PaliRoman Vol.19

[1599] Ekam samayam bhagava sakkesu viharati kapilavatthusmim nigrodharame . atha kho nandiyo sakko yena bhagava tenupasankami @Footnote: ¹ Yu. ayam patho natthi. ² Ma. payatapanini. Upasankamitva bhagavantam abhivadetva ekamantam nisidi . ekamantam nisinno kho nandiyo sakko bhagavantam etadavoca [1600] Yasseva nu kho bhante ariyasavakassa cattari sotapattiyangani sabbena sabbam sabbatha sabbam natthi sveva nu kho bhante ariyasavako pamadavihariti vuccati . yassa kho nandiya cattari sotapattiyangani sabbena sabbam sabbatha sabbam natthi tamaham bahiro puthujjanapakkhe thitoti vadami . apica nandiya yatha ariyasavako pamadavihari ceva hoti appamadavihari ca tam sunahi sadhukam manasikarohi bhasissamiti . evam bhanteti kho nandiyo sakko bhagavato paccassosi. Bhagava etadavoca [1601] Kathanca nandiya ariyasavako pamadavihari hoti . idha nandiya ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . So tena buddhe aveccappasadena santuttho na uttarim vayamati diva pavivekaya rattiya ^1- patisallanaya . tassa evam pamattassa viharato pamujjam ^2- na hoti pamujje asati piti na hoti pitiya asati passaddhi na hoti passaddhiya asati dukkham viharati dukkhino cittam na samadhiyati asamahite citte dhamma na patubhavanti . dhammanam apatubhava pamadaviharitveva sankham ^3- gacchati . puna caparam nandiya ariyasavako . dhamme sanghe . ariyakantehi silehi samannagato @Footnote: ¹ Ma. Yu. rattim. evamupari. ² Ma. sabbattha pamojjam. Hoti akkhandehi .pe. samadhisamvattanikehi . so tehi ariyakantehi silehi santuttho na uttarim vayamati diva pavivekaya rattiya patisallanaya . tassa evam pamattassa viharato pamujjam na hoti pamujje asati piti na hoti pitiya asati passaddhi na hoti passaddhiya asati dukkham viharati dukkhino cittam na samadhiyati asamahite citte dhamma na patubhavanti . dhammanam apatubhava pamadaviharitveva sankham gacchati . evam kho nandiya ariyasavako pamadavihari hoti. [1602] Kathanca nandiya ariyasavako appamadavihari hoti . Idha nandiya ariyasavako buddhe aveccappasadena samannagato hoti itipi so bhagava .pe. sattha devamanussanam buddho bhagavati . so tena buddhe aveccappasadena asantuttho uttarim vayamati diva pavivekaya rattiya patisallanaya . tassa evam appamattassa viharato pamujjam jayati pamuditassa piti jayati pitimanassa kayo passambhati passaddhakayo sukham vedayati ^1- sukhino cittam samadhiyati samahite citte dhamma patubhavanti . dhammanam patubhava appamadaviharitveva sankham gacchati . puna caparam nandiya ariyasavako dhamme sanghe . ariyakantehi silehi samannagato hoti akkhandehi .pe. samadhisamvattanikehi . so tehi ariyakantehi silehi asantuttho uttarim vayamati diva pavivekaya rattiya @Footnote: ¹ Ma. Yu. sabbattha vediyati. Patisallanaya . tassa evam appamattassa viharato pamujjam jayati pamuditassa piti jayati pitimanassa kayo passambhati passaddhakayo sukham vedayati sukhino cittam samadhiyati samahite citte dhamma patubhavanti . dhammanam patubhava appamadaviharitveva sankham gacchati. Evam kho nandiya ariyasavako appamadavihari hotiti. Punnabhisandavaggo catuttho. Tassuddanam abhisandena ^1- tayo vutta dve devapadani ca sabhagatam mahanamo vasi ^2- kali ca nandiyati. ------------- @Footnote: ¹ Ma. Yu. abhisanda. ² Ma. Yu. vassam.

The Pali Tipitaka in Roman Character Volume 19 page 499-502. https://84000.org/tipitaka/read/roman_read.php?B=19&A=9748&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=9748&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1599&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=358 Study Atthakatha :- https://84000.org/tipitaka/attha/attha.php?b=19&i=1599 The Pali Atthakatha in Thai :- https://84000.org/tipitaka/atthapali/read_th.php?B=13&A=8085 The Pali Atthakatha in Roman :- https://84000.org/tipitaka/atthapali/read_rm.php?B=13&A=8085 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19