PaliRoman Vol.22

[317] 46 ^[1]- Ekam samayam ayasma mahacundo cetisu viharati sanjatiyam ^2- . tatra kho ayasma mahacundo bhikkhu amantesi avuso bhikkhavoti . avusoti kho te bhikkhu ayasmato mahacundassa paccassosum . ayasma mahacundo etadavoca idha avuso dhammayoga bhikkhu jhayi bhikkhu apasadenti ime pana jhayinomha jhayinomhati jhayanti pajjhayanti ^[3]- kinhime jhayanti kintime jhayanti kathanhime ^4- jhayantiti tattha dhammayoga ca bhikkhu nappasidanti jhayi ca bhikkhu nappasidanti na ca bahujanahitaya patipanna honti bahujanasukhaya bahuno janassa atthaya hitaya sukhaya devamanussanam {317.1} idha panavuso jhayi bhikkhu dhammayoge bhikkhu apasadenti ime pana dhammayogamha dhammayogamhati uddhata unnala capala mukhara vikinnavaca mutthassatino ^5- asampajana asamahita vibbhantacitta pakatindriya kinhime dhammayoga kintime dhammayoga kathanhime dhammayogati tattha jhayi ca bhikkhu nappasidanti dhammayoga ca bhikkhu nappasidanti na ca bahujanahitaya patipanna honti bahujanasukhaya bahuno janassa atthaya hitaya sukhaya devamanussanam {317.2} idha panavuso dhammayoga bhikkhu dhammayogananneva bhikkhunam vannam bhasanti no jhayinam bhikkhunam vannam bhasanti tattha dhammayoga ca bhikkhu nappasidanti jhayi ca bhikkhu nappasidanti na ca bahujanahitaya patipanna honti bahujanasukhaya bahuno janassa atthaya @Footnote: ¹ Po. Ma. Yu. evam me sutam . ² sayam jatiyam. Yu. sahajatiyam . ³ Ma. etthantare @nijjhayanti avajjhayanti kimimeti dissanti . ⁴ Ma. katham ime . ⁵ Po. Ma. Yu. @mutthassati. Hitaya sukhaya devamanussanam {317.3} idha panavuso jhayi bhikkhu jhayinanneva bhikkhunam vannam bhasanti no dhammayoganam bhikkhunam vannam bhasanti tattha jhayi ca bhikkhu nappasidanti dhammayoga ca bhikkhu nappasidanti na ca bahujanahitaya patipanna honti bahujanasukhaya bahuno janassa atthaya hitaya sukhaya devamanussanam {317.4} tasma tihavuso evam sikkhitabbam dhammayoga samana jhayinam bhikkhunam vannam bhasissamati evanhi vo avuso sikkhitabbam tam kissa hetu acchariya hete avuso puggala dullabha lokasmim ye amatam dhatum kayena phusitva viharanti tasma tihavuso evam sikkhitabbam jhayi samana dhammayoganam bhikkhunam vannam bhasissamati evanhi vo avuso sikkhitabbam tam kissa hetu acchariya hete avuso puggala dullabha lokasmim ye gambhiraatthapadam pannaya ativijjhapassantiti.

The Pali Tipitaka in Roman Character Volume 22 page 397-398. https://84000.org/tipitaka/read/roman_read.php?B=22&A=8351&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=8351&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=317&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=297 Study Atthakatha :- https://84000.org/tipitaka/attha/attha.php?b=22&i=317 The Pali Atthakatha in Thai :- https://84000.org/tipitaka/atthapali/read_th.php?B=16&A=2885 The Pali Atthakatha in Roman :- https://84000.org/tipitaka/atthapali/read_rm.php?B=16&A=2885 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22