PaliRoman Vol.22

[106] Ekam samayam bhagava kosambiyam viharati ghositarame . Athakho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca kittavata nu kho bhante bhikkhusangho viharanto phasum vihareyyati . yato kho ananda bhikkhu attana ^[1]- silasampanno hoti no param adhisile sampavatta ettavatapi kho ananda bhikkhusangho viharanto phasum vihareyyati. {106.1} Siya pana bhante annopi pariyayo yatha bhikkhusangho viharanto phasum vihareyyati . siya anandati ^2- bhagava avoca yato kho ananda bhikkhu attana ca silasampanno hoti no param adhisile sampavatta attanupekkhi ca hoti no paranupekkhi ettavatapi kho ananda bhikkhusangho viharanto phasum vihareyyati. {106.2} Siya pana bhante annopi pariyayo yatha bhikkhusangho viharanto phasum vihareyyati . siya anandati bhagava avoca yato kho ananda bhikkhu attana ca silasampanno hoti no param adhisile sampavatta attanupekkhi ca hoti no paranupekkhi appannato ca hoti tena ^3- appannatikena ^4- no paritassati ettavatapi kho ananda @Footnote: ¹ Po. Yu. ca. ² Ma. siya ananda yato kho. ³ Ma. tena ca. @⁴ Ma. apupannatakena. ito param idisameva. Bhikkhusangho viharanto phasum vihareyyati. {106.3} Siya pana bhante annopi pariyayo yatha bhikkhusangho viharanto phasum vihareyyati . siya anandati ^1- bhagava avoca yato kho ananda bhikkhu attana ca silasampanno hoti no param adhisile sampavatta attanupekkhi ca hoti no paranupekkhi appannato ca hoti tena appannatikena no paritassati catunnanca jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi ettavata ^2- kho ananda bhikkhusangho viharanto phasum vihareyyati. {106.4} Siya pana bhante annopi pariyayo yatha bhikkhusangho viharanto phasum vihareyyati . siya anandati bhagava avoca yato kho ananda bhikkhu attana ca silasampanno hoti no param adhisile sampavatta attanupekkhi ca hoti no paranupekkhi appannato ca hoti tena appannatikena no paritassati catunnanca jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi asavananca khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati ettavata kho ananda bhikkhusangho viharanto phasum vihareyya . imamha caham ananda phasuvihara anno phasuviharo uttaritaro va panitataro va natthiti vadamiti. @Footnote: ¹ Ma. siya ananda yato kho . ² Ma. ettavatapi.

The Pali Tipitaka in Roman Character Volume 22 page 150-151. https://84000.org/tipitaka/read/roman_read.php?B=22&A=3150&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=3150&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=106&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=106 Study Atthakatha :- https://84000.org/tipitaka/attha/attha.php?b=22&i=106 The Pali Atthakatha in Thai :- https://84000.org/tipitaka/atthapali/read_th.php?B=16&A=1055 The Pali Atthakatha in Roman :- https://84000.org/tipitaka/atthapali/read_rm.php?B=16&A=1055 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22