ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                       Dutiyasikkhapadam
     [531]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana   samayena  ayasma
upanando    sakyaputto    bhatuno    saddhiviharikam    bhikkhum   etadavoca
ehavuso    gamam    pindaya    pavisissamati    tassa    adapetva
uyyojesi   gacchavuso   na   me   taya   saddhim   katha  va  nisajja
va  phasu  hoti  ekakassa  me  katha  va  nisajja  va phasu hotiti.
Athakho    so   bhikkhu   upakkatthe   kale   nasakkhi   pindaya   caritum
patikkamanepi   bhattavissaggam  na  sambhavesi  chinnabhatto  ahosi  .  athakho
so  bhikkhu  aramam  gantva  bhikkhunam  etamattham  arocesi  .  ye  te
bhikkhu   appiccha   .pe.   te  ujjhayanti  khiyanti  vipacenti  katham  hi
nama   ayasma  upanando  sakyaputto  bhikkhum  ehavuso  gamam  pindaya
pavisissamati  tassa  adapetva  uyyojessatiti  .pe.  saccam  kira  tvam
upananda  bhikkhum  ehavuso  gamam  pindaya  pavisissamati tassa adapetva
uyyojesiti  .  saccam  bhagavati  .  vigarahi  buddho  bhagava  katham  hi nama
tvam    moghapurisa    bhikkhum   ehavuso   gamam   pindaya   pavisissamati
tassa     adapetva    uyyojessasi   netam   moghapurisa   appasannanam
va   pasadaya   pasannanam   va   bhiyyobhavaya   .pe.  evanca  pana
Bhikkhave imam sikkhapadam uddiseyyatha
     {531.1}  yo  pana  bhikkhu  bhikkhum evam vadeyya 1- ehavuso gamam
va    nigamam   va   pindaya   pavisissamati   tassa   dapetva   va
adapetva  va  uyyojeyya  gacchavuso  na  me  taya  saddhim katha va
nisajja  va  phasu  hoti  ekakassa  me  katha  va  nisajja  va phasu
hotiti etadeva paccayam karitva anannam pacittiyanti.
     [532]  Yo  panati  yo  yadiso  .pe. Bhikkhuti .pe. Ayam imasmim
atthe adhippeto bhikkhuti. Bhikkhunti annam bhikkhum.
     {532.1}  Ehavuso  gamam  va nigamam vati gamopi nigamopi nagarampi
gamo  ceva  nigamo ca. Tassa dapetvati yagum va bhattam va 2- khadaniyam
va bhojaniyam va dapetva. Adapetvati na kinci dapetva.
     {532.2}    Uyyojeyyati    matugamena    saddhim   hasitukamo
kilitukamo   raho   nisiditukamo   anacaram  acaritukamo  evam  vadeti
gacchavuso   na  me  taya  saddhim  katha  va  nisajja  va  phasu  hoti
ekakassa  me  katha  va  nisajja  va  phasu  hotiti uyyojeti apatti
dukkatassa   .   dassanupacaram   va  savanupacaram  va  vijahantassa  apatti
dukkatassa   .   vijahite   apatti   pacittiyassa   .  etadeva  paccayam
karitva anannanti na anno koci paccayo hoti uyyojetum.
     [533]    Upasampanne    upasampannasanni    uyyojeti   apatti
@Footnote: 1 Ma. Yu. evam vadeyyati idam pathadvayam natthi .  2 Yu. yatum va bhattam vati
@pathadvayam natthi.
Pacittiyassa  .  upasampanne  vematiko  uyyojeti apatti pacittiyassa.
Upasampanne   anupasampannasanni   uyyojeti   apatti   pacittiyassa  .
Kalisasanam   aropeti   apatti   dukkatassa  .  anupasampannam  uyyojeti
apatti   dukkatassa   .   kalisasanam   aropeti  apatti  dukkatassa .
Anupasampanne      upasampannasanni      apatti      dukkatassa     .
Anupasampanne    vematiko    apatti    dukkatassa    .   anupasampanne
anupasampannasanni apatti dukkatassa.
     [534]   Anapatti  ubho  ekato  na  yapessamati  uyyojeti
mahaggham    bhandam    passitva    lobhadhammam    uppadessatiti   uyyojeti
matugamam   passitva   anabhiratim   uppadessatiti   uyyojeti   gilanassa
va  ohiyakassa  va  viharapalassa  va  yagum  va bhattam va 1- khadaniyam
va  bhojaniyam  va  niharati  uyyojeti  na  anacaram  acaritukamo  sati
karaniye uyyojeti ummattakassa adikammikassati.
                   Dutiyasikkhapadam nitthitam.
                              --------
@Footnote: 1 Yu. yagum va bhattam vati pathadvayam na dissati.



             The Pali Tipitaka in Roman Character Volume 2 page 350-352. https://84000.org/tipitaka/read/roman_read.php?B=2&A=6290&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6290&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=531&items=4              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=78              Study Atthakatha :- https://84000.org/tipitaka/attha/attha.php?b=2&i=531              The Pali Atthakatha in Thai :- https://84000.org/tipitaka/atthapali/read_th.php?B=2&A=9386              The Pali Atthakatha in Roman :- https://84000.org/tipitaka/atthapali/read_rm.php?B=2&A=9386              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]