveti vivekanissitam .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharoti. [193] Savatthinidanam . seyyathapi bhikkhave yamuna nadi samuddaninna samuddapona samuddapabbhara . evameva kho bhikkhave bhikkhu .pe. [194] Savatthinidanam . seyyathapi bhikkhave aciravati nadi samuddaninna samuddapona samuddapabbhara . evameva kho bhikkhave bhikkhu .pe. [195] Savatthinidanam . seyyathapi bhikkhave sarabhu nadi samuddaninna samuddapona samuddapabbhara. Evameva kho bhikkhave bhikkhu .pe. [196] Savatthinidanam . seyyathapi bhikkhave mahi nadi samuddaninna samuddapona samuddapabbhara. Evameva kho bhikkhave bhikkhu .pe. [197] Savatthinidanam . seyyathapi bhikkhave ya kacima mahanadiyo . seyyathidam . ganga yamuna aciravati sarabhu mahi sabba ta samuddaninna samuddapona samuddapabbhara . evameva kho bhikkhave bhikkhu ariyam atthangikam maggam bhavento ariyam atthangikam Maggam bahulikaronto nibbananinno hoti nibbanapono nibbanapabbharo. [198] Kathanca bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharo . idha bhikkhave bhikkhu sammaditthim bhaveti vivekanissitam viraganissitam nirodhanissitam vossaggaparinamim .pe. sammasamadhim bhaveti vivekanissitam viraganissitam nirodhanissitam vossaggaparinamim . Evam kho bhikkhave bhikkhu ariyam atthangikam maggam bhavento ariyam atthangikam maggam bahulikaronto nibbananinno hoti nibbanapono nibbanapabbharoti. Gangapeyyalavaram sankhepena likhitam peyyale vittharetabbam. Tassuddanam cha pacinato ninna cha ninna [1]- samuddato dve 2- dhamma dasa honti vaggo 3- tena pavuccatiti. Gangapeyyali pacinaninnavacanamaggi vivekanissitadvadasaki pathamaki. ---------------The Pali Tipitaka in Roman Character Volume 19 page 48-51. https://84000.org/tipitaka/read/roman_read.php?B=19&A=861&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=861&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=183&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=45 Study Atthakatha :- https://84000.org/tipitaka/attha/attha.php?b=19&i=183 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]