PaliRoman Vol.22

[320] 49 Ekam samayam bhagava savatthiyam viharati jetavane anathapindikassa arame . tena kho pana samayena ayasma ca khemo ayasma ca sumano savatthiyam viharanti andhavanasmim . Atha kho ayasma ca khemo ayasma ca sumano yena bhagava tenupasankamimsu upasankamitva bhagavantam abhivadetva ekamantam nisidimsu ekamantam nisinno kho ayasma khemo bhagavantam etadavoca yo so bhante bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto tassa na evam hoti atthi me seyyoti va atthi me sadisoti va atthi me hinoti vati . idamavoca ayasma khemo . samanunno sattha ahosi . Atha kho ayasma khemo samanunno me satthati utthayasana bhagavantam abhivadetva padakkhinam katva pakkami. {320.1} Atha kho ayasma sumano acirapakkante ayasmante kheme bhagavantam etadavoca yo so bhante bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadanna vimutto tassa na evam hoti natthi me seyyoti va natthi me sadisoti va natthi me hinoti vati . idamavoca ayasma sumano . samanunno Sattha ahosi . atha kho ayasma sumano samanunno me satthati utthayasana bhagavantam abhivadetva padakkhinam katva pakkami . Atha kho bhagava acirapakkantesu ^1- ayasmante ca kheme ayasmante ca sumane bhikkhu amantesi evam kho bhikkhave kulaputta annam byakaronti attho ca vutto atta ca anupanito atha ca pana idhekacce moghapurisa hasamanaka manne annam byakaronti te paccha vighatam apajjantiti. Na ussesu na osesu ^2- samatthe ^3- nopaniyyare khina sanjati ^4- vusitam brahmacariyam caranti sannojanavippamuttati.

The Pali Tipitaka in Roman Character Volume 22 page 401-402. https://84000.org/tipitaka/read/roman_read.php?B=22&A=8440&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=8440&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=320&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=300 Study Atthakatha :- https://84000.org/tipitaka/attha/attha.php?b=22&i=320 The Pali Atthakatha in Thai :- https://84000.org/tipitaka/atthapali/read_th.php?B=16&A=2902 The Pali Atthakatha in Roman :- https://84000.org/tipitaka/atthapali/read_rm.php?B=16&A=2902 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22