PaliRoman Vol.22

[299] 28 Ekam samayam sambahula thera bhikkhu baranasiyam viharanti isipatane migadaye . atha kho tesam theranam bhikkhunam pacchabhattam pindapatapatikkantanam mandalamale sannisinnanam sannipatitanam ayamantara katha udapadi ko nu kho avuso samayo manobhavaniyassa bhikkhuno dassanaya upasankamitunti. {299.1} Evam vutte annataro bhikkhu there bhikkhu etadavoca yasmim avuso samaye manobhavaniyo bhikkhu pacchabhattam pindapatapatikkanto pade pakkhaletva nisinno hoti pallankam abhujitva ujum kayam panidhaya parimukham satim upatthapetva so samayo manobhavaniyassa bhikkhuno dassanaya upasankamitunti. {299.2} Evam vutte annataro bhikkhu tam bhikkhum etadavoca na kho Avuso samayo manobhavaniyassa bhikkhuno dassanaya upasankamitum yasmim avuso samaye manobhavaniyo bhikkhu pacchabhattam pindapatapatikkanto pade pakkhaletva nisinno hoti pallankam abhujitva ujum kayam panidhaya parimukham satim upatthapetva carittakilamathopissa tasmim samaye appatippassaddho hoti bhattakilamathopissa tasmim samaye appatippassaddho hoti tasma so asamayo manobhavaniyassa bhikkhuno dassanaya upasankamitum yasmim avuso samaye manobhavaniyo bhikkhu sayanhasamayam patisallana vutthito viharapacchayayam nisinno hoti pallankam abhujitva ujum kayam panidhaya parimukham satim upatthapetva so samayo manobhavaniyassa bhikkhuno dassanaya upasankamitunti. {299.3} Evam vutte annataro bhikkhu tam bhikkhum etadavoca na kho avuso samayo manobhavaniyassa bhikkhuno dassanaya upasankamitum yasmim avuso samaye manobhavaniyo bhikkhu sayanhasamayam patisallana vutthito viharapacchayayam nisinno hoti pallankam abhujitva ujum kayam panidhaya parimukham satim upatthapetva yadevassa diva samadhinimittam manasikatam hoti tadevassa tasmim samaye samudacarati tasma so asamayo manobhavaniyassa bhikkhuno dassanaya upasankamitum yasmim avuso samaye manobhavaniyo bhikkhu rattiya paccusasamayam paccutthaya nisinno hoti pallankam abhujitva ujum kayam panidhaya parimukham satim upatthapetva so samayo manobhavaniyassa bhikkhuno dassanaya upasankamitunti. {299.4} Evam vutte annataro bhikkhu tam bhikkhum etadavoca na kho avuso samayo manobhavaniyassa bhikkhuno dassanaya upasankamitum yasmim avuso samaye manobhavaniyo bhikkhu rattiya paccusasamayam paccutthaya nisinno hoti pallankam abhujitva ujum kayam panidhaya parimukham satim upatthapetva ojatthayissa tasmim samaye kayo hoti phasukassa ^1- hoti buddhanam sasanam manasi katum tasma so samayo manobhavaniyassa bhikkhuno dassanaya upasankamitunti. {299.5} Evam vutte ayasma mahakaccano there bhikkhu etadavoca sammukha me tam avuso bhagavato sutam sammukha patiggahitam chayime bhikkhu samaya manobhavaniyassa bhikkhuno dassanaya upasankamitum katame cha idha bhikkhu yasmim samaye bhikkhu kamaragapariyutthitena cetasa viharati kamaragaparetena uppannassa ca kamaragassa nissaranam yathabhutam nappajanati tasmim samaye manobhavaniyo bhikkhu upasankamitva evamassa vacaniyo aham kho avuso kamaragapariyutthitena cetasa viharami kamaragaparetena uppannassa ca kamaragassa nissaranam yathabhutam nappajanami sadhu vata me ayasma kamaragassa pahanaya dhammam desetuti tassa manobhavaniyo bhikkhu kamaragassa pahanaya dhammam deseti ayam bhikkhu pathamo samayo manobhavaniyassa bhikkhuno dassanaya upasankamitum. {299.6} Puna caparam bhikkhu yasmim samaye bhikkhu byapadapariyutthitena cetasa viharati .pe. thinamiddhapariyutthitena @Footnote: ¹ Ma. Yu. phasussa. Cetasa viharati uddhaccakukkuccapariyutthitena cetasa viharati vicikicchapariyutthitena cetasa viharati .pe. yam nimittam agamma yam nimittam manasikaroto anantara asavanam khayo hoti tam nimittam na janati na passati tasmim samaye manobhavaniyo bhikkhu upasankamitva evamassa vacaniyo aham kho avuso yam nimittam agamma yam nimittam manasikaroto anantara asavanam khayo hoti tam nimittam na janami na passami sadhu vata me ayasma asavanam khayaya dhammam desetuti tassa manobhavaniyo bhikkhu asavanam khayaya dhammam deseti ayam bhikkhu chattho samayo manobhavaniyassa bhikkhuno dassanaya upasankamitum . sammukha me tam avuso bhagavato sutam sammukha patiggahitam ime kho bhikkhu cha samaya manobhavaniyassa bhikkhuno dassanaya upasankamitunti.

The Pali Tipitaka in Roman Character Volume 22 page 357-360. https://84000.org/tipitaka/read/roman_read.php?B=22&A=7516&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=7516&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=299&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=279 Study Atthakatha :- https://84000.org/tipitaka/attha/attha.php?b=22&i=299 The Pali Atthakatha in Thai :- https://84000.org/tipitaka/atthapali/read_th.php?B=16&A=2499 The Pali Atthakatha in Roman :- https://84000.org/tipitaka/atthapali/read_rm.php?B=16&A=2499 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22