PaliRoman Vol.2

Dasamasikkhapadam [169] Tena samayena buddho bhagava savatthiyam viharati jetavane anathapindikassa arame . tena kho pana samayena savatthiyam annatarassa pugassa sanghassa sacivarabhattam patiyattam hoti bhojetva civarena acchadessamati . athakho chabbaggiya bhikkhu yena so pugo tenupasankamimsu upasankamitva tam pugam etadavocum dethavuso amhakam imani civaraniti . na mayam bhante dassama amhakam sanghassa anuvassam sacivarabhikkha pannattati . bahu avuso sanghassa dayaka bahu sanghassa bhatta mayam tumhe nissaya tumhe sampassanta idha viharama tumhe ce amhakam na dassatha atha kocarahi amhakam dassati dethavuso amhakam imani civaraniti. {169.1} Athakho so pugo chabbaggiyehi bhikkhuhi nippiliyamano yathapatiyattam civaram chabbaggiyanam bhikkhunam datva sangham bhattena parivisi . ye te bhikkhu jananti sanghassa sacivarabhattam patiyattam na ca jananti chabbaggiyanam bhikkhunam dinnanti te evamahamsu onojetha avuso sanghassa civaranti . natthi bhante yathapatiyattam civaram ayya chabbaggiya attano parinamesunti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu janam sanghikam labham parinatam attano Parinamessantiti . athakho te bhikkhu bhagavato etamattham arocesum. Saccam kira tumhe bhikkhave janam sanghikam labham parinatam attano parinamethati . saccam bhagavati . vigarahi buddho bhagava katham hi nama tumhe moghapurisa janam sanghikam labham parinatam attano parinamessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {169.2} yo pana bhikkhu janam sanghikam labham parinatam attano parinameyya nissaggiyam pacittiyanti. [170] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . janati nama samam va janati anne va tassa arocenti so va aroceti. Sanghikam nama sanghassa dinnam hoti pariccattam . labho nama civarapindapatasenasanagilanapaccaya- bhesajjaparikkhara antamaso cunnapindopi dantakatthampi dasikasuttampi . Parinatam nama dassama karissamati vaca bhinna hoti . attano parinameti payoge dukkatam . patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante janam sanghikam labham parinatam attano parinamitam nissaggiyam imaham sanghassa nissajjamiti .pe. dadeyyati .pe. dadeyyunti .pe. ayasmato dammiti . Parinate parinatasanni attano parinameti nissaggiyam pacittiyam . Parinate vematiko attano parinameti apatti dukkatassa . Parinate aparinatasanni attano parinameti anapatti . sanghassa parinatam annasanghassa va cetiyassa va parinameti apatti dukkatassa . cetiyassa parinatam annacetiyassa va sanghassa va ganassa va puggalassa va parinameti apatti dukkatassa . Puggalassa parinatam annapuggalassa va sanghassa va ganassa va cetiyassa va parinameti apatti dukkatassa . aparinate parinatasanni apatti dukkatassa . aparinate vematiko apatti dukkatassa. Aparinate aparinatasanni anapatti. [171] Anapatti kattha demati pucchiyamano yattha tumhakam deyyadhammo paribhogam va labheyya patisankharam va labheyya ciratthitiko va assa yattha va pana tumhakam cittam pasidati tattha dethati bhanati ummattakassa adikammikassati. Dasamasikkhapadam nitthitam. Pattavaggo tatiyo. ------- Tassuddanam dve ca pattani bhesajjam vassika danapancamam samam vayapanacceko ^1- sasankam sanghikena cati. @Footnote: ¹ Ma. Yu. vayapanacceko.

The Pali Tipitaka in Roman Character Volume 2 page 149-151. https://84000.org/tipitaka/read/roman_read.php?B=2&A=2634&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=2634&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=169&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=30 Study Atthakatha :- https://84000.org/tipitaka/attha/attha.php?b=2&i=169 The Pali Atthakatha in Thai :- https://84000.org/tipitaka/atthapali/read_th.php?B=2&A=5897 The Pali Atthakatha in Roman :- https://84000.org/tipitaka/atthapali/read_rm.php?B=2&A=5897 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2