PaliRoman Vol.20

[475] 36 Tinimani bhikkhave devadutani katamani tini idha bhikkhave ekacco kayena duccaritam carati vacaya duccaritam carati manasa duccaritam carati . so kaye duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati tamenam bhikkhave nirayapala nanabahasu gahetva yamassa ranno dassenti ayam deva puriso Ametteyyo apetteyyo asamanno abrahmanno na kulejetthapacayi imassa devo dandam panetuti tamenam bhikkhave yamo raja pathamam devadutam samanuyunjati samanuggahati samanubhasati ambho purisa na tvam addasa manussesu pathamam devadutam patubhutanti . so evamaha naddasam bhanteti . tamenam bhikkhave yamo raja evamaha ambho purisa na tvam addasa manussesu itthim va purisam va asitikam va navutikam ^1- va vassasatikam va jatiya jinnam gopanasivankam bhoggam dandaparayanam pavedhamanam gacchantam aturam gatayobbanam khandadantam palitakesam vilunam khalitasiram ^2- valitam tilakahatagattanti. {475.1} So evamaha addasam bhanteti tamenam bhikkhave yamo raja evamaha ambho purisa tassa te vinnussa sato mahallakassa na etadahosi ahampi khomhi jaradhammo jaram anatito handaham kalyanam karomi kayena vacaya manasati . so evamaha nasakkhissam bhante pamadassam bhanteti . tamenam bhikkhave yamo raja evamaha ambho purisa pamadavataya na kalyanamakasi kayena vacaya manasa taggha tam ^4- ambho purisa tatha karissanti yathatam pamattam tam kho panetam papakammam neva matara katam na pitara katam na bhatara katam na bhaginiya katam na mittamaccehi katam na natisalohitehi katam na devatahi katam na samanabrahmanehi katam athakho tayavetam papakammam katam tvanneva tassa vipakam patisamvedissasiti . tamenam bhikkhave yamo raja pathamam @Footnote: ¹ Ma. navutikam. ² Ma. khallitasiram. Yu. khalitam sirovalitam . ³ Ma. pamadataya. @⁴ Ma. Yu. tvam. Devadutam samanuyunjitva samanuggahitva samanubhasitva dutiyam devadutam samanuyunjati samanuggahati samanubhasati ambho purisa na tvam addasa manussesu dutiyam devadutam patubhutanti. {475.2} So evamaha naddasam bhanteti. Tamenam bhikkhave yamo raja evamaha ambho purisa na tvam addasa manussesu itthim va purisam va abadhikam dukkhitam balhagilanam sake muttakarise palipannam semanam annehi vutthapiyamanam annehi samvesiyamananti . so evamaha addasam bhanteti . tamenam bhikkhave yamo raja evamaha ambho purisa tassa te vinnussa sato mahallakassa na etadahosi ahampi khomhi byadhidhammo byadhim anatito handaham kalyanam karomi kayena vacaya manasati . so evamaha nasakkhissam bhante pamadassam bhanteti. Tamenam bhikkhave yamo raja evamaha ambho purisa pamadavataya na kalyanamakasi kayena vacaya manasa taggha tam ambho purisa tatha karissanti yathatam pamattam tam kho panetam papakammam neva matara katam na pitara katam na bhatara katam na bhaginiya katam na mittamaccehi katam na natisalohitehi katam na devatahi katam na samanabrahmanehi katam athakho tayavetam papakammam katam tvanneva tassa vipakam patisamvedissasiti . tamenam bhikkhave yamo raja dutiyam devadutam samanuyunjitva samanuggahitva samanubhasitva tatiyam devadutam samanuyunjati samanuggahati samanubhasati ambho purisa na tvam addasa Manussesu tatiyam devadutam patubhutanti. {475.3} So evamaha naddasam bhanteti. Tamenam bhikkhave yamo raja evamaha ambho purisa na tvam addasa manussesu itthim va purisam va ekahamatam va dvihamatam va tihamatam va uddhumatakam vinilakam vipubbakajatanti . so evamaha addasam bhanteti . tamenam bhikkhave yamo raja evamaha ambho purisa tassa te vinnussa sato mahallakassa na etadahosi ahampi khomhi maranadhammo maranam anatito handaham kalyanam karomi kayena vacaya manasati . so evamaha nasakkhissam bhante pamadassam bhanteti . tamenam bhikkhave yamo raja evamaha ambho purisa pamadavataya na kalyanamakasi kayena vacaya manasa taggha tam ambho purisa tatha karissanti yathatam pamattam tam kho panetam papakammam neva matara katam na pitara katam na bhatara katam na bhaginiya katam na mittamaccehi katam na natisalohitehi katam na devatahi katam na samanabrahmanehi katam athakho tayavetam papakammam katam tvanneva tassa vipakam patisamvedissasiti . tamenam bhikkhave yamo raja tatiyam devadutam samanuyunjitva samanuggahitva samanubhasitva tunhi hoti. Tamenam bhikkhave nirayapala pancavidhabandhanam nama kammakaranam karonti tattam ayokhilam hatthe gamenti tattam ayokhilam dutiyasmim hatthe gamenti tattam ayokhilam pade gamenti tattam ayokhilam dutiyasmim pade gamenti tattam ayokhilam majjheurasmim gamenti . so tattha Dukkha tibba khara katuka vedana vediyati na ca tava kalam karoti yava na tam papakammam byantihoti. {475.4} Tamenam bhikkhave nirayapala samvesitva kutharihi tacchanti. So tattha dukkha tibba khara katuka vedana vediyati na ca tava kalam karoti yava na tam papakammam byantihoti . tamenam bhikkhave nirayapala uddhampadam adhosiram thapetva ^1- vasihi tacchanti ... tamenam bhikkhave nirayapala rathe yojetva adittaya bhumiya sampajjalitaya sanjotibhutaya ^2- sarentipi paccasarentipi ... tamenam bhikkhave nirayapala mahantam angarapabbatam adittam sampajjalitam sanjotibhutam aropentipi oropentipi ... tamenam bhikkhave nirayapala uddhampadam adhosiram gahetva tattaya lohakumbhiya pakkhipanti adittaya sampajjalitaya sanjotibhutaya . so tattha phenuddehakam paccati . So tattha phenuddehakam paccamano sakimpi uddham gacchati sakimpi adho gacchati sakimpi tiriyam gacchati . so tattha dukkha tibba khara katuka vedana vediyati na ca tava kalam karoti yava na tam papakammam byantihoti . tamenam bhikkhave nirayapala mahaniraye pakkhipanti . So kho pana bhikkhave mahanirayo catukkanno catudvaro vibhatto bhagaso mito ayopakarapariyanto ayasa patikujjito tassa ayomaya bhumi jalita tejasa yuta @Footnote: ¹ Po. Ma. gahetva . ² Ma. Yu. samjotibhutaya. ito param idisameva. Samanta yojanasatam pharitva titthati sabbadati. Bhutapubbam bhikkhave yamassa ranno etadahosi ye kira bho loke papakani kammani karonti te evarupa vividha kammakarana kariyanti aho vataham manussattam labheyyam tathagato ca loke uppajjeyya araham sammasambuddho tancaham bhagavantam payirupaseyyam so ca me bhagava dhammam deseyya tassa caham bhagavato dhammam ajaneyyanti . Tam kho panaham bhikkhave na annassa samanassa va brahmanassa va sutva evam vadami apica kho bhikkhave yadeva me samam natam samam dittham samam viditam tadevaham vadamiti. Codita devadutehi ye pamajjanti manava te digharattam socanti hinakayupaga nara. Ye ca kho devadutehi santo sappurisa idha codita nappamajjanti ariyadhamme kudacanam upadane bhayam disva jatimaranasambhave anupada vimuccanti jatimaranasankhaye te ^1- khemappatta sukhita ditthadhammabhinibbuta sabbaverabhayatita sabbadukkham upaccagunti.

The Pali Tipitaka in Roman Character Volume 20 page 175-180. https://84000.org/tipitaka/read/roman_read.php?B=20&A=3636&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=3636&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=475&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=80 Study Atthakatha :- https://84000.org/tipitaka/attha/attha.php?b=20&i=475 The Pali Atthakatha in Thai :- https://84000.org/tipitaka/atthapali/read_th.php?B=15&A=2994 The Pali Atthakatha in Roman :- https://84000.org/tipitaka/atthapali/read_rm.php?B=15&A=2994 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20