PaliRoman Vol.2

Sattamasikkhapadam [58] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu acchinnacivarake bhikkhu upasankamitva evam vadenti ^1- bhagavata avuso anunnatam acchinnacivarassa va natthacivarassa va annatakam gahapatim va gahapatanim va civaram vinnapetum vinnapetha avuso civaranti . alam avuso laddham amhehi civaranti . mayam avuso ^2- ayasmantanam atthaya ^3- vinnapemati . vinnapetha avusoti . Athakho chabbaggiya bhikkhu annatake ^4- gahapatike upasankamitva etadavocum acchinnacivaraka avuso bhikkhu agata detha nesam civaranti ^5- bahum civaram vinnapesum. {58.1} Tena kho pana samayena annataro puriso sabhayam nisinno annataram purisam etadavoca acchinnacivaraka ayya ^6- agata nesam ^7- maya civaram dinnanti . Sopi evamaha mayapi dinnanti . aparopi evamaha mayapi dinnanti . te @Footnote: ¹ Ma. Yu. vadanti . ^2-3-4 Ma. Yu. ime patha natthi . ⁵ Ma. Yu. Ra. civaraniti. @⁶ Ma. Yu. ayyo bhikkhu. evamidise thanesu . ⁷ Ma. Yu. tesam. Ujjhayanti khiyanti vipacenti katham hi nama samana sakyaputtiya na mattam janitva bahum civaram vinnapessanti dussavanijjam ^1- va samana ^2- sakyaputtiya karissanti paggahikasalam va pasaressantiti. Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha santuttha .pe. te ujjhayanti khiyanti vipacenti katham hi nama chabbaggiya bhikkhu na mattam janitva bahum civaram vinnapessantiti . athakho te bhikkhu bhagavato etamattham arocesum . saccam kira tumhe bhikkhave na mattam janitva bahum civaram vinnapethati . saccam bhagavati . vigarahi buddho bhagava katham hi nama tumhe moghapurisa na mattam janitva bahum civaram vinnapessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {58.2} tance annatako gahapati va gahapatani va bahuhi civarehi abhihatthum pavareyya santaruttaraparamantena bhikkhuna tato civaram saditabbam tato ce uttarim sadiyeyya nissaggiyam pacittiyanti. [59] Tanceti acchinnacivarakam bhikkhum . annatako nama matito va pitito va yava sattama pitamahayuga asambaddho . Gahapati nama yo koci agaram ajjhavasati . gahapatani nama ya kaci agaram ajjhavasati . bahuhi civarehiti bahukehi civarehi . abhihatthum @Footnote: ¹ Ma. dussavanijjam . ² Po. dussavanija ime samana. Pavareyyati yavatakam icchasi tavatakam ganhahiti . Santaruttaraparamantena bhikkhuna tato civaram saditabbanti sace tini natthani honti dve saditabbani dve natthani ekam saditabbam ekam nattham na ^[1]- saditabbam . tato ce uttarim sadiyeyyati taduttarim vinnapeti payoge dukkatam patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. imam me bhante civaram annatakam gahapatikam ^[2]- taduttarim vinnapitam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayasmato dammiti. [60] Annatake annatakasanni taduttarim civaram vinnapeti nissaggiyam pacittiyam . annatake vematiko taduttarim civaram vinnapeti nissaggiyam pacittiyam . annatake natakasanni taduttarim civaram vinnapeti nissaggiyam pacittiyam . natake annatakasanni apatti dukkatassa . natake vematiko apatti dukkatassa . Natake natakasanni anapatti. [61] Anapatti sesakam aharissamiti haranto gacchati sesakam tuyheva hotuti denti na acchinnakarana denti na natthakarana @Footnote: ¹ Ma. Yu. kinci . ² Ma. Yu. upasankamitva. Denti natakanam pavaritanam attano dhanena ummattakassa adikammikassati. Sattamasikkhapadam nitthitam. -------

The Pali Tipitaka in Roman Character Volume 2 page 40-43. https://84000.org/tipitaka/read/roman_read.php?B=2&A=695&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=695&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=58&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=7 Study Atthakatha :- https://84000.org/tipitaka/attha/attha.php?b=2&i=58 The Pali Atthakatha in Thai :- https://84000.org/tipitaka/atthapali/read_th.php?B=2&A=4142 The Pali Atthakatha in Roman :- https://84000.org/tipitaka/atthapali/read_rm.php?B=2&A=4142 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2