PaliRoman Vol.22

[168] Tatra kho ayasma sariputto bhikkhu amantesi .pe. Dussilassa avuso silavipannassa hatupaniso hoti sammasamadhi sammasamadhimhi asati sammasamadhivipannassa hatupanisam hoti yathabhutananadassanam yathabhutananadassane asati yathabhutananadassanavipannassa hatupaniso hoti nibbidavirago nibbidavirage asati nibbidaviragavipannassa hatupanisam hoti vimuttinanadassanam seyyathapi avuso rukkho sakhapalasavipanno tassa papatikapi na paripurim gacchati tacopi pheggupi saropi na paripurim gacchati evameva kho avuso dussilassa silavipannassa hatupaniso hoti sammasamadhi sammasamadhimhi asati sammasamadhivipannassa hatupanisam hoti yathabhutananadassanam yathabhutananadassane asati yathabhutananadassanavipannassa hatupaniso hoti nibbidavirago nibbidavirage asati nibbidaviragavipannassa hatupanisam hoti vimuttinanadassanam. {168.1} Silavato avuso silasampannassa upanisasampanno hoti sammasamadhi sammasamadhimhi sati sammasamadhisampannassa upanisasampannam hoti yathabhutananadassanam yathabhutananadassane sati yathabhutananadassanasampannassa upanisasampanno hoti nibbidavirago nibbidavirage sati nibbidaviragasampannassa upanisasampannam Hoti vimuttinanadassanam seyyathapi avuso rukkho sakhapalasasampanno tassa papatika paripurim gacchati tacopi pheggupi saropi paripurim gacchati evameva kho avuso silavato silasampannassa upanisasampanno hoti sammasamadhi sammasamadhimhi sati sammasamadhisampannassa upanisasampannam hoti yathabhutananadassanam yathabhutananadassane sati yathabhutananadassanasampannassa upanisasampanno hoti nibbidavirago nibbidavirage sati nibbidaviragasampannassa upanisasampannam hoti vimuttinanadassananti.

The Pali Tipitaka in Roman Character Volume 22 page 223-224. https://84000.org/tipitaka/read/roman_read.php?B=22&A=4697&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=4697&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=168&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=168 Study Atthakatha :- https://84000.org/tipitaka/attha/attha.php?b=22&i=168 The Pali Atthakatha in Thai :- https://84000.org/tipitaka/atthapali/read_th.php?B=16&A=1456 The Pali Atthakatha in Roman :- https://84000.org/tipitaka/atthapali/read_rm.php?B=16&A=1456 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22