บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Atthanapali [153] Atthanametam bhikkhave anavakaso yam ditthisampanno puggalo kanci sankharam niccato upagaccheyya netam thanam vijjati thananca kho etam bhikkhave vijjati yam puthujjano kanci sankharam niccato upagaccheyya thanametam vijjatiti. [154] Atthanametam bhikkhave anavakaso yam ditthisampanno puggalo kanci sankharam sukhato upagaccheyya netam thanam vijjati thananca kho etam bhikkhave vijjati yam puthujjano kanci sankharam sukhato upagaccheyya thanametam vijjatiti. [155] Atthanametam bhikkhave anavakaso yam ditthisampanno @Footnote: 1 Ma. seniyadhita. 2 Ma. kulagharika. 3 Ma. etadaggavaggo nitthito. Puggalo kanci dhammam attato upagaccheyya netam thanam vijjati thananca kho etam bhikkhave vijjati yam puthujjano kanci dhammam attato upagaccheyya thanametam vijjatiti. [156] Atthanametam bhikkhave anavakaso yam ditthisampanno puggalo mataram jivita voropeyya netam thanam vijjati thananca kho etam bhikkhave vijjati yam puthujjano mataram jivita voropeyya thanametam vijjatiti. [157] Atthanametam bhikkhave anavakaso yam ditthisampanno puggalo pitaram jivita voropeyya netam thanam vijjati thananca kho etam bhikkhave vijjati yam puthujjano pitaram jivita voropeyya thanametam vijjatiti. [158] Atthanametam bhikkhave anavakaso yam ditthisampanno puggalo arahantam jivita voropeyya netam thanam vijjati thananca kho etam bhikkhave vijjati yam puthujjano arahantam jivita voropeyya thanametam vijjatiti. [159] Atthanametam bhikkhave anavakaso yam ditthisampanno puggalo tathagatassa dutthena cittena 1- lohitam uppadeyya netam thanam vijjati thananca kho etam bhikkhave vijjati yam puthujjano tathagatassa dutthena cittena 2- lohitam uppadeyya thanametam vijjatiti. @Footnote: 1-2 Ma. padutthacitto. [160] Atthanametam bhikkhave anavakaso yam ditthisampanno puggalo sangham bhindeyya netam thanam vijjati thananca kho etam bhikkhave vijjati yam puthujjano sangham bhindeyya thanametam vijjatiti. [161] Atthanametam bhikkhave anavakaso yam ditthisampanno puggalo annam sattharam uddiseyya netam thanam vijjati thananca kho etam bhikkhave vijjati yam puthujjano annam sattharam uddiseyya thanametam vijjatiti. [162] Atthanametam bhikkhave anavakaso yam ekissa lokadhatuya dve arahanto sammasambuddha apubbam acarimam uppajjeyyum netam thanam vijjati thananca kho etam bhikkhave vijjati yam ekissa lokadhatuya eko 1- araham sammasambuddho uppajjeyya thanametam vijjatiti. Vaggo pathamo.The Pali Tipitaka in Roman Character Volume 20 page 34-36. https://84000.org/tipitaka/read/roman_read.php?B=20&A=690&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=690&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=153&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=21 Study Atthakatha :- https://84000.org/tipitaka/attha/attha.php?b=20&i=153 The Pali Atthakatha in Thai :- https://84000.org/tipitaka/atthapali/read_th.php?B=14&A=9622 The Pali Atthakatha in Roman :- https://84000.org/tipitaka/atthapali/read_rm.php?B=14&A=9622 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]