PaliRoman Vol.22

[313] 42 Evamme sutam ekam samayam bhagava kosalesu carikancaramano mahata bhikkhusanghena saddhim yena icchanangalam nama kosalanam brahmanagamo tadavasari tatra sudam bhagava icchanangale viharati icchanangalavanasande . assosum kho icchanangalaka brahmanagahapatika samano khalu bho gotamo sakyaputto sakyakula pabbajito icchanangalam anuppatto icchanangale viharati icchanangalavanasande . tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho vijjacaranasampanno .pe. buddho bhagavati so imam lokam sadevakam samarakam .pe. arahatam dassanam hotiti . Atha kho icchanangalaka brahmanagahapatika tassa rattiya accayena pahutam khadaniyam bhojaniyam adaya yena icchanangalavanasando tenupasankamimsu upasankamitva bahidvarakotthake atthamsu uccasadda mahasadda. {313.1} Tena kho pana samayena ayasma nagito bhagavato upatthako hoti . atha kho bhagava ayasmantam nagitam amantesi ke pana te nagita uccasadda mahasadda kevattamanne macche vilopentiti ^1-. Ete bhante icchanangalaka brahmanagahapatika pahutam khadaniyam bhojaniyam adaya bahidvarakotthake thita bhagavantanceva ^2- uddissa bhikkhusanghancati . maham nagita yasena samagamam ma ca maya yaso yo kho nagita nayimassa nekkhammasukhassa pavivekasukhassa upasamasukhassa sambodhasukhassa nikamalabhi assa akicchalabhi akasiralabhi yassaham nekkhammasukhassa pavivekasukhassa upasamasukhassa sambodhasukhassa nikamalabhi assam akicchalabhi akasiralabhi so tam milhasukham middhasukham labhasakkarasilokasukham sadiyeyyati. {313.2} Adhivasetudani bhante bhagava adhivasetu sugato adhivasanakalodani bhante bhagavato adhivasanakalodani bhante bhagavato ^3- yena yenevadani bhante bhagava gamissati tamninnava bhavissanti brahmanagahapatika negama ceva janapada ca seyyathapi bhante thullaphusitake deve vassante yathaninnam udakani pavattanti evameva kho bhante yena yenevadani bhagava gamissati tamninnava bhavissanti brahmanagahapatika negama ceva janapada ca tam kissa hetu tatha hi bhante bhagavato silapannananti. {313.3} Maham nagita yasena samagamam ma ca maya yaso yo kho nagita nayimassa nekkhammasukhassa pavivekasukhassa upasamasukhassa sambodhasukhassa nikamalabhi assa akicchalabhi akasiralabhi @Footnote: ¹ Po. Ma. macchavilopeti . ² Po. Ma. Yu. bhagavantam yeva . ³ Po. Ma. Yu. adhi ... @bhagavatoti ime patha natthi. Yassaham nekkhammasukhassa pavivekasukhassa upasamasukhassa sambodhasukhassa nikamalabhi assam ^1- akicchalabhi akasiralabhi so tam milhasukham middhasukham labhasakkarasilokasukham sadiyeyya ^2- idhaham nagita bhikkhum passami gamantaviharam ^3- samahitam nisinnam tassa mayham nagita evam hoti idanimam ayasmantam aramiko tam kim ghatessati samanuddeso va samadhimha tam bhavessatiti tenaham nagita tassa bhikkhuno na attamano homi gamantaviharena idha panaham nagita bhikkhum passami arannikam ^4- aranne pacalayamanam nisinnam tassa mayham nagita evam hoti idani ayamayasma imam niddakilamatham pativinodetva arannasannam yeva manasikarissati ekagganti tenaham nagita tassa bhikkhuno attamano homi arannaviharena idha panaham nagita bhikkhum passami arannikam aranne asamahitam nisinnam tassa mayham nagita evam hoti idani ayamayasma asamahitam va cittam samadahissati samahitam va cittam anurakkhissatiti tenaham nagita bhikkhuno attamano homi arannaviharena idha panaham nagita bhikkhum passami arannikam aranne samahitam nisinnam tassa mayham nagita evam hoti idani ayamayasma avimuttam va cittam vimocessati vimuttam va cittam anurakkhissatiti tenaham nagita tassa bhikkhuno attamano homi arannaviharena idha panaham nagita bhikkhum passami gamantaviharam labhim civarapindapatasenasana- gilanapaccayabhesajjaparikkharanam so tam labhasakkarasilokam @Footnote: ¹ Ma. Yu. ayam patho natthi . ² Yu. sadiyeyyati . ³ Ma. gamantaviharim. @⁴ Ma. Yu. arannakam. Nikamayamano rincati patisallanam rincati arannavanapatthani pantani senasanani gamanigamarajadhanim osaritva vasam kappeti tenaham nagita tassa bhikkhuno na attamano homi gamantaviharena idha panaham nagita bhikkhum passami arannikam labhim civarapindapatasenasanagilanapaccayabhesajjaparikkharanam so tam labhasakkarasilokam patippanametva na rincati patisallanam na rincati arannavanapatthani pantani senasanani tenaham nagita tassa bhikkhuno attamano homi arannaviharena yasmim ^1- panaham nagita samaye addhanamaggapatipanno na kanci ^2- passami purato va pacchato va phasu me nagita tasmim samaye hoti antamaso uccarapassavakammayati. Sekhaparihaniyavaggo catuttho. Tassuddanam sekha dve aparihani moggallanavijjabhagiya vivadadanattakari nidanam kimmila darukkhandhena nagitoti. --------------

The Pali Tipitaka in Roman Character Volume 22 page 381-384. https://84000.org/tipitaka/read/roman_read.php?B=22&A=8018&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=8018&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=313&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=293 Study Atthakatha :- https://84000.org/tipitaka/attha/attha.php?b=22&i=313 The Pali Atthakatha in Thai :- https://84000.org/tipitaka/atthapali/read_th.php?B=16&A=2682 The Pali Atthakatha in Roman :- https://84000.org/tipitaka/atthapali/read_rm.php?B=16&A=2682 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22