PaliRoman Vol.21

[14] Cattarimani bhikkhave padhanani katamani cattari samvarappadhanam pahanappadhanam bhavanappadhanam anurakkhanappadhanam katamanca bhikkhave samvarappadhanam idha bhikkhave bhikkhu cakkhuna rupam disva na nimittaggahi hoti nanubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati cakkhundriyam cakkhundriye samvaram apajjati sotena saddam sutva ... Ghanena gandham ghayitva ... Jivhaya rasam sayitva ... kayena photthabbam phusitva ... Manasa dhammam @Footnote: ¹ Yu. maradheyyadhibhuno. Vinnaya na nimittaggahi hoti nanubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati manindriyam manindriye samvaram apajjati idam vuccati bhikkhave samvarappadhanam. {14.1} Katamanca bhikkhave pahanappadhanam idha bhikkhave bhikkhu uppannam kamavitakkam nadhivaseti pajahati vinodeti byantikaroti anabhavam gameti uppannam byapadavitakkam ... uppannam vihimsavitakkam ... Uppannuppanne papake akusale dhamme nadhivaseti pajahati vinodeti byantikaroti anabhavam gameti idam vuccati bhikkhave pahanappadhanam. {14.2} Katamanca bhikkhave bhavanappadhanam idha bhikkhave bhikkhu satisambojjhangam bhaveti vivekanissitam viraganissitam nirodhanissitam vossaggaparinamim dhammavicayasambojjhangam bhaveti ... viriyasambojjhangam bhaveti ... pitisambojjhangam bhaveti ... passaddhisambojjhangam bhaveti ... samadhisambojjhangam bhaveti ... upekkhasambojjhangam bhaveti vivekanissitam viraganissitam nirodhanissitam vossaggaparinamim idam vuccati bhikkhave bhavanappadhanam. {14.3} Katamanca bhikkhave anurakkhanappadhanam idha bhikkhave bhikkhu uppannam bhaddakam samadhinimittam anurakkhati atthikasannam pulavakasannam vinilakasannam vipubbakasannam vicchiddakasannam uddhumatakasannam idam vuccati bhikkhave anurakkhanappadhanam . Imani kho bhikkhave cattari padhananiti. Samvaro ca pahananca bhavana anurakkhana Ete padhana cattaro desitadiccabandhuna yehi bhikkhu idhatapi khayam dukkhassa papuneti.

The Pali Tipitaka in Roman Character Volume 21 page 20-22. https://84000.org/tipitaka/read/roman_read.php?B=21&A=417&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=417&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=14&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=14 Study Atthakatha :- https://84000.org/tipitaka/attha/attha.php?b=21&i=14 The Pali Atthakatha in Thai :- https://84000.org/tipitaka/atthapali/read_th.php?B=15&A=6753 The Pali Atthakatha in Roman :- https://84000.org/tipitaka/atthapali/read_rm.php?B=15&A=6753 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21