บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[50] Cattarome bhikkhave candimasuriyanam upakkilesa yehi upakkilesehi upakkilittha candimasuriya na tapanti na bhasanti na virocanti katame cattaro abbha bhikkhave candimasuriyanam upakkilesa yena upakkilesena upakkilittha candimasuriya na tapanti na bhasanti na virocanti mahiya bhikkhave candimasuriyanam upakkilesa yena upakkilesena upakkilittha candimasuriya na tapanti na bhasanti na virocanti dhumarajo bhikkhave candimasuriyanam upakkileso yena upakkilesena upakkilittha candimasuriya na tapanti na bhasanti na virocanti rahu bhikkhave asurindo candimasuriyanam upakkileso yena upakkilesena upakkilittha candimasuriya na tapanti na bhasanti na virocanti ime kho bhikkhave cattaro candimasuriyanam upakkilesa yehi upakkilesehi upakkilittha candimasuriya na tapanti na bhasanti na virocanti. {50.1} Evameva kho bhikkhave cattaro 1- samanabrahmananam upakkilesa yehi upakkilesehi upakkilittha eke samanabrahmana na tapanti na bhasanti na virocanti katame cattaro santi @Footnote: 1 Ma. cattarome. Bhikkhave eke samanabrahmana suram pivanti merayam suramerayapana appativirata ayam bhikkhave pathamo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti. {50.2} Santi bhikkhave eke samanabrahmana methunam dhammam patisevanti methunasma dhamma appativirata ayam bhikkhave dutiyo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti. {50.3} Santi bhikkhave eke samanabrahmana jataruparajatam sadiyanti jataruparajatapatiggahana appativirata ayam bhikkhave tatiyo samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti. {50.4} Santi bhikkhave eke samanabrahmana micchajivena jivitam kappenti 1- micchajiva appativirata ayam bhikkhave catuttho samanabrahmananam upakkileso yena upakkilesena upakkilittha eke samanabrahmana na tapanti na bhasanti na virocanti. {50.5} Ime kho bhikkhave cattaro samanabrahmananam upakkilesa yehi upakkilesehi upakkilittha eke samanabrahmana na tapanti na bhasanti na virocantiti. Ragadosupatikkittha 2- eke samanabrahmana avijjanivuta posa piyarupabhinandino suram pivanti merayam patisevanti methunam @Footnote: 1 Ma. Yu. micchajivena jivanti. 2 Ma. ragadosaparikkittha. @Yu. ragadosapatikkittha. Rajatam jatarupanca sadiyanti aviddasu. Micchajivena jivanti eke samanabrahmana ete upakkilesa vutta buddhenadiccabandhuna yehi upakkilesehi eke samanabrahmana na tapanti na bhasanti asuddha saraja mata 1-. Andhakarena onaddha tanhadasa sanettika vaddhenti katasim ghoram adiyanti punabbhavanti. Rohitassavaggo pancamo. Tassuddanam samadhipanha dve kodha rohitassapare duve suviduravisakha vipallaso upakkilesena te dasati. Pathamo pannasako nitthito. ------------- @Footnote: 1 Ma. maga.The Pali Tipitaka in Roman Character Volume 21 page 68-70. https://84000.org/tipitaka/read/roman_read.php?B=21&A=1418&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=1418&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=50&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=50 Study Atthakatha :- https://84000.org/tipitaka/attha/attha.php?b=21&i=50 The Pali Atthakatha in Thai :- https://84000.org/tipitaka/atthapali/read_th.php?B=15&A=8037 The Pali Atthakatha in Roman :- https://84000.org/tipitaka/atthapali/read_rm.php?B=15&A=8037 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]