|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā
[540] 101 Yo kho 1- bhikkhave evam vadeyya yatha yathayam puriso kammam karoti tatha tatha tam patisamvediyatiti 2- evam santam bhikkhave brahmacariyavaso na hoti okaso na pannayati samma dukkhassa antakiriyaya . yo ca kho bhikkhave evam vadeyya yatha yatha vedaniyam ayam puriso kammam karoti tatha tathassa vipakam patisamvediyatiti evam santam bhikkhave brahmacariyavaso hoti okaso pannayati samma @Footnote: 1 Ma. Yu. khosaddo natthi . 2 Ma. patisamvedetiti. ito param idisameva.--------------------------------------------------------------------------------------------- page321.
Dukkhassa antakiriyaya . idha bhikkhave ekaccassa puggalassa appamattakampi papakammam katam tamenam nirayam upaneti . idha pana bhikkhave ekaccassa puggalassa tadisamyeva appamattakam papakammam katam ditthadhammavedaniyam hoti nanupi khayati [1]- bahudeva. {540.1} Kathamrupassa bhikkhave puggalassa appamattakampi papakammam katam tamenam nirayam upaneti. Idha bhikkhave ekacco puggalo abhavitakayo hoti abhavitasilo abhavitacitto abhavitapanno paritto appatumo 2- appadukkhavihari evarupassa bhikkhave puggalassa appamattakampi papakammam katam tamenam nirayam upaneti. {540.2} Kathamrupassa bhikkhave puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva . idha bhikkhave ekacco puggalo bhavitakayo hoti bhavitasilo bhavitacitto bhavitapanno aparitto mahatta 3- appamanavihari evarupassa bhikkhave puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva . seyyathapi bhikkhave puriso lonaphalam 4- paritte udakamallake 5- pakkhipeyya tam kim mannatha bhikkhave apinu tam parittam udakamallake udakam amuna lonaphalena 6- lonam assa apeyyanti. Evam bhante . tam kissa hetu . adum hi bhante parittam udakamallake udakam tam amuna lonaphalena lonam assa apeyyanti . seyyathapi bhikkhave @Footnote: 1 Ma. kim. ito param idisameva. 2 Ma. Yu. appatumo. ito param idisameva. @3 Ma. mahatto. 4 Ma. lonakapalalam . 5 Ma. udakakapallake. ito param idisameva. @6 Ma. lonakapallena. ito param idisameva.--------------------------------------------------------------------------------------------- page322.
Puriso lonaphalam gangaya nadiya pakkhipeyya tam kim mannatha bhikkhave apinu sa ganga nadi amuna lonaphalena lonam 1- assa apeyyanti. Nohetam bhante . tam kissa hetu . asu hi bhante gangaya nadiya mahaudakakkhandho so amuna lonaphalena lono [2]- assa apeyyoti. Evameva kho bhikkhave idhekaccassa puggalassa appamattakampi papakammam katam tamenam nirayam upaneti . idha pana bhikkhave ekaccassa puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva. {540.3} Kathamrupassa bhikkhave puggalassa appamattakampi papakammam katam tamenam nirayam upaneti . idha bhikkhave ekacco puggalo abhavitakayo hoti abhavitasilo abhavitacitto abhavitapanno paritto appatumo appadukkhavihari evarupassa bhikkhave puggalassa appamattakampi papakammam katam tamenam nirayam upaneti. {540.4} Kathamrupassa bhikkhave puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva . idha bhikkhave ekacco puggalo bhavitakayo hoti bhavitasilo bhavitacitto bhavitapanno aparitto mahatta 3- appamanavihari evarupassa bhikkhave puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva . idha bhikkhave ekacco addhakahapanenapi bandhanam nigacchati kahapanenapi bandhanam nigacchati kahapanasatenapi bandhanam nigacchati . idha pana bhikkhave ekacco addhakahapanenapi na bandhanam nigacchati kahapanenapi @Footnote: 1 Yu. lona. 2 Ma. Yu. na . 3 Ma. mahatto.--------------------------------------------------------------------------------------------- page323.
Na bandhanam nigacchati kahapanasatenapi na bandhanam nigacchati. {540.5} Kathamrupo bhikkhave addhakahapanenapi bandhanam nigacchati kahapanenapi bandhanam nigacchati kahapanasatenapi bandhanam nigacchati . idha bhikkhave ekacco daliddo hoti appassako appabhogo evarupo bhikkhave addhakahapanenapi bandhanam nigacchati kahapanenapi bandhanam nigacchati kahapanasatenapi bandhanam nigacchati. {540.6} Kathamrupo bhikkhave addhakahapanenapi na bandhanam nigacchati kahapanenapi na bandhanam nigacchati kahapanasatenapi na bandhanam nigacchati . Idha bhikkhave ekacco addhohoti mahaddhano mahabhogo evarupo bhikkhave addhakahapanenapi na bandhanam nigacchati kahapanenapi na bandhanam nigacchati kahapanasatenapi na bandhanam nigacchati . evameva kho bhikkhave idhekaccassa puggalassa appamattakampi papakammam katam tamenam nirayam upaneti . idha pana bhikkhave ekaccassa puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva .pe. Seyyathapi bhikkhave orabbhiko va urabbhaghatako va appekacco 1- urabbham adinnam adiyamanam pahoti hantum va bandhitum va jhapetum va yathapaccayam va katum appekacco 2- urabbham adinnam adiyamanam nappahoti hantum va bandhitum va jhapetum va yathapaccayam va katum. {540.7} Kathamrupo 3- bhikkhave orabbhiko va urabbhaghatako va urabbham adinnam adiyamanam pahoti hantum va bandhitum va jhapetum va yathapaccayam va katum . idha bhikkhave ekacco daliddo hoti appassako appabhogo @Footnote: 1-2 Ma. Yu. appekaccam. 3 Ma. Yu. kathamrupam.--------------------------------------------------------------------------------------------- page324.
Evarupo 1- bhikkhave orabbhiko va urabbhaghatako va urabbham adinnam adiyamanam pahoti hantum va bandhitum va jhapetum va yathapaccayam va katum. {540.8} Kathamrupo 2- bhikkhave orabbhiko va urabbhaghatako va urabbham adinnam adiyamanam nappahoti hantum va bandhitum va jhapetum va yathapaccayam va katum . idha bhikkhave ekacco addho hoti mahaddhano mahabhogo raja va rajamahamatto va evarupo 3- bhikkhave orabbhiko va urabbhaghatako va urabbham adinnam adiyamanam nappahoti hantum va bandhitum va jhapetum va yathapaccayam va katum . annadatthu panjalikova nam yacati dehi me marisa urabbham va urabbhadhanam vati. Evameva kho bhikkhave idhekaccassa puggalassa appamattakampi papakammam katam tamenam nirayam upaneti . idha pana bhikkhave ekaccassa puggalassa tadisamyeva appamattakam papakammam katam ditthadhammavedaniyam hoti nanupi khayati bahudeva .pe. yo kho bhikkhave evam vadeyya yatha yathayam puriso kammam karoti tatha tatha tam patisamvediyatiti evam santam bhikkhave brahmacariyavaso na hoti okaso na pannayati samma dukkhassa antakiriyaya . yo ca kho bhikkhave evam vadeyya yatha yatha vedaniyam ayam puriso kammam karoti tatha tathassa vipakam patisamvediyatiti evam santam bhikkhave brahmacariyavaso hoti okaso pannayati samma dukkhassa antakiriyayati.The Pali Tipitaka in Roman Character Volume 20 page 320-324. https://84000.org/tipitaka/read/roman_read.php?B=20&A=6762&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=6762&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=540&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=145 Study Atthakatha :- https://84000.org/tipitaka/attha/attha.php?b=20&i=540 The Pali Atthakatha in Thai :- https://84000.org/tipitaka/atthapali/read_th.php?B=15&A=5836 The Pali Atthakatha in Roman :- https://84000.org/tipitaka/atthapali/read_rm.php?B=15&A=5836 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]