ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                      Sattamasikkhapadam
     [555]  Tena  samayena  buddho  bhagava  sakkesu viharati kapilavatthusmim
nigrodharame  .  tena  kho  pana  samayena  mahanamassa sakkassa bhesajjam
ussannam  hoti  .  athakho  mahanamo  sakko  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno   kho  mahanamo  sakko  bhagavantam  etadavoca  icchamaham  bhante
sangham  catumasam  bhesajjena  pavaretunti  .  sadhu  sadhu mahanama tenahi
tvam  mahanama  sangham catumasam bhesajjena pavarehiti. Bhikkhu kukkuccayanta
nadhivasenti  .  bhagavato  etamattham  arocesum  .  anujanami  bhikkhave
catumasapaccayapavaranam saditunti.
     {555.1}  Tena  kho  pana  samayena bhikkhu mahanamam sakkam parittamyeva
bhesajjam  vinnapenti  .  tatheva  mahanamassa  sakkassa  bhesajjam  ussannam
hoti   .   dutiyampi  kho  mahanamo  sakko  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno   kho  mahanamo  sakko  bhagavantam  etadavoca  icchamaham  bhante
sangham  aparampi  catumasam  bhesajjena  pavaretunti  .  sadhu sadhu mahanama
tenahi  tvam  mahanama  sangham  aparampi  catumasam  bhesajjena  pavarehiti.
Bhikkhu  kukkuccayanta  nadhivasenti  .  bhagavato  etamattham  arocesum.
Anujanami bhikkhave puna pavaranampi saditunti.
     {555.2}  Tena  kho  pana  samayena bhikkhu mahanamam sakkam parittamyeva
bhesajjam  vinnapenti  .  tatheva  mahanamassa  sakkassa  bhesajjam  ussannam
hoti   .   tatiyampi  kho  mahanamo  sakko  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno   kho  mahanamo  sakko  bhagavantam  etadavoca  icchamaham  bhante
sangham  yavajivam  bhesajjena  pavaretunti  .  sadhu  sadhu  mahanama tenahi
tvam   mahanama   sangham   yavajivam   bhesajjena   pavarehiti   .   bhikkhu
kukkuccayanta   nadhivasenti   .   bhagavato   etamattham  arocesum .
Anujanami bhikkhave niccapavaranampi saditunti.
     [556]   Tena   kho  pana  samayena  chabbaggiya  bhikkhu  dunnivattha
honti   dupparuta   anakappasampanna   mahanamena   sakkena   vutta
honti  1-  kissa  tumhe  bhante  dunnivattha dupparuta anakappasampanna
nanu     nama     pabbajitena     sunivatthena     bhavitabbam    suparutena
akappasampannenati  .  chabbaggiya  bhikkhu  mahaname  sakke upanandhimsu.
Athakho     chabbaggiyanam     bhikkhunam    etadahosi    kena    nu    kho
mayam   upayena   mahanamam   sakkam   mankum   kareyyamati   .   athakho
chabbaggiyanam   bhikkhunam   etadahosi  mahanamena  [2]-  avuso  sakkena
sangho   bhesajjena   pavarito   handa   mayam   avuso  mahanamam  sakkam
@Footnote: 1 Ma. Yu. mahanamo sakko vatta hoti .  2 Ma. Yu. kho.
Sappim   vinnapemati   .   athakho   chabbaggiya  bhikkhu  yena  mahanamo
sakko    tenupasankamimsu    upasankamitva   mahanamam   sakkam   etadavocum
donena   avuso   sappina   atthoti   .  ajjunho  bhante  agametha
manussa  vajam  gata  sappim  aharitum  kale  harissathati  1-  .  dutiyampi
kho  .pe.  tatiyampi  kho  chabbaggiya  bhikkhu  mahanamam  sakkam  etadavocum
donena   avuso   sappina   atthoti   .  ajjunho  bhante  agametha
manussa  vajam  gata  sappim  aharitum  kale  harissathati  .  kim  pana taya
avuso   adatukamena  pavaritena  yam  tvam  pavaretva  na  desiti .
Athakho   mahanamo   sakko   ujjhayati  khiyati  vipaceti  katham  hi  nama
bhaddanta ajjunho bhante agamethati vuccamana nagamessantiti.
     {556.1}  Assosum  kho  bhikkhu  mahanamassa  sakkassa ujjhayantassa
khiyantassa  vipacentassa  .  ye  te bhikkhu appiccha .pe. Te ujjhayanti
khiyanti  vipacenti  katham  hi  nama  chabbaggiya  bhikkhu  mahanamena sakkena
ajjunho   bhante  agamethati  vuccamana  nagamessantiti  .pe.  saccam
kira  tumhe  bhikkhave  mahanamena  sakkena  ajjunho  bhante agamethati
vuccamana  nagamethati  .  saccam  bhagavati . Vigarahi buddho bhagava katham hi
nama   tumhe   moghapurisa   mahanamena   sakkena   ajjunho   bhante
agamethati   vuccamana   nagamessatha   netam   moghapurisa  appasannanam
va  pasadaya  pasannanam  va bhiyyobhavaya .pe. Evanca pana bhikkhave imam
@Footnote: 1 Ma. kalam aharissathati. evamuparipi.
Sikkhapadam uddiseyyatha
     {556.2}     agilanena     bhikkhuna     catumasapaccayapavarana
saditabba     annatra     punapavaranaya     annatra    niccapavaranaya
tato ce uttarim 1- sadiyeyya pacittiyanti.
     [557]   Agilanena  bhikkhuna  catumasapaccayapavarana  saditabbati
gilanapaccayapavarana    saditabba    punapavaranapi   saditabba   [2]-
yada    gilano    bhavissami   tada   vinnapessamiti   niccapavaranapi
saditabba [3]- yada gilano bhavissami tada vinnapessamiti.
     [558]  Tato  ce  uttarim  sadiyeyyati  atthi pavarana bhesajja-
pariyanta    na   rattipariyanta   atthi   pavarana   rattipariyanta   na
bhesajjapariyanta   atthi   pavarana   bhesajjapariyanta   ca  rattipariyanta
ca   atthi   pavarana   neva   bhesajjapariyanta   na   rattipariyanta .
Bhesajjapariyanta   nama   bhesajjani   pariggahitani   honti   ettakehi
bhesajjehi   pavaremiti   .  rattipariyanta  nama  rattiyo  pariggahitayo
honti    ettakasu    rattisu   pavaremiti   .   bhesajjapariyanta   ca
rattipariyanta   ca   nama   bhesajjani  ca  pariggahitani  honti  rattiyo
ca   pariggahitayo   honti   ettakehi   bhesajjehi  ettakasu  rattisu
pavaremiti    .    neva   bhesajjapariyanta   na   rattipariyanta   nama
bhesajjani   ca   apariggahitani   honti   rattiyo   ca   apariggahitayo
honti ettakehi bhesajjehi ettakasu rattisu pavaremiti.
@Footnote: 1 Ma. Yu. uttari .  2-3 Ma. itisaddo dissati.
     [559]  Bhesajjapariyante  yehi  bhesajjehi  pavarito  hoti  tani
bhesajjani    thapetva    annani    bhesajjani   vinnapeti   apatti
pacittiyassa  .  rattipariyante  yasu  rattisu  pavarito  hoti ta rattiyo
thapetva    annasu   rattisu   vinnapeti   apatti   pacittiyassa  .
Bhesajjapariyante  ca  rattipariyante  ca  yehi  bhesajjehi  pavarito  hoti
tani  bhesajjani  thapetva  yasu  rattisu  pavarito  hoti  ta  rattiyo
thapetva     annani    bhesajjani    annasu    rattisu    vinnapeti
apatti   pacittiyassa   .   neva   bhesajjapariyante   na  rattipariyante
anapatti.
     [560]   Nabhesajjena  karaniye  1-  bhesajjam  vinnapeti  apatti
pacittiyassa   .   annena   bhesajjena   karaniye   2-  annam  bhesajjam
vinnapeti    apatti   pacittiyassa   .   taduttari   3-   taduttarisanni
bhesajjam   vinnapeti   apatti   pacittiyassa   .   taduttari   vematiko
bhesajjam   vinnapeti   apatti   pacittiyassa   .   taduttari  nataduttari-
sanni    bhesajjam   vinnapeti   apatti   pacittiyassa   .   nataduttari
taduttarisanni   apatti   dukkatassa   .   nataduttari   vematiko   apatti
dukkatassa. Nataduttari nataduttarisanni anapatti.
     [561]  Anapatti  yehi  bhesajjehi pavarito hoti tani bhesajjani
vinnapeti     yasu    rattisu    pavarito    hoti    tasu    rattisu
@Footnote: 1-2 Ma. Yu. karaniyena .  3 tatuttari. evamuparipi.
Vinnapeti   imehi   taya   bhesajjehi  pavaritamha  amhakanca  imina
ca  imina  ca  bhesajjena  atthoti  acikkhitva  vinnapeti  yasu  taya
rattisu  pavaritamha  tayo  ca  rattiyo  vitivatta  amhakanca bhesajjena
atthoti   acikkhitva   vinnapeti   natakanam  pavaritanam  annassatthaya
attano dhanena ummattakassa adikammikassati.
                   Sattamasikkhapadam nitthitam.
                           ---------



             The Pali Tipitaka in Roman Character Volume 2 page 368-373. https://84000.org/tipitaka/read/roman_read.php?B=2&A=6600&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6600&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=555&items=7              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=83              Study Atthakatha :- https://84000.org/tipitaka/attha/attha.php?b=2&i=555              The Pali Atthakatha in Thai :- https://84000.org/tipitaka/atthapali/read_th.php?B=2&A=9451              The Pali Atthakatha in Roman :- https://84000.org/tipitaka/atthapali/read_rm.php?B=2&A=9451              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]