บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[300] 29 Atha kho bhagava ayasmantam udayim amantesi kati nu kho udayi anussatitthananiti . evam vutte ayasma udayi tunhi ahosi . dutiyampi kho bhagava ayasmantam udayim amantesi kati nu kho udayi anussatitthananiti . evam vutte [1]- ayasma udayi tunhi ahosi . tatiyampi kho bhagava ayasmantam udayim amantesi kati nu kho udayi anussatitthananiti . tatiyampi kho ayasma udayi tunhi ahosi . atha kho ayasma anando ayasmantam udayim etadavoca sattha tam avuso udayi amantetiti. @Footnote: 1 Ma. Yu. dutiyampi kho. Sunamaham 1- avuso ananda bhagavato idha bhante bhikkhu anekavihitam pubbenivasam anussarati seyyathidam ekampi jatim dvepi jatiyo .pe. Iti sakaram sauddesam anekavihitam pubbenivasam anussarati idam bhante anussatitthananti. {300.1} Atha kho bhagava ayasmantam anandam amantesi annasim kho aham ananda nevayam udayi moghapuriso adhicittamanuyutto viharatiti kati nu kho ananda anussatitthananiti . panca bhante anussatitthanani katamani panca idha bhante bhikkhu vivicceva kamehi .pe. tatiyam jhanam upasampajja viharati idam bhante anussatitthanam evam bhavitam evam bahulikatam ditthadhammasukhaviharaya samvattati. {300.2} Puna caparam bhante bhikkhu alokasannam manasikaroti diva sannam adhitthati yatha diva tatha rattim yatha rattim tatha diva iti vivatena cetasa apariyonaddhena sampabhasam cittam bhaveti idam bhante anussatitthanam evam bhavitam evam bahulikatam nanadassanapatilabhaya samvattati. {300.3} Puna caparam bhante bhikkhu imameva kayam uddham padatala adhokesamatthaka tacapariyantam purannanappakarassa asucino paccavekkhati atthi imasmim kaye kesa loma nakha danta taco mamsam naharu atthi atthiminjam vakkam hadayam yakanam kilomakam pihakam papphasam antam antagunam udariyam karisam pittam semham pubbo lohitam sedo medo assu vasa khelo 2- singhanika lasika muttanti idam @Footnote: 1 Ma. sunomaham . 2 Po. Ma. khelo. Bhante anussatitthanam evam bhavitam evam bahulikatam kamaragassa pahanaya samvattati. {300.4} Puna caparam bhante bhikkhu seyyathapi passeyya sariram sivathikaya chadditam ekahamatam va dvihamatam va tihamatam va uddhumatakam vinilakam vipubbakajatam so imameva kayam evam upasamharati ayampi kho kayo evamdhammo evambhavi evam anatitoti seyyatha 1- va pana passeyya sariram sivathikaya chadditam kakehi va khajjamanam kulalehi va khajjamanam gijjhehi va khajjamanam suvanehi 2- va khajjamanam singalehi va khajjamanam vividhehi va panakajatehi khajjamanam so imameva kayam evam upasamharati ayampi kho kayo evamdhammo evambhavi evam anatitoti {300.5} seyyatha 1- va pana passeyya sariram sivathikaya chadditam atthikasankhalikam samamsalohitam naharusambandham atthikasankhalikam nimmamsalohitamakkhitam naharusambandham atthikasankhalikam apagatamamsalohitam naharusambandham atthikani apagatasambandhani disa vidisa vikkhittani annena hatthatthikam annena padatthikam annena janghatthikam annena urutthikam annena katitthikam [3]- annena pitthikantakatthikam annena sisakataham so imameva kayam evam upasamharati ayampi kho kayo evamdhammo evambhavi evam anatitoti seyyatha 1- va pana passeyya sariram sivathikaya chadditam atthikani setani sankhavannupanibhani atthikani punjakitani terovassikani putini cunnakajatani so @Footnote: 1 Ma. Yu. seyyathapi . 2 Ma. sunakhehi . 3 Ma. etthantare annena hanukatthikam @annena phasukatthikam annena pitthikandakatthikam annena khandhatthikam annena givatthikam @annena dantakatthikanti dissanti. Imameva kayam evam upasamharati ayampi kho kayo evamdhammo evambhavi evam anatitoti idam bhante anussatitthanam evam bhavitam evam bahulikatam asmimanasamugghataya samvattati. {300.6} Puna caparam bhante bhikkhu sukhassa ca pahana .pe. Catuttham jhanam upasampajja viharati idam bhante anussatitthanam evam bhavitam evam bahulikatam anekadhatupativedhaya samvattati imani kho bhante panca anussatitthananiti. {300.7} Sadhu sadhu ananda tenahi tvam ananda idampi chattham anussatitthanam dharehi idhananda bhikkhu satova abhikkamati satova patikkamati satova titthati satova nisidati satova seyyam kappeti satova kammam 1- adhitthati idam ananda anussatitthanam evam bhavitam evam bahulikatam satisampajannaya samvattatiti.The Pali Tipitaka in Roman Character Volume 22 page 360-363. https://84000.org/tipitaka/read/roman_read.php?B=22&A=7581&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=7581&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=300&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=280 Study Atthakatha :- https://84000.org/tipitaka/attha/attha.php?b=22&i=300 The Pali Atthakatha in Thai :- https://84000.org/tipitaka/atthapali/read_th.php?B=16&A=2509 The Pali Atthakatha in Roman :- https://84000.org/tipitaka/atthapali/read_rm.php?B=16&A=2509 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]