ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                       Dutiyasikkhapadam
     [475]  Tena  samayena  buddho  bhagava  rajagahe  viharati veluvane
kalandakanivape  .  tena kho pana samayena devadatto parihinalabhasakkaro 1-
sapariso   kulesu   vinnapetva   vinnapetva   bhunjati   .   manussa
ujjhayanti   khiyanti   vipacenti   katham   hi   nama  samana  sakyaputtiya
kulesu    vinnapetva    vinnapetva    bhunjissanti   kassa   sampannam
na  manapam  kassa  sadum  na  ruccatiti  .  assosum kho bhikkhu tesam manussanam
ujjhayantanam khiyantanam vipacentanam.
     {475.1}  Ye  te  bhikkhu  appiccha  .pe. Te ujjhayanti khiyanti
vipacenti   katham   hi   nama  devadatto  sapariso  kulesu  vinnapetva
vinnapetva   bhunjissatiti   .pe.   saccam  kira  tvam  devadatta  sapariso
kulesu   vinnapetva   vinnapetva   bhunjasiti   .  saccam  bhagavati .
Vigarahi   buddho   bhagava  katham  hi  nama  tvam  moghapurisa  sapariso  kulesu
vinnapetva      vinnapetva      bhunjissasi     netam     moghapurisa
appasannanam   va   pasadaya   pasannanam   va   bhiyyobhavaya   .pe.
Evanca pana bhikkhave imam sikkhapadam uddiseyyatha
     {475.2} ganabhojane pacittiyanti.
     {475.3} Evancidam bhagavata bhikkhunam sikkhapadam pannattam hoti.
@Footnote: 1 Yu. pahinalabhasakkaro.
     [476]  Tena  kho  pana  samayena  manussa  gilane  bhikkhu bhattena
nimantenti    .    bhikkhu    kukkuccayanta    nadhivasenti   patikkhittam
bhagavata   ganabhojananti   .   bhagavato   etamattham  arocesum  .  athakho
bhagava   etasmim   nidane   etasmim  pakarane  dhammim  katham  katva  bhikkhu
amantesi    anujanami    bhikkhave    gilanena    bhikkhuna   ganabhojanam
bhunjitum evanca pana bhikkhave imam sikkhapadam uddiseyyatha
     {476.1}   ganabhojane   annatra   samaya  pacittiyam  .  tatthayam
samayo gilanasamayo ayam tattha samayoti.
     {476.2} Evancidam bhagavata bhikkhunam sikkhapadam pannattam hoti.
     [477]  Tena  kho  pana  samayena manussa civaradanasamaye sacivarabhattam
patiyadetva  bhikkhu  nimantenti  bhojetva  civarena  acchadessamati.
Bhikkhu   kukkuccayanta  nadhivasenti  patikkhittam  bhagavata  ganabhojananti .
Civaram  parittam  uppajjati  .  bhagavato  etamattham  arocesum . Anujanami
bhikkhave   civaradanasamaye   ganabhojanam  bhunjitum  evanca  pana  bhikkhave  imam
sikkhapadam uddiseyyatha
     {477.1}   ganabhojane   annatra   samaya  pacittiyam  .  tatthayam
samayo gilanasamayo civaradanasamayo ayam tattha samayoti.
     {477.2} Evancidam bhagavata bhikkhunam sikkhapadam pannattam hoti.
     [478]  Tena  kho  pana  samayena manussa civarakarake bhikkhu bhattena
nimantenti    .    bhikkhu    kukkuccayanta    nadhivasenti   patikkhittam
Bhagavata   ganabhojananti  .  bhagavato  etamattham  arocesum  .  anujanami
bhikkhave   civarakarasamaye   ganabhojanam   bhunjitum   evanca   pana   bhikkhave
imam sikkhapadam uddiseyyatha
     {478.1}   ganabhojane   annatra   samaya  pacittiyam  .  tatthayam
samayo gilanasamayo civaradanasamayo civarakarasamayo ayam tattha samayoti.
     {478.2} Evancidam bhagavata bhikkhunam sikkhapadam pannattam hoti.
     [479]  Tena  kho  pana  samayena  bhikkhu  manussehi  saddhim  addhanam
gacchanti  .  athakho  te  bhikkhu  te  manusse  etadavocum  muhuttam avuso
agametha   pindaya   carissamati   .   te  evamahamsu  idheva  bhante
bhunjathati    .    bhikkhu   kukkuccayanta   na   patigganhanti   patikkhittam
bhagavata    ganabhojananti    .    bhagavato    etamattham   arocesum  .
Anujanami      bhikkhave     addhanagamanasamaye     ganabhojanam     bhunjitum
evanca pana bhikkhave imam sikkhapadam uddiseyyatha
     {479.1}   ganabhojane   annatra   samaya  pacittiyam  .  tatthayam
samayo   gilanasamayo   civaradanasamayo   civarakarasamayo  addhanagamanasamayo
ayam tattha samayoti.
     {479.2} Evancidam bhagavata bhikkhunam sikkhapadam pannattam hoti.
     [480]  Tena  kho  pana  samayena  bhikkhu  manussehi  saddhim  navaya
gacchanti   .   athakho   te   bhikkhu   te   manusse  etadavocum  muhuttam
avuso   tiram   navam   1-   upanetha   pindaya   carissamati  .  te
@Footnote: 1 Ma. Yu. ayam patho na hoti.
Evamahamsu   idheva   bhante   bhunjathati   .   bhikkhu  kukkuccayanta  na
patigganhanti     patikkhittam     bhagavata    ganabhojananti    .    bhagavato
etamattham   arocesum   .   anujanami  bhikkhave  navabhiruhanasamaye  1-
ganabhojanam     bhunjitum    evanca    pana    bhikkhave    imam    sikkhapadam
uddiseyyatha
     {480.1}   ganabhojane   annatra   samaya  pacittiyam  .  tatthayam
samayo   gilanasamayo   civaradanasamayo   civarakarasamayo  addhanagamanasamayo
navabhiruhanasamayo ayam tattha samayoti.
     {480.2} Evancidam bhagavata bhikkhunam sikkhapadam pannattam hoti.
     [481]   Tena   kho   pana  samayena  disasu  vassam  vuttha  bhikkhu
rajagaham   agacchanti   bhagavantam   dassanaya  .  manussa  nanaverajjake
bhikkhu    passitva    bhattena   nimantenti   .   bhikkhu   kukkuccayanta
nadhivasenti   patikkhittam   bhagavata   ganabhojananti  .  bhagavato  etamattham
arocesum   .   anujanami   bhikkhave   mahasamaye   ganabhojanam   bhunjitum
evanca pana bhikkhave imam sikkhapadam uddiseyyatha
     {481.1}   ganabhojane   annatra   samaya  pacittiyam  .  tatthayam
samayo   gilanasamayo   civaradanasamayo   civarakarasamayo  addhanagamanasamayo
navabhiruhanasamayo mahasamayo ayam tattha samayoti.
     {481.2} Evancidam bhagavata bhikkhunam sikkhapadam pannattam hoti.
     [482]   Tena   kho   pana  samayena  ranno  magadhassa  seniyassa
bimbisarassa   natisalohito   ajivakesu   pabbajito   hoti  .  athakho
@Footnote: 1 Ma. navabhiruhanasamaye. evamuparipi.
So   ajivako  yena  raja  magadho  seniyo  bimbisaro  tenupasankami
upasankamitva    rajanam    magadham    seniyam    bimbisaram    etadavoca
icchamaham   maharaja   sabbapasandikam   bhattam   katunti   .   sace  tvam
bhante   buddhappamukham  bhikkhusangham  pathamam  bhojeyyasi  evam  kareyyamiti .
Athakho   so  ajivako  bhikkhunam  santike  dutam  pahesi  adhivasentu  me
bhikkhu   svatanaya   bhattanti   .   bhikkhu   kukkuccayanta  nadhivasenti
patikkhittam   bhagavata   ganabhojananti   .   athakho   so   ajivako  yena
bhagava     tenupasankami    upasankamitva    bhagavata    saddhim    sammodi
sammodaniyam katham saraniyam vitisaretva ekamantam atthasi.
     {482.1}  Ekamantam  thito  kho  so  ajivako bhagavantam etadavoca
bhavampi    gotamo    pabbajito    ahampi    pabbajito   arahati   pabbajito
pabbajitassa    pindam    patiggahetum    adhivasetu    me   bhavam   gotamo
svatanaya    bhattam    saddhim   bhikkhusanghenati   .   adhivasesi   bhagava
tunhibhavena   .   athakho   so   ajivako  bhagavato  adhivasanam  viditva
pakkami   .   athakho  bhagava  etasmim  nidane  etasmim  pakarane  dhammim
katham   katva   bhikkhu   amantesi   anujanami   bhikkhave  samanabhattasamaye
ganabhojanam bhunjitum evanca pana bhikkhave imam sikkhapadam uddiseyyatha
     {482.2}  ganabhojane  annatra  samaya  pacittiyam. Tatthayam samayo
gilanasamayo     civaradanasamayo     civarakarasamayo     addhanagamanasamayo
navabhiruhanasamayo mahasamayo samanabhattasamayo ayam tattha samayoti.
     [483]  Ganabhojanam  nama  yattha  cattaro  bhikkhu  pancannam bhojananam
annatarena   bhojanena   nimantita   bhunjanti   etam  ganabhojanam  nama .
Annatra   samayati   thapetva   samayam   .  gilanasamayo  nama  antamaso
padapi    phalita   1-   honti   .   gilanasamayoti   bhunjitabbam  .
Civaradanasamayo   nama   anatthate   kathine   vassanassa  pacchimo  maso
atthate   kathine   panca   masa   .   civaradanasamayoti   bhunjitabbam .
Civarakarasamayo  nama  civare  kayiramane  .  civarakarasamayoti bhunjitabbam.
Addhanagamanasamayo    nama    addhayojanam    gamissamiti    bhunjitabbam  .
Gacchantena  bhunjitabbam  .  agatena  2-  bhunjitabbam  .  navabhiruhanasamayo
nama   navam   abhiruhissamiti   bhunjitabbam   .   arulhena  bhunjitabbam .
Orulhena   bhunjitabbam   .   mahasamayo  nama  yattha  dve  tayo  bhikkhu
pindaya   caritva   yapenti   catutthe   agate   na   yapenti  .
Mahasamayoti    bhunjitabbam    .    samanabhattasamayo    nama   yo   koci
paribbajakasamapanno   bhattam   karoti   .  samanabhattasamayoti  bhunjitabbam .
Annatra   samaya   bhunjissamiti   patigganhati   apatti   dukkatassa  .
Ajjhohare ajjhohare apatti pacittiyassa.
     [484]    Ganabhojane   ganabhojanasanni   annatra   samaya   bhunjati
apatti    pacittiyassa   .   ganabhojane   vematiko   annatra   samaya
bhunjati    apatti    pacittiyassa    .    ganabhojane    naganabhojanasanni
annatra    samaya    bhunjati   apatti   pacittiyassa   .   naganabhojane
@Footnote: 1 Ma. phalita .  2 Ma. gatena.
Ganabhojanasanni    apatti    dukkatassa    .    naganabhojane    vematiko
apatti dukkatassa. Naganabhojane naganabhojanasanni anapatti.
     [485]  Anapatti  samaye  dve  tayo  ekato  bhunjanti  pindaya
caritva   ekato   sannipatitva   bhunjanti  niccabhatte  1-  salakabhatte
pakkhike  uposathike  patipadike  2-  panca  bhojanani  thapetva  sabbattha
anapatti ummattakassa adikammikassati.
                   Dutiyasikkhapadam nitthitam.
                           --------
@Footnote: 1-2 Ma. niccabhattam ... patipadikam.



             The Pali Tipitaka in Roman Character Volume 2 page 309-315. https://84000.org/tipitaka/read/roman_read.php?B=2&A=5540&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5540&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=475&items=11              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=68              Study Atthakatha :- https://84000.org/tipitaka/attha/attha.php?b=2&i=475              The Pali Atthakatha in Thai :- https://84000.org/tipitaka/atthapali/read_th.php?B=2&A=8111              The Pali Atthakatha in Roman :- https://84000.org/tipitaka/atthapali/read_rm.php?B=2&A=8111              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]