PaliRoman Vol.22

[284] ¹³ Chayima bhikkhave nissaraniya dhatuyo katama cha idha bhikkhave bhikkhu evam vadeyya metta hi kho me cetovimutti bhavita bahulikata yanikata vatthukata anutthita paricita susamaraddha atha ca pana me byapado cittam pariyadaya titthatiti so ma hevantissa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya atthanametam avuso anavakaso yam mettaya cetovimuttiya bhavitaya bahulikataya yanikataya vatthukataya anutthitaya paricitaya susamaraddhaya atha ca panassa byapado cittam pariyadaya thassatiti ^1- netam thanam vijjati nissarananhetam avuso byapadassa yadidam metta cetovimutti ^2-. {284.1} Idha pana bhikkhave bhikkhu evam vadeyya karuna hi kho me cetovimutti bhavita bahulikata yanikata vatthukata anutthita paricita susamaraddha atha ca pana me vihesa cittam pariyadaya titthatiti so ma hevantissa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya atthanametam @Footnote: ¹ Ma. itisaddo natthi . ² Ma. cetovimuttiti. Avuso anavakaso yam karunaya cetovimuttiya bhavitaya bahulikataya yanikataya vatthukataya anutthitaya paricitaya susamaraddhaya atha ca panassa vihesa cittam pariyadaya thassatiti ^1- netam thanam vijjati nissarananhetam avuso vihesaya yadidam karuna cetovimutti ^2-. {284.2} Idha pana bhikkhave bhikkhu evam vadeyya mudita hi kho me cetovimutti bhavita bahulikata yanikata vatthukata anutthita paricita susamaraddha atha ca pana me arati cittam pariyadaya titthatiti so ma hevantissa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya atthanametam avuso anavakaso yam muditaya cetovimuttiya bhavitaya bahulikataya yanikataya vatthukataya anutthitaya paricitaya susamaraddhaya atha ca panassa arati cittam pariyadaya thassatiti netam thanam vijjati nissarananhetam avuso aratiya yadidam mudita cetovimutti. {284.3} Idha pana bhikkhave bhikkhu evam vadeyya upekkha hi kho me cetovimutti bhavita bahulikata yanikata vatthukata anutthita paricita susamaraddha atha ca pana me rago cittam pariyadaya titthatiti so ma hevantissa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya atthanametam avuso anavakaso yam upekkhaya cetovimuttiya bhavitaya bahulikataya yanikataya vatthukataya @Footnote: ¹ Ma. itisaddo natthi . ² Ma. cetovimuttiti. Anutthitaya paricitaya susamaraddhaya atha ca panassa rago cittam pariyadaya thassatiti ^1- netam thanam vijjati nissarananhetam avuso ragassa yadidam upekkha cetovimutti ^2-. {284.4} Idha pana bhikkhave bhikkhu evam vadeyya animitta hi kho me cetovimutti bhavita bahulikata yanikata vatthukata anutthita paricita susamaraddha atha ca pana me nimittanusari vinnanam hotiti so ma hevantissa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya atthanametam avuso anavakaso yam animittaya cetovimuttiya bhavitaya bahulikataya yanikataya vatthukataya anutthitaya paricitaya susamaraddhaya atha ca panassa nimittanusari vinnanam bhavissatiti netam thanam vijjati nissarananhetam avuso sabbanimittanam yadidam animitta cetovimutti ^2-. {284.5} Idha pana bhikkhave bhikkhu evam vadeyya asmiti kho me vigate ^3- ayamahamasmiti ca na samanupassami atha ca pana me vicikicchakathamkathasallam cittam pariyadaya titthatiti so ma hevantissa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya atthanametam avuso anavakaso yam asmiti vigate ayamahamasmiti ca asamanupassato ^4- atha ca panassa vicikicchakathamkathasallam cittam pariyadaya thassatiti netam thanam vijjati nissarananhetam avuso vicikicchakathamkathasallassa yadidam asmiti manasamugghato . @Footnote: ¹ Ma. itisaddo natthi . ² Ma. cetovimuttiti . ³ Ma. Yu. vigatam .... @⁴ Ma. Yu. na samanupassato. Ima kho bhikkhave cha nissaraniya ^1- dhatuyoti.

The Pali Tipitaka in Roman Character Volume 22 page 324-327. https://84000.org/tipitaka/read/roman_read.php?B=22&A=6808&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=6808&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=284&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=264 Study Atthakatha :- https://84000.org/tipitaka/attha/attha.php?b=22&i=284 The Pali Atthakatha in Thai :- https://84000.org/tipitaka/atthapali/read_th.php?B=16&A=2326 The Pali Atthakatha in Roman :- https://84000.org/tipitaka/atthapali/read_rm.php?B=16&A=2326 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22