PaliRoman Vol.20

Tatiyapannasako sambodhivaggo pathamo [543] 104 Pubbeva me bhikkhave sambodha anabhisambuddhassa bodhisattasseva sato etadahosi ko nu kho loke assado ko adinavo kim nissarananti . tassa mayham bhikkhave etadahosi yam kho loke ^1- paticca uppajjati sukham somanassam ayam loke assado yam loko anicco dukkho viparinamadhammo ayam loke adinavo yo loke chandaragapativinayo chandaragappahanam idam loke nissarananti . Yavakivancaham bhikkhave evam lokassa assadanca assadato adinavanca adinavato nissarananca nissaranato yathabhutam nabbhannasim neva tavaham bhikkhave sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddho ^2- paccannasim . yato ca khoham bhikkhave evam lokassa assadanca assadato adinavanca adinavato nissarananca nissaranato yathabhutam abbhannasim athaham bhikkhave sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddho paccannasim . nananca pana me dassanam udapadi akuppa me vimutti ayamantima jati natthidani punabbhavoti. @Footnote: ¹ Po. Ma. lokam . ² Ma. abhisambuddhoti. ito param idisameva.

The Pali Tipitaka in Roman Character Volume 20 page 332. https://84000.org/tipitaka/read/roman_read.php?B=20&A=7017&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=7017&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=543&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=148 Study Atthakatha :- https://84000.org/tipitaka/attha/attha.php?b=20&i=543 The Pali Atthakatha in Thai :- https://84000.org/tipitaka/atthapali/read_th.php?B=15&A=5963 The Pali Atthakatha in Roman :- https://84000.org/tipitaka/atthapali/read_rm.php?B=15&A=5963 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20