|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā
[570] 131 Athakho ayasma anuruddho yenayasma sariputto tenupasankami upasankamitva ayasmata sariputtena saddhim sammodi sammodaniyam katham saraniyam vitisaretva ekamantam nisidi ekamantam nisinno kho ayasma anuruddho ayasmantam sariputtam etadavoca idhaham avuso sariputta dibbena cakkhuna visuddhena atikkantamanusakena sahassam lokam olokemi araddham kho pana me viriyam asallinam upatthita sati appamuttha 1- passaddho kayo asaraddho samahitam cittam ekaggam atha ca pana me nanupadaya asavehi cittam vimuccatiti. {570.1} Yam kho te avuso anuruddha evam hoti aham dibbena cakkhuna visuddhena atikkantamanusakena sahassam lokam olokemiti idante manasmim yampi te avuso anuruddha evam hoti araddham kho pana me viriyam asallinam upatthita sati appamuttha passaddho kayo asaraddho samahitam cittam ekagganti idante uddhaccasmim yampi te avuso anuruddha evam hoti atha ca pana me nanupadaya asavehi cittam vimuccatiti idante kukkuccasmim sadhu vata ayasma anuruddho ime tayo dhamme pahaya ime tayo dhamme amanasikaritva amataya dhatuya cittam upasamharatuti. @Footnote: 1 Ma. Yu. asammuttha. ito param idisameva. appammuttha itipi.--------------------------------------------------------------------------------------------- page364.
{570.2} Athakho ayasma anuruddho aparena samayena ime tayo dhamme pahaya ime tayo dhamme amanasikaritva amataya dhatuya cittam upasamhasi 1- . athakho ayasma anuruddho eko vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi annataro ca panayasma anuruddho arahatam ahositi.The Pali Tipitaka in Roman Character Volume 20 page 363-364. https://84000.org/tipitaka/read/roman_read.php?B=20&A=7679&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=7679&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=570&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=175 Study Atthakatha :- https://84000.org/tipitaka/attha/attha.php?b=20&i=570 The Pali Atthakatha in Thai :- https://84000.org/tipitaka/atthapali/read_th.php?B=15&A=6272 The Pali Atthakatha in Roman :- https://84000.org/tipitaka/atthapali/read_rm.php?B=15&A=6272 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]